Read Yupik Ecclesiastes 4 Bible Online

Ecclesiastes 4 - Yupik bible

Ecclesiastes 4

¹Cali tangvanqigtanka tamalkuita elluarpek'nateng cuqcilriit maani ellarpagmi. Nangtaarit aluviliurluteng, kitumek-llu ikayurtaunateng. Kitumek ikayurtaunateng, nangtestaita piniq avaliqngatgu.

²Ayuqniaranka tuquluteng catairutellret; piluaqanruut cali maa-i unguvalriani.

³Tau͡gaam tamakuni piluaqanrulriaruut yuurteksailnguut, tangerqaqsailnguut elluanrilngurmek yuum caliaranek maani nunami.

⁴Cali-llu mat'umek elitua ciin yuut makugtelauciatnek piluaqangnaqluteng: tua-i-wa ayuqnialaamegteki elaqlirmeng akluit. Tau͡gaam cali tamana cauvkenani. Anuqmek malirqeralriatun ayuqnarquq.

⁵Qanlartut usviilnguuciqniluta unategput qes'ullukek wangkutnek paluciqumta.

⁶Tuaten-wa piciqsaaqellilria, tau͡gaam assinruuq uitanqegcillerkaq carrarmek pingqeng'e'rmi, makugqurallermi kesianek unategmikun, akuqangnaqluku anuqa.

⁷Allamek cali murilkellruunga yuum unguvallrani caungailngurmek.

⁸Yugtangqertuq kiimi uitalriamek. Qetunraunani, anelgutaunani, tau͡gken caliuraraqluni, tukuutni 'laarakluki. Kina uum cakviurutkau angnirluni pillerkani arcaqakevkenaku? Man'a-llu-wa caungailnguq—yuuluaqernarqevkenani.

⁹Malruk yuuk assinruuk ataucimi, tua-i-wa pillgutengqerquni allamek calillrak piyunarqenruciquq.

¹⁰Aipaak iqukan, aipaan ikayurniaraa nangertelluku. Tau͡gken kina kiimenani iqukuni, naklegnarquq, allamek ikayurtekailami.

¹¹Nenglliqan, malruk caniqliqlutek qavaqunek qerrusngaitak, tau͡gken kiimenak qaillun elpenek urumaciqsit?

¹²Yuuk malruk akiuryugngaak curukartetek ataucim yuum cirliqsallrani. Pingayunek tegunelek ilavkuk kevkarteqainaunrituq.

¹³Kina arrsaullerminek nangerrluni atanrurcugngauq nunamini, wall'u itercivigmeqaarluni nugtarrluni atanruvigmun,

¹⁴tau͡gaam ak'allaurrluni usviinani ayuqucirtuyunailkuni, atawaunrungaituq yun'erra'armi arrsaunge'rmi usvitulriami.

¹⁵Umyuaqellruanka yuut tamalkuita unguvalriit maani nunami, taringua-llu nani tayima akunliitni yun'errartangqerrucianek atanrem enairtekaanek.

¹⁶Yuut naaquciicaryaaqeciqut atanrem ataniumakai; catairuskan, atauciunge'rmi caliallri quyakngaitait. Caunrituq. Anuqmek malirqeralriatun ayuquq.