Read Yupik 1 Corinthians 15 Bible Online

1 Corinthians 15 - Yupik bible

1 Corinthians 15

¹Neq'angevkaramci, ilamaa, qaillun ayuqellriakun Gospel-aaq qalarutkellrucimnek elpecen̄un, ciuniullerci, maktateklerci.

²Anirtuuteklerci-llu, teggutekekuvciu, elliinginaq ukverpek'naci.

³Tua-i akurtullrucimtun arcaqerluku, elpecen̄un-llu tun'aqa man'a, Christ-aq tuqullruniluku assiilnguput pitekluki igausngaciatun,

⁴tungmagcimallruniluku, erenret-llu pingayuatni makcecimallruniluku igautekumaciatun,

⁵Cephas-aamun-llu alaillruniluku, elitnauraullgutainun-llu.

⁶Kinguakun cali amllernun alaillruuq tiissitsaam avga cipluku, tamakut amlleret maa-i cali unguvaut, tau͡gaam ilait qavartut.

⁷Kinguakun cali, alaillruuq James-aamun, kinguakun-llu tamalkuitnun apostle-aanun.

⁸Kinguatgun-llu, alairvikellruanga kinguqvaggun yuurtellriatun.

⁹Wii wani-wa apostle-aat cakegtaunrillrat, tuaten aprumayunaicaaqngama apostle-aamek, Agayutem agayuvia caunrilkellruamku.

¹⁰Tau͡gaam Agayutem naklekutiikun waten ellirtua, takumcukutii-llu wangnun elliinginaq piunrituq. Tau͡gken, taukut tamalkuita calillemkun anagtanka, wangnek-llu pivkenii, tau͡gaam Agayutem takumcukutiin wangnelnguum caliaqaa.

¹¹Ilangcivkenaku, wang'ung'e'rma ellaitngung'e'rmeng-llu, maa-inguuq qalarutkellerput ukveklerci-llu.

¹²Wani-wa Christ-aq qanrutkumiin tuqumalrianek maktellruniluku, qaillun ilaci qanlartat maktellerkartaitniluku?

¹³Tau͡gaam maktellerkartailkan, Christ-aq-llu maktellrunricartuq;

¹⁴Christ-aq-llu makcecimallrunrilkan, qalarutkellerput-llu piciunricartuq ukverci-llu ellmikuuluni.

¹⁵Tuaten-llu Agayun iqluuruteksalliarput, qalarutekngamteggu Christ-aq Agayutmun maktellruniluku, maktestekenrilkii piciunrilkan tuqumalriit maktellerkaat.

¹⁶Wani-wa tuqumalriit makcecimaarkaunrilkata, Christ-aq-llu makcecimanrituq.

¹⁷Christ-aq-llu makcecimanrilkan, ukverci atuuyanrituq, assiilngurmi-llu cali uitayartuci.

¹⁸Christ-ami-llu tuqullret piunriumayartut.

¹⁹Mat'umi tau͡gaam unguvamten̄i neryuniurvikekumteggu Christ-aq takumcunarqenruyartukut yugni tamaitni.

²⁰Tau͡gaam piciulriamek Christ-aq tuqumek makcecimallruuq, unguiqarraalria qavalriani.

²¹Wani-wa yugkun tuqu piuruciatun, tuaten-llu yugkun cali tuqumalriit maktellerkaat piurtellruuq.

²²Tua-i Adam-aakun tamarmeng tuquarkauruciicetun, tuaten-llu Christ-akun tamarmeng unguircecimaarkaurtut.

²³Tau͡gaam tamarmi piyaramini, Christ-aq unguiqarraallruluni, kinguani-llu tekitellerkaani Christ-am yui.

²⁴Kinguani-llu iquklitlerkaq tekiciiquq, tuani Angayuqauvik tunciqaa Agayutmun Ataminun piunriumarikuniki atanrulriit, atanruviit-llu piniq-llu.

²⁵Tua-i Atanruarkaungami tutmararkaurtellerkaatnun inglukestem̄i.

²⁶Nangneq inglukista piunriumaarkaq waniwauguq tuqu.

²⁷“Tua-i Agayutem cat tamalkuita elliin tutmallerkaanun elkarcaki.” Waten qanrumiin, “Cat tamarmeng elliinun ataniumaarkauluki elkarcimaut,” nallunaituq elkartestiit pimanrilucia.

²⁸Cat tamarmeng elliinun elkarcimarikuneng ataniumasqelluki, ellii-llu Qetunraq, elkarcimaarkauguq cat tamarmeng elkartestiitnun, Agayun tamalkuitnun atanrusqelluku.

²⁹Wall'u qaillun piciqat tuqumalriit pitekluki anglluumalriit, tuqumalriit maktenrilkata? Ciin-mi angllurcecimaat taukut tuqumalriit pitekluki?

³⁰Ciin-llu wangkuta aarnarqelria atularceta sass'at tamaitni?

