Read Yupik Isaiah 55 Bible Online

Isaiah 55 - Yupik bible

Isaiah 55

¹ATANEQ qanertuq, “Kina imna meqsulria— Wani-wa-tang meq! Tailuci, akiutailngurni— kipulluci mukaarkanek nerici! Tailuci! Kipuci wine-amek milegmek-llu— camek akilirngaituci!

²Neqkaunrilngurnun ciin akiuceci caanguaqelarceciki? Ciin-llu akingukaraci kipussaagutkelarceciki camirutkaunrilngurnun? Niicugnirraarlua qanelqa maligteqerciu picalqerrulriamek neryukuvci.

³“Niilluci watua, yumni, taici wangnun; taici wangnun, unguvakangniartuci! Nang'arkaunrilngurmek akqut'liniartua elpecen̄un atawaqautnek-llu pingevkarluci akqutkellemnek David-aamun.

⁴Ciuliqagten͞gurtellruaqa atanirturten͞gurrluku-llu atanruvignun, elliikun-llu nasvallruaqa piniqa.

⁵Maa-i kelgiyugngariuci allat atanruviit yuitnek; mat'um ciungani nallullruyaaqaiceci, tau͡gaam maa-i quyaqerluteng ullalarciqaiceci ilaucugluteng elpecen̄un! Wiinga, ATANEQ Agayutevcen̄i, Tanqilria Agayutii Israel-aam, man'a tuaten ellirceciiqaqa; takarnarivkarciqamci ucurnarivkarluci-llu.”

⁶Yuarciu ATANEQ nataqsugngallerpecen̄i, piicagvikluku-llu canimetellrani.

⁷Assiitellria yuk, umyuangcaryulria-llu assiitellrianek ayuqucilinqiggli umyualinqiggluni. Ut'reskili ATANERMUN, Agayutemten̄un; takumcutalriamun assiilngurnek-llu aug'ariciyunqeggluni.

⁸“Umyuangcautenka,” qanertuq ATANEQ umyuangcautevcetun ayuqenritut, piciryaranka-llu piciryarpecetun ayuqevkenateng.

⁹Qiliit quyinruciicetun nunami, tuaten-llu piciryaranka quyinruut piciryararpecen̄i umyuangcautenka-llu umyuangcautevcen̄i.

¹⁰“Ellallilauciatun qanirluni-llu qilagmek, ataam-llu utertevkenani nuna tau͡gaam mirluku. Naugivkarluku naucetaarkangyugngarivkarluku nauceciiyurta kailriit-llu neqkangevkarluki,

¹¹Tuaten ayuqerkauguq qaneryaraq qanemkun qanrutkelqa, unangevkenani camek wangnun uterrngaituq; pisqumalqa pinrilngaitaa; ayagcetlemni tamalkuita pisqumallrenka piciqait.

¹²“Babylon-aamek ayagciquci nunaniryugluci, uitanqegciluci anuciiqaiceci nunarpagnek. Ingrit qemit-llu ciunerpecen̄i atuuciiqaiceci napat-llu qayagpagaciqut nunaniryugluteng.

¹³Napat cypress-aat nauciqut nagtaarrluut naumauviitni; napat myrtle-aat cukilanat naumauviitni nauciqut. Man'a-llu nallunailkutauciquq akwarpak, neq'akevkaraqluki elpecen̄un wiinga, ATANEQ caliaqellrenka.”