Read Yupik Psalm 80 Bible Online

Psalm 80 - Yupik bible

Psalm 80

¹Niicugnikut, Qusngiliurtiini Israel-aam yuin; niiskut, ciuliqagcilriami yugpenek, qusngiliurta katngautminek ciuliqagcilauciatun. Aqumgaluten atanruvigmi aqumllerpeni cherubim-aak quliigni.

²Nasvagluten elpenek ilakellriartaitnun Ephraim-aam, Benjamin-aam, Manasseh-m-llu. Pinirpenek nasviskut; tailuten anirturniarpekut.

³Agayun, ut'ruskut ataam elluarrluta ayuqucillemten̄un! Takumcukuten wangkutnun nasvaggu, anirtuumaniartukut!

⁴ATANEQ Agayun, artuqailnguq, qaillun pitalriamek qenrutqatarcikut, piicauteput kiuyugpek'naki?

⁵Angniitnamek nerevkararpekut, imartulriakun-llu saskakun aluvimten̄ek mertelluta.

⁶Avaqlimten̄un atanruviit yuitnun nunavut allurtaagutkevkaran; inglukestemta temciarautekaitkut.

⁷Artuqailnguq Agayun, ciungani elluarrluta pillemten̄un ut'ruskut! Takumcukikut anirtuumaniartukut!

⁸Wine-arkaq naucetaaq anutellruan Egypt-aamek; ayagcetellruaten allat atanruviit nuniitnun-llu nauceciiluku wine-arkaq.

⁹Carrillruan nauvigkaa; acilqurri naungameng aciqvanun nauguq saggluni nunamun tamaavet tamalkuan.

¹⁰Ingriungraata talinran naligai; talinran naligaqluki naparpakayaungraata.

¹¹Avayai naungameng imarpik Mediterranean-aaq tekitaat, kituani-llu cali Kuik Euphrates-aaq tekilluku.

¹²Ciin-mi casgu avatiinelnguq imerqessiu? Maa-i kitulriit tamaaggun tegucugngariluteng atsainek;

¹³yuilqurmiutaat sitiinkaat tutmaraat, yuilqurmiutaat-llu ungungssiaraat nerluteng tamaaken.

¹⁴Tuigten wangkutnun, Artuqailnguq Agayun! Tangerkut pakmaken qilagmek; tailuten anirturyarturki yut'en!

¹⁵Tailuten anirturyarturru una napayaaq nauceciillren, naugaar nauvkallren caceturiluku!

¹⁶Inglukestemta kepurraarluku ekuavkaraat; ayuquciat tangerrluku piunrirki!

¹⁷Picurlallerkaatnun piunrillerkaatnun-llu pivkaryaqunaki yut'en cucukelten, atanruviurrluki piniriluki nautelten.

¹⁸Wangkuta avtenqiggngaitukut elpenek; unguvavkaqikut nanrarniamteggen.

¹⁹ATANEQ Agayun, ut'ruskut ciungani elluarrluta pillemten̄un. Takumcukikut anirtuumaniartukut.