³¹Piciulriamek qanertua, erenret tamaitni tuqullerkaqa pairtelaraqa, ucuryaguteklemkun elpeci pitekluci, Christ Jesus-aami Atanemten̄i.

³²Yuut piciryaraicetun Ephesus-aami, yugtutulinek callullrung'e'rma, cateksia tamana? Tuqumalriit maktarkaunrilkata, “Nerkilta, merluta-llu, unuaqu tuquniartukut.”

³³Alarcecimayaqunaci, “Assiilnguut ilat ayuquciqegtaar navgularaat.”

³⁴Uici elluamun, assiilnginrirluci-llu. Tua-i ilavci Agayun nalluatgu. Qanrutkaqa man'a kiaresngiatesqelluci.

³⁵Tua-i-llu ilasi qanerciqngatuq waten, “Qaillun tuqumalriit makcimaciqat? Qaillun-llu ayuqelriamek temengqerrluteng tekiciiqat?”

³⁶Elpet umyugailngurmi! Nauceciillren tuqurraarpek'nani unguirngaituq.

³⁷Nauceciillren-llu taungunrituq tema piugarkaq, tau͡gaam naucetaarkaqainaq mukaarkaq, wall'u allaungraan-llu naucetaarkaq.

³⁸Tau͡gaam Agayutem temngevkarai piyugtacimitun naucetaarkat; allakaqtaarluki ayuqenrilngurnek temkaitnek.

³⁹Kemek-llu atauciunrituq, yuk allakarmi kemengqertuq, ungungssit-llu allakarmeng, yaqulget-llu, neqet-llu.

⁴⁰Tuamta-llu qilagtarnek temtangqertuq nunamiutarnek-llu; tau͡gaam qilagtaq allakarmi ucurnarqucingqertuq, nunamiutaq-llu allakarmi ucurnarqucingqerrluni.

⁴¹Akerta allakarmi ucurnarqucingqertuq, iraluq-llu allakarmi, agyat-llu allakarmeng, agyat-llu ucurnarqutkun pitatekenritut.

⁴²Tuaten-llu tuqumalriit maktellerkaat ayuquq; nauceciumauq tuquarkauluni, makcecimauq tuquarkauvkenani.

⁴³Nauceciumauq takarnaunani, makcecimauq ucurnaqluni. Nauceciumauq pinianani, makcecimauq piningqerrluni.

⁴⁴Nauceciumauq kemegtauluni tema, makcecimauq anernellauluni tema. Kemegtarmek temtangqerruciatun, tuaten-llu anernellarmek temtangqertuq.

⁴⁵Taumek igausngauq, “Ciuqliq Adam-aaq yuucimek anerniumallruuq,” kinguqliq-llu Adam-aaq Anernerkun unguvalirturten͞gurtuq.

⁴⁶Tau͡gaam Anernellaq ciumek pillrunrituq, tau͡gaam kemegtaq, anernellaq-llu kingumek.

⁴⁷Ciuqliq yuk nunamiutauguq, nunamek pilimaluni; kinguqliq-llu yuk qilagmek piuq.

⁴⁸Nunamek pilimalriatun, kemegtaat yuut ayuqut, qilagmek-llu kingunelegtun cali, qilagmek yuurtellriit ayuqut.

⁴⁹Nutemllaam yuum ayuqucianek atullrucimcetun, tuaten-llu cali qiliim ayuqucianek aturciqukut.

⁵⁰Mat'umek qanrutamci, ilamaa, kemgem augem-llu qiliim Angayuqauvia piksagusngaitaak, tuaten-llu piunrirarkam piksagusngaitaa piunriyuilnguq.

⁵¹Tangerrluku! Qanrutnaamci iirumalriamek. Tamarmirrluta qavarngaitukut, tau͡gaam tamamta cimiumaciqukut

⁵²alqunaq, iim qelemyaqallrani, nangneqlirmi cupu'uryarami. Qasiarciiqngan cupu'uryaraq, tuqumalriit-llu makcecimaciqut tuquarkaunrirluteng, allaurciiqukut-llu.

⁵³Tua-i man'a tema aruyulria at'arkauguq aruyuilngurmek, man'a-llu tuquyulria tuquyuilngurmek at'arkauluni.

⁵⁴Aruyulria aruyuilngurmek askuni, tuquyulria-llu tuquyuilngurmek askuni, qanrumalria man'a piciurciiquq igausngaciatun, “Tuqu cirlakumauq.”

⁵⁵“Tuqu, cirlakicin nanta? Tuqu, cukin nanta?”

⁵⁶Tuqum cukia assiilnguuguq, assiilnguum-llu piniutii alerquutnguuq.

⁵⁷Tau͡gaam Agayun quyanarquq cirlakivkarluta Atanemteggun Jesus Christ-akun!

⁵⁸Taumek, ilamaa kenkekmaa, asvailkici, pektayiinaci-llu, Agayutem caliara ciumuruterrlainarluku, nallunrilavciu elliinginaq calinrilucirci Atanermi.