Read Yupik Colossae-t 4 Bible Online

Colossae-t 4 - Yupik bible

Colossae-t 4

¹Atanrulriani, pisteci engelqerritnek cikilarciki naklekluki, nallunrilavciu Atanengqerrucirci qilagmi.

²Piicagglainarluci, tarikluci-llu piicagkun quyarrlainarluci.

³Wangkuta-llu piicauskicikut Agayutmun ikirutesqelluta qallatellerkamten̄ek qalarutkevkarluku Christ-am taringumanritellra, tamana itengqatma iqua,

⁴pisqumatacimtun nallunairesqelluku.

⁵Ilakumanrilnguut takuatni umyugaitevkenaci yuuci, caurailngarpek'naci.

⁶Qallatellerci taryiumarrlainartelluku naklekutmek, nallunritnaurarci qaillun kiullerkarci yugnun tamalkuitnun.

⁷Tychicus-aam ayuqucimnek tamalkuan nalqiguciiqaaci, ilamta kenkek'ngamta, piciuluni kevgaulriim, calisten͞gullgutemta-llu Atanermi.

⁸Man'a pitekluku ayagcetellruaqa elpecen̄un, ayuqucirput elpecen̄un niitesqelluku qarutesqelluci-llu.

⁹Malingqercetaqa-llu Onesimus-aamek, ilamten̄ek piciulriamek kenkumalriamek, nunalgutevcen̄ek. Elkenka nalqiguciiqaiceci tamalkuitnek maani atullemten̄ek.

¹⁰Aristarchus-aam, iterngallgutma aryuqutmek tuyuraaci, Mark-am-llu Barnabas-aam usruan; ellii pitekluku igallrukemci. Taumek tekiskan ciuniuqiciu.

¹¹Jesus-aam-llu Justus-aamek aprumalriim. Ukut kiingita nuugiumalriit calillgutkanka Agayutem Angayuqauvianun uitayugcalitekellrenka.

¹²Epaphras-aam ilavci, Christ-am kevgaan aryuqutmek tuyuraaci, piicagkun cakviurutkerrlainarluci asvaunaci nangerngasqelluci taqmigingaluci-llu tamalkuitni Agayutem pisqumallrini.

¹³Tua-i nallunrilamku ilungucianek elpeci pitekluci Laodicea-melnguut-llu Hierapolis-aamelnguut-llu.

¹⁴Luke-am, yungcaristem kenkumalriim, aryuqutmek tuyuraaci Demas-aam-llu.

¹⁵Laodicea-melnguut aryuqutmek piciki, Nymphas-aaq-llu, agayumalriit-llu eniinelnguut.

¹⁶Man'a kalikaq elpecen̄i naaqumarikan, naaqevkaqiciu cali Laodicea-rmiut agayuviatni; tuaten-llu naaqekiciu Laodicea-rmiunun igauteka.

¹⁷Qanruciu Archippus, caliarkiutii Atanermek cumigucesqelluku, pisqutii aturluku.

¹⁸Wii, Paul-aami, unatemkun umyuaqutmek igaramci; itengqallemni umyuaqelaqicia. Naklekutem nayurlici. Amen.