Read Yupik Job 16 Bible Online

Job 16 - Yupik bible

Job 16

¹Job-aq kiuguq:

²Ak'a niitellruunga amllernek qanruyutnek tuaten ayuqellrianek; qaruyuceci cauvkenateng nangteqnarqelriaruut.

³Qanrumaqatartuci-qaa akwarpak? Cam-llu kiumravkalartaki qanellrenka?

⁴Wangtun-wa ayuqekuvci wiinga-llu elpecicetun ayuqekuma, tamalkuitnek qanllerpecen̄ek qalarcalrianga. Qamiquqa-llu ungaulugtaqluku umyuartulriatun qecuqitartelluci-llu ulelrianek qanerkamnek.

⁵Ayuqucirturluci pinirivkaryaramci, qanellma-llu qaruyutet engellugtullerci utumarcaraa.

⁶Tau͡gaam qanellrenka ikayuutngunritut, nepaileng'e'rma-llu engellugtulqa nepaiqsaunani.

⁷Agayutem wiinga cirlaurcetaanga, ilanka-llu tamalkuita tuquvkarluki.

⁸Cayuglua teguleravnga; inglukesteksagutamken. Kemgiutua enerrlainaurrlua, yuut-llu tamatumun asguranairutnia pinarqutka.

⁹Eq'urrluni Agayutem allguraanga ipiinka qecuktarluki; tangvacurlaglua-llu cakneq uumiklua.

¹⁰Yuut qalarrluteng ciritekaatnga, caukenritem tuaten ugaani kegginamkun qacartaqlua, avatemni-llu qerrlerullua ingluklua.

¹¹Agayutem-wa elliin assiitellriit unataitnun tunkiinga.

¹²Elluilua uitallruyaaqua, tau͡gaam Agayutem navguraanga, uyaqumkun-llu tegulua milqaullua navgurlua; elkartaanga napataquteklua

¹³pitgaqustain-llu avatairaatnga. Pilaglukek ikirtak tartugka, naklekevkenii-llu; cungaka maqevkarluku nunamun.

¹⁴Pulengtaarluni kilirturaanga; curugaanga anguyagtetun usviiruskiitun eq'ukutem.

¹⁵Tuquilriatun angniitua missuullernek-llu aturanek aturlua, aqumlua-llu urr'amun qaillun pisciigalilua.

¹⁶Aluviliurumiima kegginaqa kaviriuq iigka-llu puvlutek avaciaruterlutek tungulriamek,

¹⁷pinarqutaitua yugmek nangcillemnek, piicauteka-llu Agayutmun ilumuuguq.

¹⁸Nunaa, iiryaqunaki assiitellriit wangnun pimallret! Inerquryaqunacia akinaurucimallerkaqa nepliutekekumku.

¹⁹Watua nallunritestengqertua qilagmi, ililirlua anagyaaqutestekamnek.

²⁰Yugnikestem̄a nakukaatnga, iigka qurrlulartuk aluvignek Agayutmun.

²¹Agayutmun anagyaaqutestekamnek yugmek piyugyaaqua, iliit yugnikekminek anagyaaqucilauciatun.

²²Qavcirraan allrakut kinguatni, ayagciqngama tumyarakun utertenqiggnailngurkun.