Read Yupik Job 6 Bible Online

Job 6 - Yupik bible

Job 6

¹Picurlautenka angniilutenka-llu uqamaltassiaquneng,

³uqamaillruyartut imarpiim qau͡gyaini, taumek piciatun qalarteng'e'rma alangaarngailnguten.

⁴Pitegcautai Artuqailnguum kapusngaut wangni, tuqunarqellriarat-llu saggluni tememni. Alingnarqellriari Agayutem sagingaut wangnun.

⁵Ciulvak qinuitelartuq ner'aqami canegnek, kuluvak-llu nepaitelartuq neqkaminek ner'aqami.

⁶Tau͡gaam kina neryugngaa cacugniilngurmek taryuilngurmek neqmek? Cacugninarqelartuq-qaa kayangum qatellriara?

⁷Wiinga neryuumiitelartua neqnek tuaten ayuqelrianek, nerellma-llu tamarmeng naulluuvkalaraatnga.

⁸Ciin Agayutem kaigatemnek cikiryunritanga? Ciin piicauteka kiuyunritau?

⁹Tuqucuanga-llu camek nagucirpek'nani!

¹⁰Nallunrilkumku tuaten piyaucia, qecgauryartua angnirlua, cakneq engellugtung'e'rma. Nallunritaqa Agayutem tanqilriarucia; Ingluliuqsaitanka elliin alerquutai.

¹¹Camek piningqerrlua wiinga unguvasia? Ciin unguvaurciqsia camek neryuniurutaunii?

¹²Teggalqumek-qaa piliaqumaunga? Temengqertua-qaa punernermek?

¹³Pinima tamarmi unicanga wangnek anirturciigatua; kitumek-llu cauvigkaunii ikayurtekamnek.

¹⁴Arenqiallugutem waten ayuqellriim nalliini yugnikestengqerrsugyaaqua piciulrianek— cakaallrungramku wall'u cakaanrilengramku Agayun.

¹⁵Tau͡gaam, elpeci yugnikekemni, cacetuquteksunaituci, kuiggaartun meriuculriatun ellallinriraqan ayuqngavci.

¹⁶Kuiggaat tuvingalartut cikumek qanikcarmek-llu,

¹⁷tau͡gken puqlangan catairulluteng, kuiggaat-llu terr'it alairluteng, kinerluki.

¹⁸Yugyagluteng ayalriit pellaalartut mermek yuaraaqameng; piciatun ayagaluteng tuqulartut nunami kinertellriami.

¹⁹Yugyagluteng ayalriit Tema-mek Sheba-mek-llu yuaralartut,

²⁰tau͡gaam qacuvallalartut kuiggaarnun kinreskainun tekitaqameng.

²¹Elpeci-llu ayuquci wangnun tamakucetun kuiggaarcetun, tangrravciu wangnun tut'elleq kingupiarluci alingluci.

²²Wiinga-qaa qanellruunga, “Cikiutekiurcia”? Wall'u, “Tukuutevcen̄ek aassaqluci akiliutekarpecen̄ek pici wiinga piteklua”?

²³Wall'u, “Aviucia inglukestem̄a unatiinek”? Wall'u, “Akilirlua tegucia nangtestemnek”?

²⁴Kitaki tua-i, elitnaurnga; qanrusnga arenqianarqutemnek. Nepaunii niicugniurniamken.

²⁵Piciuluteng qalartellriit ukvernarqelartut, elpet tau͡gaam qalartuten piciunrilngurnek.

²⁶Umyuartequten anuqmek tau͡gaam qalarcuklua; ciin-mi kiularcia nanikualua qalartaqama?

²⁷Nall'arcetaariyarakun-llu pistengengnaqsalliniuten elli'irnek, tukuurtengnaqutekluki-llu yugnikesteten.

²⁸Tau͡gaam watua tangvakarnga wiinga; iqlungailamken kegginarpenun.

²⁹Tuaten pitanariaci. Cangakuurpiiqnacia. Pinarqelriarunilua pinricia. Camek pinarqutaitua.

³⁰Umyuartequci iqluuryuklua, umyuartequci assiilnguq assilria-llu nalluyuklukek.