Read Yupik Psalm 48 Bible Online

Psalm 48 - Yupik bible

Psalm 48

¹ATANEQ angelriaruuq nanraumaarkauluni-llu Agayutemta nunarpiini, kenciknarqelriami elliin qemiani.[9]

²Zion-aaq ingria Agayutem qertuuq tangssunaqluni-llu; nunarpii ucurnarqelriim atanrem angnirnarquq ellarpagmi tamalkuan.

³Agayutem nasvallrua camun pingailucirput ellmini uitakumta iluani asvairqumalriim nunarpiim.

⁴Atanret quyurtellruut anguyagnaluku Ingriq Zion-aaq.

⁵Tau͡gaam tangrramegteggu alangaallruut; tavcillagluteng-llu qimagarrluteng.

⁶Tuani qiivellruut civuuraluteng, arnatun teggiurcilriatun,

⁷sun'ami qairpiulriatun anuq'vagmi.

⁸Wangkuta-llu niitellrucimcetun tangellruarput Agayutem caliara nunarpiini Agayutemta, ATANREM Artuqailnguum; elliin-llu nunarpak camun pivkarngaunaku akwarpak.

⁹Agayuvigpagpet iluani, Agayun, umyuangcautekarput kenken nangyuilnguq.

¹⁰Agayun, tamiini nanralaraatgen yuut, niitnaungavet nunami tamalkuan. Atanirturilriaruuten ellualriakun;

¹¹Zion-aam yui angniqilit! Cuqcilaavet elluarrluten angniqilit yuut Judah-m nunarpautaini!

¹²Agayutem yuini, Zion-aaq uivluku naaqiciki kangerpalget 'laavkaat;

¹³tangerciu asvailnguq avapailitaa yuvrirluki-llu cayailkutai; qanrutniaci kinguveci:

¹⁴“Una Agayun wangkutnun Agayutnguuq akwarpak; ellii wangkuta ciuliqagtekaqerput nangyuilngurmek.”