Read Yupik Hebrews 13 Bible Online

Hebrews 13 - Yupik bible

Hebrews 13

¹Kenka ilakuyun piuli.

²Allanernek-llu ilaliuqengllerkaq cakaarpek'naku, tuaten piluteng ilait an'gilanek ilaliuqengellruut nallutmun.

³Umyuaqiciki itengqalriit itengqallgutkelriatun; nangcimalriit-llu, ellaicetun temengqerravci.

⁴Kassuusngayaraq tamaitni kencignaqli. Aipaqucaram inarrvia menuilli; Agayutem qanercetaarciqngaki acuniatulit akusrarutekilriit-llu.

⁵Arcaqakinrici akinek, elaraksaunaci-llu pivcen̄ek; qanellruan, “Qacungayagutessngaitamci cakaarpek'naci-llu.”

⁶Taumek nalirrugtevkenata qanyunarqaakut, “Ataneq ikayurtekaqa, alingengaitua; yuum qaillun pingraanga.”

⁷Neq'akiciki maryartesceci Agayutem qaneryaraanek qalarutesceci; umyuaqiciu qaillun yuunriuciat, ukveruciat-llu ayuqeliluku.

⁸Jesus Christ-am ayuqucini ayuquciqaa unuamek, akwauvaq, akwanun-llu.

⁹Iqlutmurucetevkenaci ayuqenrilngurnek tangnerranarqelrianek-llu elitnaurutnek; atawauciquq ircaquq pinirimakuni naklekutekun, neqkatgun pivkenani, tamakut ciumurutestaita cakaniutekenrilatki.

¹⁰Elliivingqertukut Pelatekam Atanrem Uitaviani kevgiulriit nerviksunailkiitnek.

¹¹Aunrarcecimalriit ungungssit temait nunat elatiitni ekuamalartut augat agayulirten͞gunrem itrutarkaungraaku Agayuvigmun cikiutekluku assiilnguut pitekluki.

¹²Tuaten-llu Jesus-aaq nunat elatiitni nangteqellruuq kenciknarivkarnaluki yuut nakmiin aumikun.

¹³Taumek anviknaurput nunat elatiitni, ellii pitekluku caunrilkumacirput aturluku.

¹⁴Wani-wa maani nangyuilngurmek nunaitukut, tau͡gaam nunakaq pingnaqerput tekitarkaq.

¹⁵Taumek elliikun cikiutmek tun'illerkarput egmian ciumurutnaurput, nanramek Agayutmun, wani-wa atran apervikuatekestain qerrluita naugillratnek.

¹⁶Kusguagillerkarci qaategutenriciu pivcen̄ek-llu avguciaqluci, tuaten ayuqelriit cikiutet Agayutmun ilukegcinarqut.

¹⁷Niisngaciki ciuliqagceci ataneqluki-llu; wani-wa tarneci qaunqen͞gatki ellmeggnun tusngalriatun. Mat'ukun tengruvkarciki umyugaat uqamaicetevkenaku, tua-i tamana elpecen̄un ikayuutngungailan.

¹⁸Kaigat'laqicikut, waniwa umyuarniurutailama, cat tamaitni elluarrlua piyuumiama.

¹⁹Arcaqerluci mat'umek eguaquramci ak'aniuvkenii ullaucuumiryaaqngama elpecen̄un.

²⁰Nutaan Agayutem, imum uitanqegcivkarilriim, Atanemta, Jesus Christ-am tuqumalrianek maktestiin, qusngit-llu tarikestepiarata caliyunarivkarnauraaci elluarrlainalrianek akquyutem cimirarkaunrilnguum augakun.

²¹Ellii elpecen̄i caliluni elluakekminek, Jesus Christ-akun, ucurnarivkaumali ellii akwarpak tayima! Amen.

²²Qarutaaramci, ilamaa, ciuniurciu ayuqucirtuuteka, amllenrilngurnek igarvikellruamci.

²³Nallunrilkiciu anelgutmaa Timothy-m angicimacia, ukaqvaggun tekiskan aipaqluku tangerciqamci.

²⁴Ciuliqagteci agayumalriit-llu tamalkuita aryuqutemnek pikiciki. Italy-mek tekitellriit aryuqutmek tuyuraiceci.

²⁵Naklekutem nayurlici tamarpeci. Amen.