Read Yupik Romans 16 Bible Online

Romans 16 - Yupik bible

Romans 16

¹Elpecen̄un Phoebe anelgutvut tun'aqa, ilavut arnaq agayuviliurten͞gulria Cenchrea-mi.

²Ciuniuresqelluku Atanerkun, ukverumalriit ciuniurilauciicetun ilameggnek, ikayurluku-llu canek nuuqek'ngainek elpecen̄ek, tua-i ellii-llu kusgukenglallruami amllernek wiinga-llu ilaklua.

³Aryuqutemnek qanruskek Priscilla Aquila-llu calillgutegka Christ Jesus-aami,

⁴unguvasek qevvlukek unguvaka pitekluku, wii kiima elkegnun quyanritua, tau͡gaam cali tamarmeng Jews-aarunrilnguut agayuviita quyavikagket.

⁵Eniigni-llu agayuvik aryuqutmek pikiciu. Kenkek'ngaqa Epaenetus aryuqutmek pikiciu, Asia-mi cauqarraalleq Christ-amun.

⁶Mary aryuqutmek pikiciu akunlevcen̄i calilleq taqaunani.

⁷Andronicus Junias-aaq-llu aryuqutmek picikek tungayiigka itengqallgutegka-llu; apostle-aani nallunailnguuguk, ciumni-llu Christ-amun caullrulutek.

⁸Aryuqutmek piciu Ampliatus kenkek'ngaqa Atanermi.

⁹Urbanus-aaq-llu, calillgutvut Christ-ami, kenkek'ngaqa-llu Stachys.

¹⁰Aryuqutmek piciu Apelles, atawakumalria Christ-ami. Aristobulus-aam-llu ilai-llu aryuqutmek piciki.

¹¹Tungelquqa-llu Herodion aryuqutmek piluku, Atanermelnguut-llu Narcissus-aam ilai.

¹²Atanrem calistek Tryphaena Tryphosa-llu aryuqutmek picikek, Persis-llu taqaunani calillra Atanermi.

¹³Aryuqutmek piciu Rufus, Atanermi cucukumalria, aanii-llu wangnun aanaulria.

¹⁴Aryuqutmek piciki Asyncritus, Phlegon, Hermes, Patrobas, Hermas, allat-llu pillgutait.

¹⁵Tuaten-llu Philologus, Julia, Nereus nayagaa-llu, Olympas-aaq-llu, agayumalriit-llu tamalkuita ellaitni uitalriit.

¹⁶Atunem elpecen̄ek aryuqutmek pikici melugaryarakun tanqilriakun. Christ-am agayuviin tamarmeng aryuqutmek tuyuraiceci.

¹⁷Unayaqamci, ilamaa, murilkesqelluki navguriyulriit ilameggnek, cangayugcetaarilriit-llu narurcillermegteggun elitnaurutnek ayuqucirtuuteklerpecen̄ek; taukut ilaganriciki.

¹⁸Tuaten ayuqelriit Ataneq Christ-aq kevgiunrilatgu, tau͡gaam aglumayullerteng kiingan, ungacarillermegteggun nanramciluki iqlularait caceskilnguut.

¹⁹Wani-wa Gospel-aamun maligaurautellerci niitnauyaaquq tamaitnun yugnun, wii-llu quyakluci; assilriakun tau͡gaam cali usvitusqumayaaqamci assiilngurkun-llu canganaunaci.

²⁰Tuaten uitanqegcitem Agayutiin, Satan-aaq ciamn̄auraa it'garpeci aciatni. Atanrem Jesus Christ-am naklekician nayurlici.

²¹Timothy-m, calillgutma, aryuqutmek tuyuraaci, ukut-llu Lucius, Jason, Sosipater-aam-llu tungelquma.

²²Wii Tertius, kalikam mat'um igautestiini, aryuqutmek tuyuramci Atanerkun.

²³Gaius-aam, allaneqestem̄a agayuviim-llu tamarmi allaneqestiin, aryuqutmek piaci, Erastus-aam-llu, nunat akiliurtiita, anelgutemta-llu Quartus, aryuqutmek piaci.

²⁴Atanrem Jesus Christ-am naklekutiin nayurlici tamarpeci. Amen.

²⁵Watua pinirivkaryugngastevcen̄un, Gospel-aamkun Jesus Christ-am-llu qalarutkellrakun, nallunairumallrakun ukanirpak iirumalriim.

²⁶Maa-i tau͡gaam nasvaumaluni, maa-i-llu prophet-aat igaitgun nallunairumaluni tamaitnun atanruvingqellrianun, Agayutem pisquciatun iquklicuilnguum, ukverem niisngallerkaanun.

²⁷Elliinun kiimi nallutailngurmun Agayutmun, ucurnarqun piuli Jesus Christ-akun! Amen.