Read Yupik 2 Corinthians 6 Bible Online

2 Corinthians 6 - Yupik bible

2 Corinthians 6

¹Taumek ellii calillgutekluku, unayaqamceci, Agayutem takumcukutii elliinginaq ciuniuresqevkenaku.

²Waten qanellruciatun, “Ciuniuyunarqellerpecen̄i niitellruamci, ernermi-llu anirtuyunarqellerpecen̄i ikayullruamci.” Tangerrluku, watua ciuniurillerkauguq; tangerrluku, watua erneq anirtuumallerkauguq.

³Elliiksaitukut paallautekamek yuum tungiinun, caliarput canganarqutaitesqelluku.

⁴Tau͡gaam Agayutmun kevgaucirput nallunriisqumaaqa tamaitgun; nangtequallemteggun, nanikuallemteggun, makugtellemteggun, arenqiallugtellemteggun.

⁵Kaugtuarumallemteggun, itengqalallemteggun, nepliutekumallemteggun, caliuralallemteggun, pegg'alallemteggun, kailallemteggun.

⁶Elluarucikun, nallunrilucikun, ilalciunerkun, naklekillemteggun Anernerkun Tanqilriakun, kenkakun piciulriakun,

⁷piciulriamek qanllerkun, Agayutem-llu piniakun. Elluaryaram saskuikun inglugtun tegumiamteggun.

⁸Qigcikumallemten̄i caunrilkumallemten̄i-llu, apnerrlugingallemten̄i apenqegcitkumallemten̄i-llu. Iqluyulriamek aprumalaryaaqukut, amta-llu piciugaqluta;

⁹nallunairumanrilngurtun pitarrluta, amta-llu nallunriumaluta; tuqulriatun pitarrluta, amta-llu unguvaluta; anucimirqecetaarumaluta, amta-llu tuqucimaksaunata;

¹⁰angniilngurtun pitarrluta, amta-llu nunaniryugaqluta; arrsaulriatun pitarrluta, amta-llu amlleret tukuurcetaqluki; piilngurtun pitarrluta, amta-llu ca tamalkuan pikluku.

¹¹Aassaqutenritamceci camek, Corinthia-rmiuni; ircaquput-llu ikingqauq tungevcen̄un.

¹²Umgusnganritamceci, tau͡gaam aglumallerpeciuggun umgusngauci elpecen̄ek.

¹³Qanrutnaamci irniaqelriatun, akinaurluta ircaqurpecen̄ek ikirucikut.

¹⁴Ukverumanrilngurnek aipangyaqunaci. Qaillun-mi elluaryaraq assiilnguq-llu aipaquciiqak? Wall'u nau͡gg'un tanqik ilakuyutengqerciqa tan'germek?

¹⁵Christ-aq-llu-qaa Belial-aaq-llu qaillun umyuallgutekciqak? Wall'u nau͡gg'un ukverumalriim pillgucirciqau ukverumanrilnguq?

¹⁶Agayutem enii agayutnguat-llu camek atunem umyuallgutengqertat? Wani-wa wangkuta Agayutem unguvalriim agayuvikaakut; qanellruciatun Agayutem: “Uitavikciqanka peklua-llu akuliitni, ellaita-llu Agayutekciqaatnga, wii-llu yukciqanka.

¹⁷Taumek ankici akunliitnek, allakarluci-llu ellaitnek, qanertuq Agayun, menuulria-llu agturavkenaku; wiinga-llu ciuniurciqamci.

¹⁸Atakciqerpecia-llu, wii-llu qetunraqciqamci panikluci-llu, qanertuq Ataneq Caprilnguq.”