Read Yupik Ephesians 2 Bible Online

Ephesians 2 - Yupik bible

Ephesians 2

¹Elpeci-llu unguircetellruaci, tuqumallrulriani picurlallerpeciuggun assiilngillerpeciuggun-llu.

²Mat'um ciungani atullerpeciuggun nunam mat'um piciryaraitun, ellam pinian atanran pisquciatun, anernerrluum watua calilriim inerciigalngurni.

³Wangkuta-llu imumi tuaten yuullruukut kemgem aglumataikun, kemgem umyuam-llu piyullri aturluki, ilamcetun-llu nutem Agayutem eq'uqertiinek ciunerkarluta.

⁴Tau͡gaam Agayutem, takumcutalriim, wangkutnek kenkillni pitekluku assiilngurmi-llu tuqumallemten̄i,

⁵unguircetellruakut Christ-aq pillgutekluku, (naklekutekun anirtuumauci).

⁶Ilakluku-llu makcetaakut, ilakluku-llu aqumevkarluta pakmani Christ-ami Jesus-aami.

⁷Ukani ciunerkamten̄i nasvagnaluku naklekutni angqapigtellria, naklekngamikut Jesus Christ-akun.

⁸Tua-i naklekutekun anirtuumauci ukverpeciuggun; elpecen̄ek pinrituci, Agayutem cikiutekaa.

⁹Caliarpeciuggun-llu pivkenaci, yuk ellminek pivaknayukluku.

¹⁰Wani-wa elliin piliaqngamikut Christ Jesus-aakun piurrluta, calianun assilrianun picirkillruciatun ciunguluku wangkutnun atuusqelluki.

¹¹Taumek neq'akiciu, mat'um ciungani Jews-aarunrilngurni, nuugiumanrilngurnek aprumallerci nuugiumalrianek kemegkun unatetgun taqumaluteng.

¹²Tamatum nalliini Christ-amek piitellrucirci, Israel-aat-llu ilakevkenaki, akqutai-llu Agayutem pikellruvkenaki, neryuniurutaunaci, Agayutaunaci-llu ellam iluani.

¹³Tau͡gaam watua elpeci yaaqsillrulriani mallgucimauci Christ-am augakun.

¹⁴Tua-i ellii uitanqegcitkarput, elliin atauciurcamikut elpeci-llu, akunlemta capkutaa piunrillruluku.

¹⁵Kemgurtellermikun inglukutekelput au͡gaamiki inerquutet Alerquutet-llu picirkiutiit, yuucik malruk elliin atauciurrnalukek, nutarrluku yuuciq uitanqegcivkarluta.

¹⁶Tamarkenka kenegyagucetnalukek Agayutmun temkun ataucikun kelistami, tuaggun inglukun piunrirluku.

¹⁷Tekilluni-llu uitanqegcitmek qalarutaaci yaaqsillerni, canimetellriit-llu.

¹⁸Taumek elliikun tamalkumta Anernerkun ataucikun mallgutlerkangqertukut Aatamun.

¹⁹Taumek watua elpeci allanrunrirtuci allatauvkenaci-llu, tau͡gaam ukvelriit ilaksagulluki, Agayutem-llu yui.

²⁰Naparcimaluci-llu apostle-aat prophet-aat-llu tusngaviatnun; Jesus Christ-aq ellii kangiritnguluni.

²¹Elliikun tamarmi eneliaq taqenqegcaumaluni, tanqilriaruluni agayuviurtarkauluni Atanermi.

²²Elliikun elpeci-llu atauciurrluci agayuviurtuci Anernerkun.