Read Yupik Psalm 132 Bible Online

Psalm 132 - Yupik bible

Psalm 132

¹ATANEQ, umyuaqiu David-aaq cakviurnarqelriit-llu atulallri.

²ATANEQ, neq'akiu elliin akqillra, ukvernarcarillra elpenun, Artuqailngurmun Agayutiinun Jacob-aam, qanerluni,

³“Wiinga enemnun uterrngaitua inglemnun-llu inarrngaunii;

⁴mernuinercirngaitua qavarngaunii-llu,

⁵ATANEQ uitavigkiurpailemku, enekangvailemku Artuqailnguq Agayutii Jacob-aam.”

⁶Bethlehem-aami niitellruukut nanlucianek Akqutem Yaassiigan, nalaqlukek-llu carr'ilqaanek Jearim-aam.

⁷Qanertukut-llu, “Ayagnaurtukut ATANREM eniinun; cikluta-llu atanruvian aqumlleran ciuqerrani.”

⁸Tailuten, ATANEQ, itra Agayuvigpagmun, malikluku Akqutem Yaassiiga, tangrrutii pinirpet, uitaniartuten maani akwarpak.

⁹Agayulirteten elluaryaramek atuqilit, yut'en-llu angnirluteng qayagpagakilit!

¹⁰Elpet akqellruan pisten, David-aaq; cakaaryaqunaku atanrusqelluku cucukellren.

¹¹Takarnarqellriamek akqellruan David-aaq— akeqluku pinricen̄arngailkevnek, qanerluten, “Wiinga atanrurceciiqaqa qetunrarpet iliit, atanruarkauluni kinguvkun.

¹²Qetunrarpet-llu atuqatgu akquyuteka, alerquutenka-llu elitnaurutkanka ellaitnun, cali ellaita qetunrait atanrularciqut akwarpak kinguvkun.”

¹³ATANREM cucukellrua Zion-aaq elliin uitaviksugluku, qanerluni,

¹⁴“Wani uitaciqua akwarpak; uitaviksugaqa ayarikellruamku.

¹⁵Aturyukainek tamalkuitnek pikangqerceciiqaqa Zion-aaq; arrsaulriit-llu tuani kaigtessngaunaki.

¹⁶Caliarat agayulirtain atawaqerceciiqaqa, yui-llu aturciqut qayagpagaluteng nunaniryugluteng.

¹⁷Wani David-aam kinguvrin iliit atanvaurceciiqaqa; wani-llu piuvkarciqaqa atanirturillra cucukellma atanrem.

¹⁸Inglukestain kasnguyullerkaq aturciqaat, tau͡gaam elliin angayuqauvia piluaqerciquq pingiinalriaruarkauluni-llu.”