Read Yupik Psalm 65 Bible Online

Psalm 65 - Yupik bible

Psalm 65

¹Agayun, nanrayunarqamteggen wangkuta Zion-aami, akqutkelput-llu elpenun aturluki,

²piicagaqamta niitelaavkut. Tamiinek yuut ullalarciqaatgen

³assiilnguteng pitekluki. Assiilngumta cirliqevkalaraitkut, tau͡gaam elpet au͡g'alaraten.

⁴Atawaqertuq yuk cucukellren, taivkallren canivnun uitasqelluku enevni. 'Laarakngaitaput cat assilriit enevet iluani, atawaqautet tanqilriami Agayuvigpeni.

⁵Alingnarqellriatgun caliarpegun niilluta aviutelararpekut, elpet Agayun, anirturtemta irr'inarqellriatgun. Yuut tamarmeng ellam iluani, yuut-llu imarpiim akianelnguut neryuniurutkaatgen.

⁶Pinilriaruavet ingrit nunakaitnun ellillruaten, nasvagluku artuqailucin.

⁷Imarpiim qairi nepailaraten, quunengevkarluku; tuaten-llu elpet nepailaran yuut nep'ngutiit.

⁸Taumek ellamiut tamarmeng irr'ilalriit ucurnarqellrianek caliarpenek. Yuut nunam iquanek ayagluteng iquklilluku angnirluteng neplilartut caliaten pitekluki.

⁹Ellallircetaqluku nuna auluk'laran; nunakegtaaraurtelaran naungigtelluku. Kuiggaaraat meng'evkalaraten; nuna-llu naugivkaraqluku waten pillerpegun:

¹⁰ellarvagcelluku itumcimalriamun nunamun mecirluku mermek; ellalliqaquvkarluku nuna unaircaraqluku, naugaaralriit anglirivkarluki.

¹¹Assiucirpegun amllernek quyurtarkamten̄ek cikilararpekut! Ayagviin tamarmi enuqitnailami.

¹²Yuilqum marai ungungssiaralirtut; qemit-llu nunaniqluteng.

¹³Carr'ilqat patumaluteng qusnginek; kuignayugni-llu mukaarkat ik'iki nauluteng. Tamarmeng qayagaut aturpagtut-llu angnirluteng.