Read Yupik Joshua 21 Bible Online

Joshua 21 - Yupik bible

Joshua 21

¹Levite-at ilakuralriartaitni ciuliqagtet ullagaat agayulirta Eleazar-aaq Joshua-llu Nun-am qetunraa, ciulirnerit-llu ilakuralriit yuullgutkellriartaini Israel-aam.

²Tuani Shiloh-mi nuniini Canaan-aam qanertut taukunun, “ATANEQ alerqurillruuq Moses-aakun wangkuta cikiumaciqniluta nunarpagnek uitavigkamten̄ek, maramek-llu avataitni ungungssimta uitavigkaitnek.”

³Tua-i ATANREM alerquutii aturluku Israel-aam yuin Levite-at cikirait nunarpagnek maranek-llu nunautmeng nakmiin ilaitnek.

⁴Tungayakellgutkellriarini ilakuralriartai Levite-am Kohath-am ciumek akurtullruut nunarpagnek. Ilakuralriit Aaron-aam agayulirtem kinguvri allakaricimaut qula pingayunek cipluku (13) nunarpagnek uitalrianek nuniini Judah-m, Simeon-aam, Benjamin-aam-llu.

⁵Allat-llu tungayakellgutkellriari Kohath-am cikiumaluteng qulnek nunarpagnek. Kingunengqerrluteng nunaitnek Ephraim-aam, Dan-am, West Manasseh-m-llu.

⁶Tungayakellgutkellriari-llu Gershon-aam cikiumaluteng qula pingayunek cipluku (13) nunarpagnek nunautaitnek Issachar-am, Asher-aam, Naphtali-m, East Manasseh-m-llu.

⁷Ilakuralriartai-llu yuullgutkellriartainek Merari-m cikiumaluteng qula malrugnek cipluku (12) nunarpagnek nunautaitnelngurnek Reuben-aam, Gad-am, Zebulun-aam-llu.

⁸Nall'arcetaariyarakun Israel-aam yuin allakaritellruit Levite-at makunek nunarpagnek marartuumaita ATANREM alerqullruciatun Moses-aaq.

⁹Makunek aprumaut nunarpiit kingunelget nunautekegnek Judah-m, Simeon-aam-llu, cikiutekumallret

¹⁰kinguvrinun Aaron-aam, tungayallgutkellriarinun Kohath-am. Una kinguveqluku Levi-am. Ciumek ukut allakaricimallruut.

¹¹Cikiumallruut nunarpiinek Arba-m (Arba atakaa Anak-aam), watua aprumaluni Hebron-aamek, qemilegtaani Judah-m ilakluku maraq avatiini.

¹²Tau͡gaam marai nunarpiim nunat-llu avatiini ak'a cikiutekumallruluteng Caleb-aamun Jephunneh-m qetunraanun, elliinun pikesqelluki.

¹³Ilaluku Hebron-aaq (nunarpiit qimagviit iliit), makut nunarpiit cikiutekumallruut kinguvrinun Aaron-aam agayulirtem: Libnah,

¹⁴Jattir-aaq, Eshtemoa,

¹⁵Holon-aaq, Debir-aaq,

¹⁶Ain-aq, Juttah, Beth Shemesh-aaq-llu, marautait ilakluki. Qulngunritarauluteng nunarpiit yuullgutkellriartakegnek Judah-m Simeon-aam-llu.

¹⁷Nuniinek Benjamin-aam cikiumaut ukunek cetamanek nunarpagnek: Gibeon-aamek, Geba-mek,

¹⁸Anathoth-aamek, Almon-aaq-llu, marait ilakluki.

¹⁹Qula pingayunek cipluku (13) tapeqluteng nunarpiit marartuumarmeng cikiutekumallruut agayulirten̄un, kinguvrinun Aaron-aam.

²⁰Allat ilakuralriit Levite-at yuullgutkellriartaini Kohath-am cikiumallruut ilaitnek nunarpiit nuniinek Ephraim-aam.

