Read Yupik Job 40 Bible Online

Job 40 - Yupik bible

Job 40

¹Job, Agayun Artuqailnguq alegyuutekan: wanirpak-qaa tuatequaqatartuten, wall'u-qaa kiuqatartuten?

³Usviilngurtun qalartellruunga, ATANEQ. Camek kiuyugngasiken? Allanek qanenritengnaqciqua.

⁵Ak'a qalartellerkaqa cipluku qalartellruunga.

⁶Tua-llu ATANREM Job-aq ataam kiugaa ull'uyamek.

⁷Watua nangerten nangrenqeggluten kiuluki-llu apyutenka.

⁸Asguranaingnaqan-qaa wiinga pitalqegglua piyuitnilua, alangqanilua elpet-llu alangqanritniluten?

⁹Wangtun-qaa pinirtauten? Erinan-qaa erinamtun tem'ircugngauq kallugtun qastutaluni?

¹⁰Tuaten pikuvet, nangerten takarnarqucirpeggun ilukegcinarqucirpeggun-llu; aturaa elpenek takarnarqucimek ucurnamek-llu.

¹¹Tangerki yuut ellmeggnek pivakellriit; eq'urtellren kuviu ellmikutuurtelluki-llu.

¹²Aa-ang, tangerrluki ellaitnek pivakenrirceski; assiitellriit yuut passiluki nangerngallratni.

¹³Tamalkuita qunguuski nunamun; qillerquski tuqumalriit uitaviatni.

¹⁴Nutaan wiinga ciuqliulua nanrarciqamken qanerciqua-llu elpenek qakvaun piksagutellruniluku.

¹⁵Tangrru carayak Behemoth-aaq;[22] piliaqellruaqa elpet-llu piliaqellruamken. Tauna nerlartuq canegnek kuluvagtun,

¹⁶tau͡gaam-tang pinilriaruvagta temii, yualui-llu-tang pinilriaruvagtat!

¹⁷Pamyuni tegtarilaraa napatun cedar-aatun; yualui-llu irugkeni pinirluteng.

¹⁸Enri punernertun asvaitetaluteng, iruk-llu cavigtun ayuqlutek.

¹⁹Piliallma tamarmeng irr'inarqenrat! Piliaqestellran-llu tau͡gaam kiimi cirlaksugngaa.

²⁰Can'get neqkai naulartut penguni yuilqum ungungssiin aquiviatni.

²¹Inartelartuq cukilanat napaita aciitni, iiraqluni-llu cuplulget akuliitnun mecagni.

²²Cukilanat uqvigaat-llu kuiget cen̄aitni uitavigkilaraat talinemeggni.

²³Kuik carevpalria alikenritaa, qinuitelartuq Jordan-aaq qanminun carevpangraan.

²⁴Kia cikmircugngaakek iik pitaqluku-llu? Wall'u kia negaryugngaagu sugg'eca'arrluku?