Read Yupik Numbers 26 Bible Online

Numbers 26 - Yupik bible

Numbers 26

¹Cangerliim tut'ellran kinguani ATANREM qanrutak Moses-aankuk Eleazar-aaq-llu, Aaron-aam agayulirtem qetunraa,

²“Naaqiciki tamalkuita Israel-aam yui yuinarnek allrakungelrianek ayagluki, ilakuralriatgun naaqluki anguyaucugngalriit tamalkuita.”

³Moses-aankuk-llu agayulirta-llu Eleazar-aaq niillutek quyurcetakek angutet tuaten pitarilriit. Quyurtut-llu carr'ilqaini Moab-am Jericho-mi Jordan-aam caniani. Ukut waniwa Israelite-at anellret Egypt-aamek:

⁴

⁵Reuben-aamek naumavilget Israel-aam irniarin ciuqlikacagiitnek: ukut yuit, Hanoch-aam, Palu-m,

⁶Hezron-aam, Carmi-m-llu.

⁷Ukut waten amllertaluteng, yuinaak malruk pingayunek cipluku tiissitsaat, tiissitsaam avga, yuinaat-wa qula atauciq qulnek cipluku (43,730) angutet.

⁸Kinguvri-wa Palu-m, Eliab-aaq

⁹qetunrai-llu Nemuel-aaq, Dathan-aaq, Abiram-aaq-llu. Ukuk imkuuguk Dathan-aankuk Abiram-aaq-llu cucukumallrek yugnek. Nauwa inglulillrukekek Moses-aankuk Aaron-aaq-llu ilaullutek-llu Korah-m maligtestainun ATANEQ inglulillratni.

¹⁰Nunam quliulluki igellrui taukut, tuqullgutkellruluku Korah ilai-llu kenrem ekualuki yuinaat qula malruk qulnek cipluku (250) angutet, yugnun aarcirtuutngurrluteng.

¹¹Korah-m tau͡gaam qetunrai tuani tuqullruvkenateng.

¹²Simeon-aamek naumavilget: Ukut yukait Nemuel-aam, Jamin-am, Jachin-aam,

¹³Zerah-m Shaul-am-llu.

¹⁴Ukut ilakellriit amllertaluteng yuinaq malrugnek cipluku tiissitsaat, yuinaat-wa qulen (22,200) angutet.

¹⁵Gad-amek naumavilget: Ukut yuit Zephon-aam, Haggi-m Shuni-m,

¹⁶Ozni-m, Eri-m,

¹⁷Arod-aam, Areli-m-llu.

¹⁸Ukut ilakellriit amllertaluteng yuinaak malruk tiissitsaat, tiissitsaam-wa avga (40,500) angutet.

¹⁹Judah-mek naumavilget: Ukut yuit, Shelah-m, Perez-am, Zerah-m, Hezron-aam, Hamul-aam. Malruk Judah-m qetunraak Er-ankuk Onan-aaq-llu tuqullruuk Canaan-aami.

²⁰

²¹

²²Ukut ilakellriit amllertaluteng yuinaat pingayun akimiaq ataucimek cipluku tiissitsaat, tiissitsaam-wa avga (76,500) angutet.

²³Issachar-amek naumavilget: Ukut yuit, Tola-m, Puah-m,

²⁴Jashub-aam, Shimron-aam-llu.

²⁵Ukut ilakellriit amllertaluteng, yuinaat pingayun cetamanek cipluku tiissitsaat, yuinaat-wa akimiaren (64,300) angutet.

²⁶Zedbulon-aamek naumavilget: Ukut yuit, Sered-aam, Elon-aam, Jahleel-am-llu.

²⁷Ukut ilakellriit amllertaluteng, yuinaat pingayun tiissitsaat, tiissitsaam-wa avga (60,500) angutet.

²⁸Joseph-aamek nauvilget, irniak malruulutek, Manasseh-nkuk Ephraim-aaq-llu.

²⁹Manasseh-mek naumavilget: Machir-aq qetunraa Manasseh-m Gilead-aam atakellrua. Ukut-llu waniwa kangirqaqameng naumavilguut Gilead-aamek:

³⁰Ukut yuit, Lezer-aam, Helek-aam,

³¹Asriel-aam, Shechem-aam,

³²Shemidah-m Hepher-aam-llu.

³³Zelophehad-aq Hepher-aam qetunraa angutnek irniaritellruuq arnanek tau͡gaam; aterluteng Mahlah, Noah, Hoglah, Milchah, Tirzah-wa.

³⁴Ukut ilakelriit amllertaluteng yuinaak malruk qula malrugnek cipluku tiissitsaat, tiissitsaam avga yuinaat-wa qulen (52,700) angutet.

