Read Yupik Psalm 12 Bible Online

Psalm 12 - Yupik bible

Psalm 12

¹Ikayurkut, ATANEQ! Ellualriartairucan yugnek, piciuluteng-llu yuulrianek pitairulluni.

²Tamarmeng nunalgutkelriit iqluurulluteng; pinqegciryaaqeng'e'rmeng malrugnek umyuirluteng qalartaqluteng.

³ATANREM nepairrliki pinqegcirluteng qalarculriit, anagarulluteng-llu ucuryagculriit,

⁴waten qanraqluteng, “Qanllemteggun camek piyugaqamta unakelararput, umyuarput-llu aturluku qalarciiqukut kia arulaircessngailakut.”

⁵“Tau͡gaam waniwa taiciqua,” qanertuq ATANEQ, “caitulriit arenqiallugcecimiita, nangcimalriit-llu yuuniaraluteng. Wiinga uitavkarciqanka elluinarqelriami piyuumiutiitni.”

⁶Akqutai ATANREM piciulriaruut; menuilngurtun ayuqluteng tegglitun qerrirlitun, menuircaumalriatun kaminiarpagkun nunami, carriumalriatun malrunlerqunek.

⁷Assiitellriit yuut avatairumaitkut, tamarmeng yuut nanraraqsagucamegteggu assiilnguq. Taumek, ATANEQ, camun pivkaryaqunakut avisngavkarluta-llu waten yugnek ayuqellrianek.