Read Yupik Job 23 Bible Online

Job 23 - Yupik bible

Job 23

¹Tua-llu Job-aq kiuguq:

²Cali ingluliutua qanemyuugarlua-llu Agayutmun, yuuniaralqa catkevkenaku elliin nangtaanga.

³Nanlucia-tuq wani-wa nallunrillaku, cuqciyaraqengraaku-llu ullagyaqeka.

⁴Elliyaraqa camek pitengqerruciqa ciuqerranun, qanemyuugautai-llu pinarqutailucima tamalkuita maniyaqenka.

⁵Nallunriryaraqa elliinun qaillun kiuyauciqa, taringluku-llu camek qaneryaucia wangnun.

⁶Agayutem-qaa pinini tamalkuan aturluku ingluliryaraanga? Qang'a, niicugniyartuq qalartellemni.

⁷Piciugua, Agayun qanellguteksugngaaqa; elliin-llu qanruteksaraanga akwarpak camek pinarqutkaitnilua.

⁸Calarami yuarayaaqellruunga, tau͡gaam Agayun tuantenrituq; nalaqellrunritaqa yuarallemni Kanaknalirnermi

⁹Agayun calillruuq Negeqvami Ungalami-llu, tau͡gaam wiinga cali tangeqsaitaqa.

¹⁰Tau͡gaam Agayutem nallunritaa amllilqa tamalkuan; yuvriqunia, piciqaanga menuunii.

¹¹Maligtaqa tumai maligtaquurluki; pisqellrakun maligtaquura'rqa caqirteksauni-llu.

¹²Uniteksaitaqa alerquun qerrlugmikun qanrutkellra; qanmikun alerquutekellri qemangqauraranka ircaqumni.

¹³Ellii-wa cimiyuituq kia-llu cimirivkaryugngaagu? Camek piyugaqami, tuaten pilartuq.

¹⁴Elliin picirkiurani wangnun piciurciiqai, tauna atauciq picirkiuraa ilarraqaat amlleret wangnun picirkiurain.

¹⁵Ciuqerrani uulegtelartua alinglua; umyuaqaqamku, civuurak'laraqa.

¹⁶Agayutem caceskellivkaraanga; Artuqailnguum alingevkaraanga.

¹⁷Agayutnguuq, tan'geruvkenani alingevkarteka— tan'gerem camek tangrrutesciigatevkangraanga.