Read Yupik 1 Corinthians 14 Bible Online

1 Corinthians 14 - Yupik bible

1 Corinthians 14

¹Kenka arcaqakiciu, anernellaat-llu cikiutet cumigulluki, arcaqerluku qalarucillerkarci.

²Alungutetgun qalartellria Agayutmun qallateng'e'rmi, yugnun qallatenrituq yuum taringenrilaku, Anernellarnek nallunarqelrianek qallacan.

³Tau͡gaam qalarucilria yugnun qallatelartuq naucimallerkaatnun, eguaqullerkaatnun-llu qarutaarumallerkaatnun-llu.

⁴Alungutkun qalartellria ellminek asvaiqcalartuq, tau͡gken qalarucilriim Agayuvik asvaiqcalaraa.

⁵Tamarpeci alungutetgun qalartesqumangramci, tau͡gaam arcaqerluci qalarucisqumayaaqamci. Qalarucilria piunruuq qallatellriami alungutkun, egmircisten͞gukuni tau͡gaam tuaten agayuvik asvaiqcaumayartuq.

⁶Tua-i-llu ilamaa, wiinga ullakumci alungutetgun qallallua, qaillun ikayuutnguciqsia elpecen̄un, camek pinrilkumci nallunairutmek, wall'u elisngamek, wall'u qalaruciyaramek, wall'u elitnaurutmek?

⁷Tuaten-llu aturcetaat unguvangqenrilnge'rmeng cuplucuaraat wall'u qelutellget erinait taringnailkata, qaillun yuum nallunriciiqau camek atuuciat?

⁸Cupu'uryaram-llu erinii taringnailkan, kina upciiqa anguyautellerkamun?

⁹Tuaten-llu elpecen̄i, alungutkun qallaskuvci taringnailngurmek, qaillun yuum nallunriciiqau qanrutkumalria? Cailkamun qanerciqngavci.

¹⁰Qaneryarallgutkenrilnguut amllerrsaaqut nunami, iliit-llu taringnaitevkenani.

¹¹Tau͡gaam qalartellrat cauciilkumku, tangnerranarqeciqua qalartellriamun, ellii-llu wangnun (ilakumanrilngurtun atunem ayuquciiqukuk).

¹²Tuaten elpecen̄i, Anernellaat cikiutet aturyuumiavciki, agayuviim nautengnaqellrakun anagkengnaqici.

¹³Taumek, alungutkun qalartellria kaigakili egmirciyunarillerkaminek.

¹⁴Wani-wa alungutkun piicakuma, anerneqa piicagtuq, tau͡gken umyuaqa ikayuutnguvkenani.

¹⁵Qaillun tua-llu piciqsia? Piicagciqua Anernerkun umyuamkun-llu; aturciqua-llu anernerkun umyuamkun-llu.

¹⁶Agayun nanraquvgu Anernerkun, qaillun yuum nallumalriim quyallren iqulirciqau Amen-aarluni, qanellren ayuquciilkuniu?

¹⁷Tua-i quyayaaqeciquten, tau͡gken ellii tauna ikayuumanrituq.

¹⁸Quyavikaqa Agayun alungutkun qalartelaucimnek elpecen̄i pinrulua.

¹⁹Tau͡gaam, agayuvigmi qaneryaranek tallimarraungraata taringnaqlua qallaskuma yuut ayuqucirtullerkaatnek assinruciquq, tiissitsaanek qulnek qalartellerkami alungutkun.

²⁰Ilamaa, mikelnguunrici umyuarteqlerpeciuggun, assiilngurmi mikelngurtun pikici, tau͡gaam umyuarteqlerpecen̄i taqmigingalriatun.

²¹Alerquutni igausngauq, “Allanret alungutaitgun, ilakumanrilnguut-llu qerrluitgun ukut yuut qalaruciiqanka, tuaten-llu pingramteng niisngaitaatnga, qanertuq Ataneq.”

²²Taumek, alungutetgun qallacaraq nallunailkutnguuq ukverumanrilngurnun, ukvelrianun pivkenani, tau͡gaam qaneryariuryaraq ukvelriit pikaat ukverumanrilnguut pivkenateng.

²³Taumek, wani-wa, agayuvigmiut tamarmeng quyureskata tamarmeng-llu alungutetgun qallalluteng, allanret wall'u ukverumanrilnguut itquneng, qanerngaitut-qaa usvilluggniluci?

²⁴Tau͡gaam tamarmeng qaneryariuqata, ukverumanrilnguq-llu wall'u allaneq itquni, ellii umyuarniurciquq cuqcimaluni-llu tamakutgun,

²⁵tuaten ircaqruan iirumallri manimaciqut; tuaten-llu cikluni Agayun piicagvikciqaa nallunairluku-llu Agayutem ilumun akunlevcen̄i uitacia.

²⁶Qaillun tua-llu piciqseci, ilamaa? Quyureskuvci tamarpeci, pingqerrutacirpecetun pikici yuarutmek, wall'u ayuqestassiigutmek wall'u nallunairutmek, wall'u alungutmek, wall'u egmirciyaramek, cat tamarmeng pimalit asvairitkarpecen̄un.

²⁷Alungutkun qalarculriartangqerqan malrugnek, wall'u pingayunek ciptevkenaki tau͡gaam, pitaarluteng pilit atauciq-llu egmircivkarluku.

²⁸Tau͡gaam egmirciyugngalriartailkan, nepailkilit agayuvigmi, ellmeggnek tau͡gaam qalarrlit Agayutmun.

²⁹Malruk wall'u pingayun qaneryariurtet qalarceskiciki, qanellrit-llu umyuangcautekevkarluki niicugnistaitnun.

³⁰Aqumgalriit iliit Anernerkun nasvicimakan qanerkaanek, ciuqlia nepaiqili.

³¹Tua-i tamarpeci ataucitaarluci qaneryariuryugngauci, tamarmeng elitniartut, tamarmeng-llu caceturiniartut.

³²Qaneryariurtet-llu anernerit tusngaut qaneryariurten̄un.

³³Tua-i Agayun aakulagtellriit Agayutkenrilatgu, tau͡gaam nepaitnam, tamalkuitni agayuviitni agayumalriit.

³⁴Arnat nepailkilit agayuvigni. Qalartesqumanrilameng, niisngaarkauluteng tau͡gaam, alerquutem qanruciatun.

³⁵Camek nallunricukuneng, uimeggnun apyutkekilitki enemeggni. Tun'ernaqngan arnam qalartellerkaa agayuvigmi.

³⁶Qaillun? Agayutem-qaa qaneryaraa elpecen̄ek ayagniumauq, wall'u-qaa nallevciuggun agtuumaaci?

³⁷Yuk umyuarteqkuni qaneryariurten͞guyukluni, wall'u anernerkun-llu cikiumayukluni, ilumuuknarqaa igautekelqa Agayutmek alerquutngucia.

³⁸Yuum taringenrilkuniu man'a, ellii taringumanrituq.

³⁹Taumek, ilamaa, qaneryariuneq piyuumiutekekiciu, alungutkun-llu qalarcaraq inerquutekevkenaku.

⁴⁰Tau͡gaam cat tamalkuita pitalqeggluki aturciki elucqeggluki-llu.