Read Yupik Exodus 1 Bible Online

Exodus 1 - Yupik bible

Exodus 1

¹Jacob-aam qetunrai maligutellriit Egypt-aamun allakarmeng yuungnaqelriarurrluteng ukuugut:

²Reuben, Simeon, Levi, Judah,

³Issachar, Zebulun, Benjamin,

⁴Dan, Naphtali, Gad, Asher-aaq-llu.

⁵Ukut waten yuut amllertalriit tungaunateng kinguvartut Jacob-aamek, amllertaluteng yuinaat pingayun qulmek cipluku (70). Qetunraa Joseph-aaq ak'a Egypt-aametaurallruluni.

⁶Piinanermeggni Joseph-aaq anelgutni-llu tamarmeng-llu taukut kinguveqellriit tuqullruut.

⁷Tau͡gaam kinguvri Israel-aam irnialingut amlleriluteng patagmek. Amlleriameng piniriut cekavtengluteng-llu Egypt-aamun tamalkuan.

⁸Tua-llu nutaram angayuqam, Joseph-aam nallustiin, ataniungartaa Egypt-aaq.

⁹Yum'inun tauna qanertuq, “Makut Israel-aat amllerissiyaagtut piniriluteng-llu, wangkutnun aarnariluteng.

¹⁰Pitsaqevkenani anguyak pikan inglumten̄un ilaulluteng callungnayukluta, ayagnayukluki-llu maaken nunamek. Qaillukuarnarqukut amllerivsiallerkaat-llu cukaiqaningnaqluku.”

¹¹Taumek Egypt-aarmiut ataniurten̄ek kellutescirait nangtestekaitnek calirpagtelluki. Israel-aat-llu nunarpaliut Pithon-aamek Rameses-aamek-llu, Pharaoh-m aklivigkagkenek.

¹²Tau͡gaam nangcimallerteng maliggluku amlleriinartut, cekavvngiinarluteng nunami. Taumek Egypt-aarmiut alikengait Israel-aat.

¹³Yuugurallrat-llu pinerrlugcet'ngaat calivkarluki teguani arcaqanrurrluki, calivkarluki ellaita caliarkameggni naucetaavimeggni-llu takumcukevkenaki.

¹⁵Tua-llu Egypt-aam angayuqran qanrutak Hebrews-aat arnaitnek irnivkaristek Shiphrah-nkuk Puah-llu,

¹⁶“Ikayuagaqavteki Hebrews-aat arnat irniaqata, tuqutaqluki tan'gaurluugaqata, nasaurluugaqata unguvavkaraqluki.”

¹⁷Tau͡gaam taukuk arnak Agayutmek qigcigyulriaruamek Egypt-aam angayuqra maligtaqunritaak, tan'gaurluut unguvavkaraqluki.

¹⁸Taumek taisqak irnivkaristek arnak aplukek-llu, “Ciin waten picetek, tan'gaurluut unguvavkaraqluki?”

¹⁹Tua-llu kiugaak, “Hebrews-aat arnait Egypt-aarmiut arnaicetun ayuqenritut, ayaniameng qaciggluteng irnilartut tekipailemegneki.”

²⁰Irnivkaristek Agayutem ellminek qigcigyulriaruagnek assikak nakmiin-llu ilakakegnek cikirlukek. Israel-aat-llu amlleriinartut piniriinarluteng-llu.

²²Tua-llu Pharaoh-m alerqurai tamalkuita yun'i, “Hebrew-t arnait tan'gaurlurmek irniaqata Kuigmun Nile-amun egtelaqiciki, nasaurluut tau͡gaam unguvavkarluki.”