Read Yupik Numbers 29 Bible Online

Numbers 29 - Yupik bible

Numbers 29

¹“Erenrin ciuqliatni malrunelgata iralut calivkenaci quyurrluci agayukici. Cupu'uryaranek cup'illerkaqerci tauna erneq.

²Elliinairtuci ekuagiluci ATANERMUN tepii ilukegcinarqellriamek elliinun: ataucimek ayagyuamek angucalumek kuluvagmek, ataucimek-llu angucalumek qusngimek, malrunlegnek-llu ataucimek allrakungelrianek qusngiyagarnek, tamarmeng natlugneritarkauluteng.

³Taperkaitnek-llu cali elliiluci mukaarkanek, mukaamek olive-aat uquatnek urcimalriamek: arvinlegnek uspernek angucalum kuluviim taperkaanek, cetamanek-llu uspernek angucalum qusngim taperkaanek,

⁴malrugnek-llu usperegnek qusngiyagaat allakaita taperkaitnek.

⁵Ataucimek-llu cali angucalumek qusngirngalngurmek elliiniartuci assiilnguirutkarpecen̄ek.

⁶Makut elliitek'larniaci cipneruluki iralum erenrin ciuqliatni unuaquaqan-llu elliitek'lallerpecen̄un, tapirluki mukaarkanek wine-amek-llu. Makut elliitet tepiit ilukegcinarqelriaruuq ATANERMUN.

⁷“Ernengkan qulnek iralut malrunelgat yaakici calivkenaci nereksaunaci-llu.

⁸Elliiniartuci ekuagiluci ATANERMUN tepii ilukegcinarqelriamek: ataucimek ayagyualriamek (piyagarmek) angucalumek kuluvagmek, ataucimek angucalumek qusngimek, malrunlegnek-llu ataucimek allrakungelrianek qusngiyagarnek, tamarmeng natlugnerilngurnek.

⁹Mukaarkanek-llu taperkaitnek elliiniartuci mukaamek uqumek urcimalriamek: arvinlegnek uspernek angucalum kuluviim taperkaanek, cetamanek uspernek angucalum qusngim taperkaanek,

¹⁰malrugnek-llu usperegnek allakaita taperkaitnek qusngiyagaat.

¹¹Cali-llu ataucimek angucalumek qusngirngalngurmek elliiniartuci assiilnguirutkarpecen̄ek ilakluku qusngirngalngurmun menuircautnguluku yugnun elliitngullermun, unuaquaqan-llu elliitngutulinun ekualuki taperluteng mukaarkamek wine-amek-llu.

¹²“Iralut malrunelgat akimiarmek ernengkan caliarpecen̄ek arulairluci quyurrluci Agayukici. Nerevkariyaraq-llu una ATANERMUN aturluku ernerni malrunlegni caliksaunaci.

¹³Elliiniartuci ekuagiluci erenret ciuqliatni tepiinek ilukegcivkarluku ATANEQ: qula pingayunek cipluku ayagyualrianek angucalunek kuluvagnek, malrugnek-llu angucalugnek qusngignek, akimiarunrita'arnek ataucimek allrakungelrianek angucalunek qusngiyagarnek, tamarmeng natlugnerilngurnek.

¹⁴Mukaarkanek-llu taperkaitnek elliiniartuci, mukaamek uqumek urcimalriamek: arvinlegnek uspernek angucalut kuluviit allakarmeng taperkaitnek, cetamanek uspernek angucaluk qusngik allakarmek taperkakegnek,

¹⁵malrugnek-llu usperegnek taperkaitnek allakarmeng qusngiyagaat, wine-anek-llu taperkiuraitnek.

¹⁶Cali-llu ataucimek angucalumek qusngirngalngurmek elliiniartuci assiilnguirutkarpecen̄ek. Makut elliitekniaci ilakluki unuaquaqan ekualuki elliitek'lallerpecen̄un taperluki mukaarkanek wine-amek-llu.

¹⁷“Erenrem aipaani elliiniartuci qula malrugnek cipluku ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek qusngiyagarnek, tamarmeng natlugnerilngurnek.

¹⁸Makunun ilakluki elliitekniaci erenret ciuqliatni elliitekesqumalriit.

²⁰“Erenret-llu pingayuatni elliiniartuci qula ataucimek cipluku ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek qusngiyagarnek, tamarmeng natlugnerilngurnek.

²¹Makunun ilakluki elliitekniaci erenret ciuqliatni elliitekesqumalriit.

²³“Erenret-llu cetamiitni elliiniartuci qulnek ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek angucalunek qusngiyagarnek, tamarmeng natlugnerilngurnek.

²⁴Makunun ilakluki elliitekniaci erenret ciuqliatni elliitekesqumalriit.

²⁶“Erenret-llu tallimiitni elliiniartuci qulngunrita'arnek ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek angucalunek qusngiyagarnek, tamarmeng natlugnerilngurnek.

²⁷Makunun ilakluki elliitekniaci erenret ciuqliatni elliitekesqumalriit.

²⁹“Erenret arvinelgatni elliiniartuci pingayunlegnek ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek angucalunek qusngiyagarnek, tamarmeng natlugnerilngurnek.

³⁰Makunun ilakluki elliitekniaci erenret ciuqliatni elliitekesqumalriit.

³²“Erenret-llu malrunelgatni elliiniartuci malrunlegnek ayagyualrianek angucalunek kuluvagnek, malrugnek angucalugnek qusngignek, akimiarunrita'arnek-llu ataucimek allrakungelrianek qusngiyagarnek, tamarmeng natlugnerilngurnek.

³³Makunun ilakluki elliitekniaci erenret ciuqliatni elliitekesqumalriit.

³⁵Erenret pingayunelgatni calivkenaci quyurrluci agayuniartuci.

³⁶Elliiluci ekuagiluci narnirqelriamek ATANERMUN: ataucimek ayagyualriamek angucalumek kuluvagmek, ataucimek angucalumek qusngimek, malrunlegnek-llu ataucimek allrakungelrianek angucalunek qusngiyagarnek, tamarmeng natlugnerilngurnek.

³⁷Makunun ilakluki elliitekniaci erenret ciuqliatni elliitekesqumalriit.

³⁹“Makut maa-i alerquutnguut aturarkaci elliikuvci ekuagarkanek, mukaarkanek, wine-amek-llu, ilakuyutellerkamun-llu elliitekarpecen̄un ATANERMUN nallunairumalriani nerevkariyararpecen̄i. Makut ilaulluki elliitek'lararkauluki akqutkellerpecen̄un wall'u piyuumillerci aturluku elliitevcen̄un.”

⁴⁰Moses-aam-llu qanrutai Israel-aam yui tamalkuitnek ATANREM alerquutekellrinek ellminun.