Read Yupik Psalm 90 Bible Online

Psalm 90 - Yupik bible

Psalm 90

¹ATANEQ, uqisngavikelaramteggen kesianek.

²Ingrit piliaqvailegpeki wall'u ellarpak nuna-llu piurpailegpegu, akwarpak Agayutnguuten, Agayutnguarkauluten-llu nangyuilngurmek.

³Elpet yuut nunamek piliaqellruavki ataam nunamun utercet'laraten.

⁴Wangkutni allrakut tiissitsaat elpeni ernertun ataucitun ayuqut; akwauvatun ak'a pellullertun pitaluteng, sass'atun ataucitun unugmi nanitetaluteng.

⁵Ulem carririllratun ayautelararpekut; Yuuciput qavangutun catairutaqluteng tamaa. Carangllugtun ayuqluta unuakumi naugartellriatun.

⁶Tamakut naulalriit ernerpak, atakuani-llu kinerluteng nalaluteng-llu.

⁷Qenrulluta piunrirarpekut; eq'urtellerpet cakneq alingniurcet'laraakut.

⁸Tangerqainaqsaitelararpekut assiilngiraqamta, tau͡gaam tangvalararpekut aassaqluta assiilngiraqamta.

⁹Unguvavut nanilicaran qenertellerpegun; yuum aneryaaqallratun pitalriamek unguvavkarluta.

¹⁰Unguvallerkiurumaukut allrakunek yuinaat pingayun qulnek cipluku (70). Unguvanertulria-llu unguvaaqluni yuinarni cetamani (80); tau͡gken unguvaqallemten̄i angniitnaq picurlaun-llu tau͡gaam aturlukek; unguvavut-llu tamaa iquklican catairulluta.

¹¹Kia naspetellruagu eq'uqertellerpet tuknitacia? Kina-llu nallunrita ircaqruallaganarqucianek qenertellerpet?

¹²Ayuqucirturkut ernemta murilkellerkaatnek, umyuarturiniartukut.

¹³ATANEQ, qaillun taktalriamek qenrutqatarcikut? Umyualinqigten takumcukluta-llu wangkuta, elpet pistevni.

¹⁴Unuakut tamalkuita imirkut kenkevnek pektayiilngurmek, atualarniartukut nunaniryugluta unguvamta taktaciatun.

¹⁵Angnimek watua cikirkut amllertaciluki nangtequtet wangkutnun taivkalten au͡gkuni allrakuni nangteqlemten̄i.

¹⁶Wangkutnun, pistevnun, tangerceski ucurnarqelriit caliaten; pinin-llu angtatailnguq tangercetniaran kinguvemten̄un.

¹⁷ATANEQ Agayutemta, atawaqerteskikut. Callemten̄i tamalkuitni piluaqeravkarluta!