²¹Cikiumallruluteng cetamanek nunarpagnek: Shechem-aamek (qimagviit nunarpiit iliit) marautai-llu qemililriarani Ephraim-aam nuniin, Gezer-aamek.

²²Kibzaim-amek, Beth Horon-aamek-llu, marautait ilakluki.

²³Nuniinek Dan-am cikiumaut cetamanek nunarpagnek: Eltekeh-amek, Gibbethon-amek,

²⁴Aijalon-aamek, Gathrimmon-aaq-wa, marautait ilakluki.

²⁵Nuniinek West Manasseh-m cikiumallruut malrugnek nunarpiignek, Taanach-aamek Gathrimmon-aamek-llu marartuumakenka.

²⁶Makut ilakuralriit yuullgutkellriartainek Kohath-am akurtullruut qulnek nunarpagnek tapeqluki marait.

²⁷Allat quyungqalriit Levite-at, tungayakellriari Gershon-aam, akurtullruut nuniinek East Manasseh-m malrugnek nunarpiignek: Golan-aamek (nunarpiit qimagviit iliit) Bashan-aami Beeshterah-mek-llu marartuumakenka.

²⁸Nuniinek-llu Issachar-am akurtullruut cetamanek nunarpagnek: Kishion-aamek, Daberath-aamek,

²⁹Jarmuth-aamek, Engannim-aamek-llu, marait tapeqluki.

³⁰Nuniinek-llu Asher-aam akurtullruut cetamanek nunarpagnek: Mishal-amek, Abdon-aamek,

³¹Helkath-amek, Rehob-aq-wa, marartuumaita.

³²Nuniinek-llu Naphtali-m akurtullruut pingayunek nunarpagnek: Kedesh-amek, Galilee-melngurmek, marartuumaan (nunarpiit qimagviit iliit), Hammoth Dor-amek, Kartan-aaq-wa, marartuumakenka.

³³Ayuqenrilnguut ilakuralriit yuullgutkellriartainek Gershon-aam akurtullruut qula pingayunek cipluku (13) nunarpagnek marartuumaita.

³⁴Allat Levite-at, tungayakellriartai Merari-m akurtullruut cetamanek nunarpagnek marartuumaita nuniini Zebulun-aam: ukuuluteng Jokneam-aaq, Kartah-q,

³⁵Dimnah-q, Nahalal-aaq-wa.

³⁶Nuniinek Reuben-aam akurtullruut cetamanek nunarpagnek marartuumaita: Bezer-aaq, Joahaz-aaq,

³⁷Kedemoth-aaq, Mephaath-aaq-wa.

³⁸Yuullgutkellriartainek Gad-am akurtullruut cetamanek nunarpagnek: Ramoth-aamek Gilead-aamelngurmek, marartuumaan (iliit nunarpiit qimagviit), Mahanaim-amek,

³⁹Heshbon-aamek, Jazer-aaq-wa, marartuumaita.

⁴⁰Tua-i tungayakellriartai Merari-m cikiumallruluteng qula malrugnek cipluku (12) nunarpagnek.

⁴¹Yuinaak malruk pingayunlegnek cipluku (48) amllertalriit nunarpiit avatmegteggun marartuumarmeng, cikiutekumallruut Israel-aat nunautaitnek Levite-anun.

⁴³Tua-i ATANREM cikiutekaa nuna tamalkuan piciuluni akqutkellni ciuliaritnun cikiutekciqniluku ellaitnun. Tegumariamegteggu-llu piksagulluku tamaani nunalillruut.

⁴⁴ATANREM akqutkellni aturluku uitanqegcivkallrui yun'i, akqellrucirmitun ciuliarit. Atauciunger'mi inglukestaita cirlakesciiganaki, ATANREM cikillruamiki Israelite-at cirlakitmek tamalkuitnun inglukestaitnun.

⁴⁵ATANREM atullrui tamalkuita akqutkellni Israel-aam yuinun.