Read Yupik Joshua 19 Bible Online

Joshua 19 - Yupik bible

Joshua 19

¹Tungliq cikiutekumalria allakaumauq ilakuralrianun yuullgutkellriartainun Simeon-aam. Tamana nuna ayagtuq iterluku nuna pikiutekumalria Judah-m yuullgutkellriartainun.

²Tamatum ilakluku Beersheba, Sheba, Moladah,

³Hazar Shual, Balah, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar Susah,

⁶Beth Lebaoth, Sharuhen-aq-llu: qula pingayunek cipluku (13) nunarpiit nunat-llu avataitni ilakluki.

⁷Cali pitarluni ukunek Ain, Rimmon, Ether, Ashan-aaq-wa: cetaman nunarpiit nunat-llu ilakluki avataitni.

⁸Mat'um ilakai nunat avatiitnelnguut makut nunarpiit, tekilluku Baalath Beer-aq (wall'u Ramah), ungalalirnermi. Man'a nuna akurtulqaat ilakellriit yuullgutkellriartain Simeon-aam, ellaita pikarkauluku.

⁹Judah-mun allakaumalria angenruan aturyukiitni ilii tunumauq Simeon-aam yuullgutkellriartainun.

¹⁰Pingayuat cikiutekumalria allakaumauq ilakuralrianun yuullgutkellriartainun Zebulun-aam. Nuna akurtullrat tekisngauq Sarid-aamun.

¹¹Tuaken engela ayagtuq kanavatmum Mareal-aamun agturluku Dabbesheth-aaq kuiggaar-llu calaralirnerani Jokneam-aam.

¹²Sarid-aam akilirnerani ayagtuq calaratmun engeliinun Chisloth Tabor-am, tuaken-llu Daberath-aamun, mayurluni-llu Japhia-mun.

¹³Tua-i-llu ayagtu'rluni calaratmun tuaken Gath Hepher-aamun Ethkazin-aamun-llu, caqirrluni-llu tungiinun Neah-m ciuneqluku Rimmon-aaq.

¹⁴Neglirnermi engela caqirtuq tungiinun Hannathon-am, iquklilluni-llu kuignayugmun Iphtahel Valley-mun.

¹⁵Tamatum ukut ilakluki Kattath-aq, Nahalal-aaq, Shimron-aaq, Idalah-q, Bethlehem-aaq-llu: qula malrugnek cipluku (12) nunarpiit, ilakluki nunat avataitni.

¹⁶Makut nunarpiit nunat-llu tamaantut nunami ilakuralriarita yuullgutkellriartain Zebulun-aam akurtullratni ellaita pikarkauluku.

¹⁷Cetamiit allakaumalriit cikiutnguarkat tut'uq ilakuralriartainun yuullgutkellriartain Issachar-am.

¹⁸Angtacian iluantut Jezreel-aq, Chesulloth-aaq, Shunem-aq,

¹⁹Hapharaim-aaq, Sihon-aaq, Anaharath-aaq,

²⁰Rabbith-aaq, Kishion-aaq, Abez-aaq,

²¹Remeth-aaq, Engannim-aaq, Enhaddah-q, Bethpazzez-aaq-llu.

²²Ngelem-llu agtuumaa Tabor-aq, Shahazumah-q, Beth Shemesh-aaq-llu, iquklilluni Jordan-aamun. Ilakai akimiaq ataucimek cipluku (16) nunarpiit ilakluki nunat avataitni.

²³Makut nunarpiit nunat-llu avataitnelnguut iluantut nunam akurtullrata pikarkauluku ilakuralriarin yuullgutkellriartain Issachar-am.

²⁴Tallimiit allakaumalriit cikiutnguarkat tut'uq Asher-aam yuullgutkellriartain ilakuralriarinun.

²⁵Angtacian ilakaa Helkath-aq, Hali-q, Beten-aaq, Achshaph-aaq,

²⁶Allam Melech-aaq, Amad-aq, Mishal-aq-llu. Calaralirnerani engeliin agtuumaluku Carmel-aaq Shihor Libnath-aaq-llu.

²⁷Calaratmurcami-llu engelii ayagtuq Bethdagon-aamun, agturlukek Zebulun-aaq kuignayuk-llu Iphtahel Valley negetmurcami Bethemek-aamun Neiel-aamun-llu. Ayagtu'rluni-llu negetmun Cabul-amun,

²⁸Ebron-aamun, Rehob-amun, Hammon-aamun, Kanah-mun-llu, tekilluku Sidon-aaq.