³⁵Ephraim-aamek naumavilget: Ukut yuit, Shuthelah-m, Becher-aam Tahan-am-llu.

³⁶Eran-am kinguvri kangirqaqameng Shuthelah-mek naumavingqertut.

³⁷Ukut ilakellriit amllertaluteng yuinaq qula malrugnek cipluku tiissitsaat, tiissitsaam-wa avga (32,500) angutet. Ukut ilakellriit kinguvalriaruut Joseph-aamek.

³⁸Benjamin-aamek naumavilget: Ukut yuit, Bela-m Ashbel-aam Ahiram-aam,

³⁹Shephupham-aam, Hupham-aam-llu.

⁴⁰Ard-amek Naaman-aamek-llu naumavilget kangirqaqameng Bela-mek naumavingqertut.

⁴¹Ukut ilakellriit amllertaut yuinaak malruk tallimanek cipluku tiissitsaat, tiissitsaam avga, yuinaat-wa talliman (45,600) angutet.

⁴²Dan-amek naumavilget: Shuham-aam yui

⁴³amllertaluteng yuinaat pingayun cetamanek cipluku tiissitsaat, yuinaat-wa yuinaat (64,400) angutet.

⁴⁴Asher-aamek naumavilget: Ukut yuit, Imnah-m, Ishvi-m Beriah-m-llu.

⁴⁵Yuk'enka Heber-aam Malchiel-am-llu kangirqaqameng Beriah-mek naumavingqertut.

⁴⁶Asher-aaq-llu paningqellruuq Serah-mek aterluni.

⁴⁷Ukut ilakellriit amllertaluteng yuinaak malruk qula pingayunek tiissitsaanek, yuinaat-wa yuinaat (53,400) angutet.

⁴⁸Naphtali-mek naumavilget: Ukut yuit, Jahzeel-am, Guni-m,

⁴⁹Jezer-aam Shillem-aam-llu.

⁵⁰Ukut ilakellriit amllertaluteng yuinaak malruk tallimanek cipluku tiissitsaat yuinaat-wa yuinaat (45,400) angutet.

⁵¹Israel-aam yuin angutait quyurmeng amllertaluteng tiissitsaam avga yuinaat talliman ataucimek cipluku tiissitsaat, tiissitsaam avga yuinaat qula atauciq qulnek cipluku (601,730).

⁵²ATANREM qanrutaa Moses-aaq,

⁵³“Av'ggu nuna naumavillgutkelrianun yugyagtaciat cuqekluku.

⁵⁴Nuna avegniarci nall'arcetaarluci, yugyanrulriit amllenruluki piaqluki yugkilnguut-llu ikgellruluki.”

⁵⁵

⁵⁶

⁵⁷Levi-amek naumavilget yungqertut ukut yuitnek: Gershon-aam, Kohath-am, Merari-m-llu.

⁵⁸Ukut kinguvrit ilangqertut ukut yuitnek: Libni-m, Hebron-aam, Mahli-m, Mushi-m, Korah-m-llu. Kohath-aq atakluku Amram-aam,

⁵⁹Levi-am panianek Jochebed-aamek nulialgem, tauna yuurtellruluni Egypt-aami. Amram-aamek uingqerrluni irniangellruuq qetunrangluni Aaron-aankugnek Moses-aaq-llu, cali-llu paningluni Miriam-aamek.

⁶⁰Aaron-aaq-llu cetamanek qetunrangqellruluni, Nadab-amek, Abihu-mek, Eleazar-aamek, Ithamar-amek-llu.

⁶¹Nadab-ankuk Abihu-llu tuqullruuk kencignailngurmek kenermek kumarcillermegni ciuqerrani ATANREM.

⁶²Tamakut-llu Levite-at naaqumallret angutet ataucimek iralungllermeggnek ayagluteng amllertaluteng yuinaq pingayunek cipluku tiissitsaat (23,000). Allakarmeng igausngaluteng Israel-aam yuinek, camek kinguvalegtarmek cikiumanrilameng Israel-aani.

⁶³Makut maa-i Israel-aam yui Moses-aankuk Eleazar-aaq-llu agayulirta naaqellruakek Moab-am carr'ilqaini Jericho-mi Jordan-aam yaaqsinrilkiini.

⁶⁴Imkut-llu ciuqlirmi naaqumaqerraallret Sinai-am nuniini ataucirraunge'rmi unguvanrituq.

⁶⁵ATANREM waten qanrutkellruateng, “Yuilqumi tuquciqut.” Ataucirraunge'rmi-llu unguvanrituq Caleb-aaq tau͡gaam Jephunneh-m qetunraa Joshua-llu cali Nun-am qetunraa.