Read Yupik Psalm 116 Bible Online

Psalm 116 - Yupik bible

Psalm 116

¹Kenkaqa ATANEQ niicugnilaanga; ikayungcautenka elliinun niitelarai.

²Niicugnilaanga kesianek unguvaqallemni kaigavikeciqaqa.

³Tuqum avatairumallruanga negatun; tuqullerkaqa waniwa aarnaqluni; alingem nanikuam-llu tullua.

⁴Tua-i-llu wiinga ATANEQ qayagaurluku, “ATANEQ, takumcuca'artua elpenun anirturnga!”

⁵Naklegtalriaruuq ATANEQ assiqapiggluni; Agayutvut wangkuta takumcutalriaruuq.

⁶ATANREM cayailkuciumalarai ellmeggnek ikayurciigalnguut; wiinga-llu aarnarqelriametlemni anirtullruanga.

⁷Umyuamkun caceturilii, ATANREM assirlua piurallruanga.

⁸ATANREM anirtullruanga tuqumek; aluviliunrirtellua cirliqlerkamnun-llu pivkarpek'nii.

⁹Taumek wiinga yuugua niisngaluku ATANEQ, nunami yuulriit ilalirluki.

¹⁰Ukveqa pegtenritaqa, waten qanellrung'e'rma, “Anglilli wangni nangteqvaa,”

¹¹alingellemni-llu cali waten qanerlua, “Kitumek cacetuquteksunarqellriartaituq.”

¹²Camek ATANEQ cikiqatarcia elliin assilriit wangnun piurallri akinaurluki?

¹³Elliitekamnek wine-amek ATANERMUN taiciiqua, quyavikluku anirtuucimnek.

¹⁴Yuin quyungqallrata nalliini cikirciqaqa ATANEQ wiinga akqutkellemnek.

¹⁵ATANERMUN cakneq nangteqnarqelartuq yum'i iliit tuquaqan.

¹⁶ATANEQ, wiinga kevgaqerpenga; kevgiuramken aanama kevgiullruciatun. Elpet-wa anirtullruavnga tuqumek.

¹⁷Wiinga elliiciqua tuqutarkamek ungungssimek quyassuutekluku elpenun piicagvikluten-llu.

¹⁸Yugpet quyungqallrata nalliini, Agayuvigpagmi Jerusalem-aami, cikirciqamken akqutkellemnek. Nanrarciu ATANEQ!