Read Yupik Ezekiel 48 Bible Online

Ezekiel 48 - Yupik bible

Ezekiel 48

¹Ayagnirluteng neglirnermek cuqmek, Mediterranean Sea-mek nunarpak Hethlon-aaq tekilluku, ayagluni Hamath Pass-amun, ayagluni-llu Nunarpagmun Enon-aamun, tekilluku Hazarenon-aaq tekilluku (tauna uitaluni neglirnerem cuqiini Damascus-aankuk Hamath-aaq akunliigni), ayagluni-llu calaram tungiinek keggaknermun, Dan-amun atauciq cuqcimalria.

²Caniani nunautiin Dan-am, calaralirnermek keggaknermun, Asher-aamun, atauciq cuqcimalria.

³Caniani nunautiin Asher-aam, calaralirnermek keggaknermun Naphtali-mun, atauciq cuqcimalria.

⁴Caniani nunautiin Naphtali-m, calaralirnermek keggaknermun Manasseh-mun, atauciq cuqcimalria.

⁵Caniani nunautiin Manasseh-m, calaralirnermek keggaknermun, Ephraim-aamun, atauciq cuqcimalria.

⁶Caniani nunautiin Ephraim-aam, calaralirnermek keggaknermun, Reuben-aamun, atauciq cuqcimalria.

⁷Caniani nunautiin Reuben-aam, calaralirnermek keggaknermun, Judah-mun, atauciq cuqcimalria.

⁸Caniani nunautiin Judah-m, calaralirnermek keggaknermun, atauciq cuqcimalria allakararkaugaci, mile-anek qulnek iqtutaluni negeqvamek calaramun, calaramek-llu keggaknermun yuullgutkelriit nunautaita taktaciatun taktalria, calaramek keggaknermun, Agayuvigpak uitaarkauluni qukaani.

⁹Cuqcimalria allakararkaci ATANERMUN taktaarkauguq mile-anek qulnek, pingayunlegnek-llu mile-anek iqtutaluni.

¹⁰Agayulirtet pikarkaugaat uum tanqilriim nunam ilii. Calaramek keggaknermun cuqcimalria pikaat taktaarkauguq qulnek mile-anek, negeqvamek-llu ungalamun, cetamanek mile-anek. Agayuvigpii ATANREM uitaarkauguq qukaani.

¹¹Una pikarkaugaat atawaqercecimalriit agayulirtet, Zadok-am qetunrain, ellaita kevgiullruatnga, ellait avtellrunritut Israel-aam yui avtellratni, Levite-at pillruciatun.

¹²Ellaita pikarkaugaat urenkutmek allakaqaumalria tanqilriamek, canianlluni Levite-at nunautiin.

¹³Mengliini-llu agayulirtet nunautiita, Levite-at allakaumalriamek pingqerrarkaugut, ungalalirnerani agayulirtet nunautiita. Tauna-llu taktamiarkauguq mile-anek qulnek calaramek keggaknermun, mile-anek-llu cetamanek negeqvamek ungalamun.

¹⁴Tun'arkaunritaat wall'u navrutekluku ilii; allanun tun'arkaunritaat una pikegtakumalria cuqcimalria nuna, tua-i-wa tanqilriaruan ATANERMUN.

¹⁵Cipnera, mile-anek qulnek taktalria mile-agnek malrugnek iqtutaluni, nunarpiim aturarkaugaa camek picirkiutaunani, uitavikluku wall'u enelivikevkenaku. Qukaani nunarpak uitaarkauguq.

¹⁶Ukut-llu angtaciqerkaugai: malruk tiissitsaak tiissitsaam-llu avga yuinarnek cipluku (2,520) yaaltangqerciqut avatai tamarmeng.

¹⁷Avatiini-llu nunarpiim carr'ilqertangqerrarkauguq yuinarnek malrunlegnek akitmun.

¹⁸Nuna-llu atuumanrilnguq nunarpak piliaqumarraartelluku mengliinelnguq tanqilriim cuqcimalriim nunam pitaarkauguq mile-anek cetamanek malrugnek-llu mile-agnek calarami cetamanek-llu mile-anek malrugnek-llu mile-agnek keggaknermi. Naugillri-llu neqkaqerkaugait calistain nunarpiim.

¹⁹Calistain-llu nunarpiim, tamalkuitnek yuullgutkelriartainek Israel-aam, nauceciivikarkaugaat.

²⁰Nuna-llu cuqcimalria allakararkaci pitaarkauguq qulnek mile-anek tamarmi menglii, ilakeciqaa-llu nunarpiim nunautiin.

²¹Calaramun keggaknermun-llu Agayuvigpiim uitavia, agayulirtet-llu nunautiit, Levite-at-llu nunautiit, nunarpak-llu, ilakuaq nuna angayuqam pikarkaugaa. Tekisngauq calaram cuqiinun keggaknermek-llu Mediterranean Sea-q tekilluku, angayuqam nunautii akunliigni uitaciquq Judah-nkuk Benjamin-aaq-llu nunautiignek.

²³Ilaitnun-llu yuullgutkelriit: calaramek keggaknermun, Benjamin-aamun, atauciq cetrumalria.

²⁴Caniani nunautiin Benjamin-aam, calaramek keggaknermun, Simeon-aamun, atauciq cuqcimalria.

²⁵Caniani Simeon-aam nunautiin, calaramek keggaknermun, Issachar-amun, atauciq cuqcimalria.

²⁶Caniani Issachar-am nunautiin, calaramek keggaknermun, Zebulun-aamun, atauciq cuqcimalria.

²⁷Caniani Zebulun-aam nunautiin, calaramek keggaknermun. Gad-amun, atauciq cuqcimalria.

²⁸Caniani-llu Gad-am nunautiin ungalamun, ceteq ayagarkauguq Tamar-amek Kadesh-aam mer'i tekilluki, ayagluni-llu negeqvam keggaknerem-llu akuliignegun Egypt-aam cuqiikun Mediterranean Sea-q tekilluku.

²⁹Una nuna avenqegtarkaugan Israel-aam yuullgutkelriarinun piksagucelluku, ukut-llu pikaqait cetrumalriit, qanertuq ATANEQ Agayun.

³⁰Qula malrugnek (12) iteryarrartangqerrarkauguq nunarpiinun Jerusalem-aam. Tamarmeng cetaman qacarneret pitaarkaugut tiissitsaat pingayuat avguluku yuinarmek cipluku (2,520) pingayunek iteryararluni, tamarmeng casgut aciumaluteng Israel-aat yuullgutkelriit atritnek. Iteryarai negeqvam tunglirneranelnguut aciumaut Reuben, Judah, Levi-amek-llu; calarami-llu qacarnermi, Joseph, Benjamin, Dan-amek-llu; ungalami-llu qacarnermi Simeon, Issachar, Zebulun-aamek-llu; keggaknermi-llu Gad-am, Asher, Naphtali-llu.

³⁵Tamalkuitni cetamani qacarneret taktaarkaugut qulen tiissitsaat yuinarnek cetamanek cipluku (10,080) yagnernek. Wak'nirnek-llu ayagluni nunarpak atengqerrarkauguq, “ATANEQ Wantuq.”