Read Yupik Matthew 1 Bible Online

Matthew 1 - Yupik bible

Matthew 1

¹Wani-wa Jesus Christ-am, David-aam qetunraan, Abraham-aam-llu qetunraan kalikartaa.

²Abraham-aaq qetunrangqellruuq Isaac-aamek; Isaac-llu qetunrangqellruuq Jacob-aamek; Jacob-aaq-llu qetunrangqellruuq Judah-mek anelgutainek-llu;

³Judah-llu Tamar-amek nuliarluni qetunrangqellruuq Perez-amek, Zerah-mek-llu; Perez-llu qetunrangqellruuq Hezron-aamek; Hezron-llu qetunrangqellruuq Ram-amek;

⁴Ram-aq-llu qetunrangqellruuq Amminadab-aamek; Amminadab-aaq-llu qetunrangqellruuq Nahshon-aamek; Nahshon-llu qetunrangqellruuq Salmon-aamek;

⁵Salmon-llu Rahab-amek nuliarluni qetunrangqellruuq Boaz-amek; Boaz-llu Ruth-amek nuliarluni qetunrangqellruuq Obed-aamek; Obed-llu qetunrangqellruuq Jesse-mek;

⁶Jesse-llu qetunrangqellruuq David-aamek, Atanermek. David-llu nuliarluni Uriah-m nuliallranek qetunrangqellruuq Solomon-aamek;

⁷Solomon-llu qetunrangqellruuq Rehoboam-aamek; Rehoboam-aaq-llu qetunrangqellruuq Abijah-mek; Abijah-llu qetunrangqellruuq Asa-mek;

⁸Asa-llu qetunrangqellruuq Jehoshaphat-amek; Jehoshaphat-llu qetunrangqellruuq Jehoram-aamek; Jehoram-aaq-llu qetunrangqellruuq Uzziah-mek;

⁹Uzziah-llu qetunrangqellruuq Jotham-aamek; Jotham-aaq-llu qetunrangqellruuq Ahaz-amek; Ahaz-llu qetunrangqellruuq Hezekiah-mek;

¹⁰Hezekiah-llu qetunrangqellruuq Manasseh-mek; Manasseh-llu qetunrangqellruuq Amon-aamek; Amon-llu qetunrangqellruuq Josiah-mek;

¹¹Josiah-llu qetunrangqellruuq Jechoiachin-aamek, anelgutainek-llu, tamatum nalliini ayaucimallrata Babylon-aarmiut nuniitnun.

¹²Babylon-aarmiunun-llu ayaucimallrata kinguani Jehoiachin qetunrangqellruuq Shealtiel-aamek; Shealtiel-llu qetunrangqellruuq Zerubbabel-aamek;

¹³Zerubbabel-llu qetunrangqellruuq Abiud-amek; Abiud-aq-llu qetunrangqellruuq Eliakim-aamek; Eliakim-llu qetunrangqellruuq Azor-amek;

¹⁴Azor-llu qetunrangqellruuq Zadok-aamek; Zadok-llu qetunrangqellruuq Achim-amek; Achim-llu qetunrangqellruuq Eliud-aamek;

¹⁵Eliud-llu qetunrangqellruuq Eleazar-aamek; Eleazar-llu qetunrangqellruuq Matthan-aamek; Matthan-llu qetunrangqellruuq Jacob-aamek;

¹⁶Jacob-aaq-llu qetunrangqellruuq Joseph-aamek, Mary-m uinganek. Tauna-llu Mary qetunrangqellruuq Jesus-aamek, Christ-amek aprumalriamek.

¹⁷Tua-i waniwa Abraham-aamek ayagluteng David-aaq engelkarrluku, kinguveqelriit akimiarunritaraugut; David-aam-llu kinguani, Babylon-aamun ayaucimallerteng engelkarrluku kinguveqelriit akimiarunritaraugut; Babylon-aamun-llu ayaucimallrata kinguani Christ-aq engelkarrluku kinguveqelriit cali akimiarunritaraugut.

¹⁸Jesus-aam Christ-am yuurtellra waten piuguq. Aanii, Mary, Joseph-aamun anglleq, nuliqsagupailegmek qingartuq Anernermek Tanqilriamek.

¹⁹Uikautiin-llu Joseph-aam, ellualriaruami kiaresngiacetnavkenaku, yuut aciatgun ellminek taq'icugyaaqaa.

²⁰Man'a umyuaqnginanrani Atanrem an'gilaa qavangurtullrakun elliinun tangercetuq qanrulluku, “Joseph-aaq, David-aam qetunraa, alingevkenak teguu nulirkan Mary, wani-wa Anernermek Tanqilriamek qingartuq.

²¹Irniarkauguq-llu qetunrangluni, acirarkaugarci-llu Jesus-aamek, yun'i anirturarkaungaki assiilnguitnek.”

²²Man'a tuaten piuq piciurrluku Atanrem qaneryaraa prophet-aakun qanrutkumalria waten:

²³“Tangerrluku, neviarcar agtuumaksailnguq qingarciquq, irniciquq-llu qetunrangluni, aterpagciiqaat-llu Immanuel-aamek,” (mumiggluku waten ayuquq: “Agayutem nayuraakut”).

²⁴Tua-i Joseph-aaq tupiimi Atanrem an'gilaan pisquciatun piuq, nulirkautni teguluku,

²⁵tau͡gaam agturpek'naku irnivailgan; irnian-llu mikelnguq aciraat Jesus-aamek.