Read Yupik Leviticus 20 Bible Online

Leviticus 20 - Yupik bible

Leviticus 20

¹ATANREM qanrutaa Moses-aaq,

²“Qanruski Israel-aam yui: Israel-aam yuin iliit wall'u allanrulria tamaani, irniami iliitnek elliillrukan agayutnguamun Molech-aamun, nunalgutain tamarmeng teggalqunek miluquluku tuquskilitgu.

³Cikiqengelria irniami iliitnek agayutnguamun Molech-aamun, tuatnallra pitekluku wiinga qenruciiqaqa yumnun-llu ilaunrirtelluku. Tua-i-wa kencignarqelria Pelatekaqa menuurcaku tamaaggun qigcikevkenaku-llu tanqilria atqa.

⁴Nunat-llu taukut yuita nallunguaqatgu tauna tuaten pilleq tuqutevkenaku-llu,

⁵wiinga inglulirciqaqa tauna angun ilai-llu cali-llu tamalkuita ilalirtai piciunrirluteng pilriit wangnun, tau͡gaam agayulangluteng agayutnguamun Molech-aamun. Wiinga taukut yuk'enrirarkauganka.

⁶“Kina imna ikayungcaqan tuqullret tarnait piluki angalkilriamun ingluksaguciiqaqa yumnun-llu ilaugarkaunrirtelluku.

⁷Taumek menuircarci elpecen̄ek tanqilriarurrluci. Wiinga ATANRUAMA elpeci Agayuteklua.

⁸Niisngaciki alerquutenka aturluki-llu; ATANRUUNGA wiinga elpecen̄ek kencignarivkarilriaruunga.

⁹“Kia imum aniqlaakunikek angayuqaagni tuqucimaarkauguq, tuqucimallra-llu elliinun tusngaarkauluni.

¹⁰“Kina akusrarutekikan ilami nulirranek, tamarmek tuqucimaarkauguk.

¹¹Angun akusrarutekilleq atami nulirranek caunrilkilriaruuq ataminek, tamarmek-llu arnaq akusrarutekilleq-llu tuqucimaarkaulutek, elkegnun-llu tuqucimallrak tusngaluni.

¹²Angun-llu akusrarutekikan ukurraminek, tamarmek tuqucimaarkauguk. Inerquun nakmiin ilaminek akusrarutekisqevkenaku aturaak, elkegnun-llu tuqucimallrak tusngaluni.

¹³Angun-llu angutngullgutminek akusrarutekikan arnamek pilaucirmitun, tamarmek pellernarqelrialiullruuk. Tuqucimaarkaulutek ellmegnek pinarqelriarurcamek.

¹⁴Angun nulirtuqan aanakellriignek tuqutarkaugaci ekualuki tamalkuita canganarqelria atuatgu. Tuaten elpeci piarkaunrituci.

¹⁵Angun-llu akusrarutekikan ungungssimek, tamarkenka angun ungungssiq-llu tuqutarkaugaci.

¹⁶Arnaq-llu akusrarutekevkangnaqkan ungungssimun, tuqutarkaugarci arnaq ungungssiq-llu; tuqucimallrak elkegnun tusngauq.

¹⁷“Angun nulirtuquni nayagarminek wall'u alqerminek wall'u atami panianek wall'u aanami panianek, taukuk kasngunarqellriaruuk yuut takuatni ancimaarkaulutek-llu nuniitnek. Tua-i-wa nakmiin alqerminek wall'u nayagarminek arniurami ellminek pinarqutkiurtuq.

¹⁸Angun akusrarutekikan agelrumalriamek, tamarmek akunlevcen̄ek ancimaarkauguk, inerquutngulria menuurrnarqelria atuagnegu.

¹⁹“Akusrarutekngaitan anaanan wall'u aciin, tuaten piluten inerquusngalria aturciqngavgu nakmiin ilavnun. Tuaten pilutek tamarmek pinarqut'ngelriaruuk.

²⁰Angun akusrarutekilria anaanaminek wall'u acaminek caunrilkilriaruuq taumek angaminek wall'u ataataminek; angun tauna arnaq-llu assiilngurmek atullragcetun pimaciquk, tuquarkauguk-llu irniarunatek.

²¹Kia-llu anelgutni nulirriquniu, taukuk irniangyuunatek tuquciquk. Taum angutem menuurrnarqelria aturaa anelgutni-llu kasngunarqevkarluku.”

²²ATANEQ qanertuq, “Niisngakiciki tamalkuita alerquutenka picirkiutenka-llu aturluki-llu, ayauskumci nunam tekitarkarpeci ancuaraaci.

²³Tamakut-llu yuut ciunerpecen̄ek antarkama piciryarait maligtaquyaqunaciki; makut tamalkuita nunam tamatum yuin atularait taumek wangni umyualngunarqellriarulriit.

²⁴Tau͡gaam wiinga qanrutellruamci: Nuniit paitarkaqerci, cikiutekciqaqa elpecen̄un piksagutesqelluku, nuna camek enuqitnailnguq naungignaqluni-llu. Wiinga ATANRUUNGA elpeci Agayutkarpecia, wiinga-llu allakallruluci allanek atanruvignek.

²⁵Taumek elpeci nallunritarkaukeci menuulriit wall'u menuilnguut ungungssit yaqulget-llu. Menuurrngaituci elpecen̄ek nerluci yaqulegnek ungungssinek-llu wiinga allakallemnek elpecen̄un menuulriaruciit nallunritesqelluku.

²⁶Elpeci tanqigarkauguci wangnun kiima pikevkarluci, wiinga ATANEQ tanqilriaruama. Allakallruamci-llu allanek yugnek wiinga piknaluci.

²⁷“Angun wall'u arnaq tuqumalriit tarnaitnun angalkilria tuqucimaarkauguq teggalqunek miluquluku. Tuatnalriim tuqucimallra elliinun tusngaarkauguq.”