²⁹Tuamtellu engela qipluni tungiinun Ramah-m, tekilluku qacarnerluni asvairqumalria nunarpak Tyre-aq; tuaken-llu caqirrluni Hosah-m tungiinun iquklilluni-llu imarpigmun Mediterranean Sea-mun. Mat'um iluani ilakluki Mahalab-aq, Achzib-aq,

³⁰Ummah-q, Aphek-aq, Rehob-aq-llu: yuinaq malrugnek cipluku (22) nunarpiit ilakluki nunat avataitni.

³¹Ukut nunarpiit nunat-llu avataitni nunam iluantut allakaumalriami, Asher-aam yuullgutkellriartain ilakuralriarinun pikesqelluku.

³²Arvinelgat allakaumalriit tut'uq yuullgutkellriarin ilakuralriartainun Naphtali-m.

³³Engelii ayagtuq Heleph-aamek napamun oak-amun Zaanannim-amun, tuaken-llu Adaminekeb-amun Jamnia-mun-llu, tekilluku Lakkum-aq, iquklilluni-llu Jordan-aamun.

³⁴Tuani engela caqirtuq kanavatmun Aznoth Tabor-amun, tuaken-llu Hukkok-amun, agturluku Zebulun-aaq ungalalirnermi, Asher-aaq-llu kanavalirnermi, Jordan-aaq-llu calaralirnermi.

³⁵Qacarnelget asvairqumalrianek nunarpiit ukuugut: Ziddim-aq, Zer-aq, Hammath-aaq, Rakkath-aaq, Chinnereth-aaq,

³⁶Adamah, Ramah, Hazor-aq,

³⁷Kedesh-aaq, Edrei-aq, Enhazor-aaq,

³⁸Yiron-aaq, Migdalel-aaq, Horem-aaq, Bethanath-aaq, Beth Shemesh-aaq-llu. Yuinaunritarauluteng (19) nunarpiit ilakluki nunat avataitni.

³⁹Makut nunarpiit iluantut nunami allakaumalriami akurtullratni Naphtali-m yuullgutkellriartain ilakuralriarin.

⁴⁰Malrunelgat allakaumalriit tut'uq ilakuralrianun yuullgutkellriarini Dan-am.

⁴¹Nuniin ilakai Zorah-q, Eshtaol-aq, Irshemesh-aaq,

⁴²Shaalbim-aaq, Aijalon-aaq, Ithlah-q,

⁴³Elon-aaq, Timnah, Ekron-aaq,

⁴⁴Eltekeh-aq, Gibbethon-aaq, Baalah,

⁴⁵Jehud-aq, Beneberak-aq, Gathrimmon-aaq,

⁴⁶Mejarkon-aaq, Rakkon-aaq-llu, ilakluku-llu nuna avatiini Joppa-m.

⁴⁷Dan-am yuin nunaseng tegumallrani ayallruut curukarluku-llu Laish-aaq. Tegullruat tuqulluki-llu yui, ellaita-llu pikliulluku nuniit. Tuavet elkartellruut cimirluku-llu atra Laish-aamek Dan-aurrluku, acirluku atranek ciuliameng.

⁴⁸Ukut nunarpiit avataitni-llu nunat iluantellruut allakaumalriami, pikarkauluku Dan-am yuullgutkellriartain ilakuralriartain.

⁴⁹Israel-aam yui qaqiciameng avgillermeggnek nunamek cikiraat Joshua, qetunraa Nun-am, nunamek pikaanek.

⁵⁰ATANREM alerqullratun cikiraat nunarpagmek cucukellranek: Timnah Serah-mek cikiraat qemililriamelngurmek Ephraim-aam nuniini. Elliin ataam nunarpaurtellrua tauna tuavet-llu elkarrluni.

⁵¹Agayulirtem Eleazar-aam, Joshua-m Nun-am qetunraan, ciulirnerita-llu ilakuralriartain Israel-aam yuullgutkellriartain, makut paitarkiutet elkartellruit yugkaitnun nall'arcetaarutetgun ATANEQ apelcirnaluku Shiloh-mi, iteryaraani Pelatekam ATANREM alailarvian. Waten piluteng taqellruat avcillerteng nunamek.