Read Yupik Leviticus 12 Bible Online

Leviticus 12 - Yupik bible

Leviticus 12

¹ATANREM qanrutaa Moses-aaq,

²“Qanruski Israel-aam yui: Arnaq qingaquni tan'gaurlurmek-llu irniluni, menuulriaruarkauguq malrunlegni ernerni agelrumallermi nalliinicetun.

³Tan'gaurluq-llu irniara nuugiumaarkauguq pingayunelgatni erenret.

⁴Arnaq-llu uitaarkauguq cali ernerni yuinaq qula pingayunek cipluku (33) menuirutnatkaminun aunrallerminek; agturarkauvkenaki-llu qigcignarqelriit iterngaunani-llu Agayuvigmun menuircallni iquklitnatkaanun.

⁵“Tau͡gken nasaurlurmek irnikuni menuugarkauguq malrugni nitiligni agelrumaaqami pilaucirmitun; menuircararkauluni-llu aunrallerminek ernerni yuinarni pingayuni arvinlegnek cipluku (66).

⁶“Menuircallermi-llu erenri qaqiskuniki, irnillrung'e'rmi angutmek wall'u arnamek, taiciarkauguq agayulirtem̄un amiiganun Pelatekam Agayuviim ataucimek allrakungellermek qusngiyagarmek ekualuku elliitnguarkamek, cali-llu dove-amek wall'u turtledove-amek assiilnguum au͡gautekaanun elliitekamek.

⁷Agayulirtem-llu cikiutekciqaa elliitii ATANERMUN, menuullra au͡g'arluku; ellii-llu menuiruciiqluni aunrallerminek. Una waniwa picirkiutnguluni arnamun irniangellermun angutmek wall'u arnamek.

⁸Qusngiyagarmek-llu pisciigalkuni taiciarkauguq malrugnek yaquleyagaagnek, atauciq ekualuku cikiutnguarkamek aipaa-llu assiilnguum au͡gautekaanun elliitnguarkamek; elliitii ekuaciqaa menuullra au͡g'arluku, nutaan-llu menuirutarkauluni.”