Read Yupik Isaiah 39 Bible Online

Isaiah 39 - Yupik bible

Isaiah 39

¹Tamatum nallekngalkiini angayuqra Babylonia-m, Merodach Baladan-aaq, qetunraa Baladan-aam, niituq Angayuqaq Hezekiah naulluullruniluku, taumek igamek cikiutmek-llu tuyuraa.

²Hezekiah-m ciuniurai kevgat tukuutminek-llu nasvilluki qerrirliutminek suulutaarutminek, tepkegcilrianek, anguyagcuutminek-llu. Kiituani camek pitairutuq qemaggviini angayuqauviani-llu nasvalqenrilkiinek taukunun.

³Prophet-aam Isaiah-m ataneq Hezekiah ullagluku aptaa, “Naken ukut kevgat tekitat camek-llu qanrutatgen?” Hezekiah kiuguq, “Yaaqvaqapiarmek nunamek taillruut, Babylonia-mek.”

⁴Isaiah-m qanrutaa, “Cat tangellruitki maani enevet iluani?” Hezekiah-m kiugaa, “Cat tamalkuita tangellruit. Qemaggvimni nasvallrunritlemnek ellaitnun pitaituq.”

⁵Isaiah-m ataneq Hezekiah qanrutaa, “ATANEQ Artuqailnguq qanertuq,

⁶pillerkaq tekiciiquq cat tamalkuita, enevnun ciuliarpet qemagtelallrit erneq man'a tekilluku, ayaucimaciqut Babylon-aamun. Kingunrat-llu catangqerrngaunani.

⁷Ilait-llu nakmiin kinguverpet ayaucimaciqut pisten͞guarkauluteng eniini atanrata Babylon-aarmiut.”

⁸Hezekiah taringuq uitanqegcicetangqerrarkaucianek alingniurnaunani-llu unguvallermi taktaciatun, taumek kiuguq, “Qaneryaraq wangnun taitellren ATANERMEK assirtuq.”