Read Yupik Psalm 33 Bible Online

Psalm 33 - Yupik bible

Psalm 33

¹Elpeci ellualriani, nunaniryuutekiciki ATANREM caliari; nanrayunarqerci elpeci niisngastaini.

²Nanrarciu ATANEQ aturcetaatgun lyre-atgun atuuciu aturcetaarluci qelutelegteggun harp-atgun.

³Atuuciu nutaramek yuarutmek, aturcetaarluci angnirluci neplirluci.

⁴ATANREM qanellri piciugut, caliari-llu tamarmeng nalirrugnaunateng.

⁵ATANREM kenkaa piciuyaraq elluaryaraq-llu; kenkiin cakaniyuilnguum nuna patumaa.

⁶ATANREM qanllermikun qiliit piliaqellrui, erinamikun piliaqluki agyat, akerta, iraluq-llu.

⁷Imarpiit mer'it ataucimun quyurtellrui; imarpiim et'uqri qemaggluki enekaitnun.

⁸Nuna tamarmi qigcigyugli ATANERMEK! Ellarpiim yuin tamarmeng ucuqekilitgu!

⁹Qanran ellarpak piurtellruuq; pisqutiikun cat tamarmeng piurrluteng.

¹⁰ATANREM atanruvilget ciunerkiurait pillurqelarai; picirkiurait piciurceteksaunaki.

¹¹Elliin pillerkiurai piugut akwarpak; piyullri piugarkauluteng nangyuilngurmek.

¹²Atawaqertuq angayuqauvik agayutengqellria ATANERMEK; yuut elliin cucukellri kinguvertaqnaluki!

¹³ATANEQ kiarcami qilagmek tangrrai yuut nunamelnguut tamalkuita.

¹⁴Atanruvimi aqumlleranek unavet tangvagai nunam yui tamalkuita.

¹⁵Umyuangcaryugngavkartekaat nalluvkenaku-llu callrat tamalkuan.

¹⁶Atanrulria cirlakiyuituq pinilriatgun anguyamikun; anguyagta piniq'apigteng'e'rmi pinillran cirlakivkarngaitaa inglukestiinek.

¹⁷Anguyagcuutet horse-aat cirlakivkarisciigatut; piniq'apigteng'e'rmeng anirturisciigatut.

¹⁸ATANREM qaunqelarai qigcikesten̄i, cacetuqutengqellriit pektayiilngurmek kenkiinek.

¹⁹Tuquvkarngaitai; paluvkarngaunaki-llu piitnam nalliini.

²⁰Neryuniurutkarput nalirrukevkenaku ATANEQ; elliin ikayularaakut cayailkucirluta-llu.

²¹Ilumun angnirtukut elliini; cacetuqutekarput atra tanqilria.

²²Kenken asvailnguq wangkutni uitali, ATANEQ, neryuniurutkellemten̄i elpet.