Read Yupik Psalm 32 Bible Online

Psalm 32 - Yupik bible

Psalm 32

¹Atawaqertuq yuk assiilnguminek au͡g'aricimalria; assiitellriit atullri patumaluteng.

²Atawaqertuq yuk ATANREM assiilngurmek nataqvikenrilkii, elliini-llu piciunrilngurtaunani.

³Assiilnguunka apervikuatekenritlemni, taqsuqellruunga qiamallruama ernerpak.

⁴Ernerpak unugpak-llu anucimirqecetaararpenga, ATANEQ; piniarutqapigglua, piniqa ayagluni yukutatun, kiagem puqliin kinqiitun.

⁵Mecirautekenritaqa assiilnguqa elpenun, aassaqutekevkenaku-llu alartelqa; qanerlua, “Apervikuatekciqaqa assiilnguqa ATANERMUN”; elpet-llu au͡g'arillua tamalkuitnek assiilngumnek.

⁶Taumek agayumalriit piicaglit elpenun enuqitlermeng nalliini; picurlagnarqellriim ulerpagtun ping'e'rmi agturngaitai.

⁷Wiinga elpet iirvikamken; picurlagnarqellriamun pivkarngaitarpenga. Wiinga-llu nanrarciqamken anirtuavnga camun pivkarpek'nii.

⁸ATANEQ qanertuq, “Alerquaciqamken nau͡gg'un ayallerkarpenek; ayuqucirturciqamken qaunqelluten-llu.

⁹Horse-aatun ciulvagtun-llu umyugailngurtun ayuqevkenak, tamakut sugg'elitmegteggun tau͡gaam yuum piyullranun maligucugngalartut.”

¹⁰Amllertut nangtequtait assiitellriit yuut; tau͡gken ATANERMEK cacetuqutengqellriit cayailkuciumaaqluteng kenkiinek iquklicuilngurmek.

¹¹Elpeci ellualriani angnirci nunaniryugluci, quyakluki ATANREM caliari. Niisngastaini qayagpagaci nunaniryugluci!