Read Yupik 1 Samuel 12 Bible Online

1 Samuel 12 - Yupik bible

1 Samuel 12

¹Tua-llu Samuel-aaq qanertuq yuinun Israel-aam, “Caliaqellruaqa ellimertuutelci. Cikillruamci angayuqamek atanirturtekarpecen̄ek,

²tua-i elliin ciuliqagtarkaurrluci. Tau͡gaam wiinga ak'allaurtua qiilinglua-llu, qetunraanka-llu elpecen̄i uitaluteng. Ciuliqagqurallruamci ayagyuarraanemnek man'a engelkarrluku.

³Wani-wa wantua. Picurlallrukuma, picilircia ciuqerrani ATANREM cucukellran-llu angayuqausqelluku. Tegutellruunga-qaa kia kuluviinek wall'u ciulviinek? Piciuvkenii-qaa pillruunga wall'u kina uitacurlagtelluku? Ciuniurillruunga-qaa akiliutmek picirkartuyarcesqellua? Makut iliitnek pillrukuma, tegulqa ca uterceciiqaqa.”

⁴Yuut kiugut, “Qang'a, piciuvkenak piksaitavkut wall'u uitacurlagceteksaunata; teguteksaunak-llu camek kitumek.”

⁵Samuel-aaq kiuguq, “ATANEQ angayuqausqelluku-llu cucukellra nallunairisten͞guuk ernerpak elpecen̄un nallunrirtelluku pinarqutailuciqa.” “Aa-ang, ATANEQ nallunairistekarput,” ellait kiugut.

⁶Samuel-aaq qanenqigtuq, “ATANREM cucukellruak Moses-aankuk Aaron-aaq-llu ciuliaci-llu anulluki Egypt-aamek.

⁷Kitaki uitaqerci nangengqavigpecen̄i, picilirniamci ATANREM ciuqerrani neqaarturilluci pinirpamikun ATANREM angtuanek caliallrinek anirtuayagnaluci ciuliaci-llu.

⁸Jacob-aaq nakmiin-llu ilani itellratni Egypt-aamun uitacurlagceciimaluteng-llu Egypt-aarmiunek, ciuliaci qayagallruut ATANERMUN ikayungcarluteng, elliin-llu Moses-aankuk Aaron-aaq-llu ayagtellukek, anutelluki Egypt-aamek elkarrluki-llu maavet nunamun.

⁹Tau͡gaam yuut nalluyagutellruat ATANEQ Agayutseng, taumek Philistine-anun angayuqagketnun-llu Moab-ankuk Sisera-llu, angayuqratnun-llu anguyagtet nunarpainek Hazor-am, anguyagcetellrukai ciuliaci cirlakluki.

¹⁰Tua-i-llu qayagaluteng ATANERMUN ikayungcarvikluku qanerluteng-llu, ‘Assiilngillruukut, tuigcamta elpenek, ATANEQ, ciktaarluta-llu agayutnguarinun Baal-am Astarte-am-llu. Anirturkut inglumten̄ek, elpet agayuvikniamteggen!’

¹¹ATANREM taivkallrui Gideon-aaq, Barak-aq, Jephthah, kingumek-llu wiinga. Ataucitaarluta anirtullruamceci ingluvcen̄ek, tua-i-llu unguvaluci pengegnailngurmi.

¹²Tau͡gaam taringellerpecen̄i Angayuqamun Nahash-amun Ammon-aarmiumun curukataucirci, qessakellrauci ATANEQ angayuqaqsuumiinaku qanrullua-llu, ‘Angayuqamek piyugtukut atanirturtekamten̄ek.’

¹³“Kitak wani-wa angayuqaq cucukellerci; piyuutekellruarci, wani-wa-llu ATANREM cikiutekaa elpecen̄un.

¹⁴Ca tamarmi elluarrluni ayagciquq qigcikekuvciu ATANEQ Agayutsi, kevgiurluku, niisngaluku, alerquutai-llu maliggluki, angayuqertuumarpeci-llu kingunrirtuquvciu.

¹⁵Tau͡gaam niisnganrilkuvciu ATANEQ narurrluki-llu alerquutai, inglukciqaaci angayuqertuumarpeci.

¹⁶Taumek, uitaurci nangengqavigpecen̄i, tangerrniararci ucurnarqellria ATANREM caliarkaa.

¹⁷Kinernarqellriim-qaa nalliintenritukut? Tau͡gaam piicagciqua, ATANEQ-llu taivkariciquq kallugmek ellallugmek-llu. Watnakan man'a, taringeciqaci angtuamek assiilngiucirci ATANERMUN aptellerpecen̄i angayuqerkamek.”

¹⁸Tua-i Samuel-aaq piicagtuq, tuani-llu ernermi ATANEQ taivkariuq kallugmek ellallugmek-llu. Yuut-llu tamarmeng alingenga'artut ATANERMEK Samuel-aamek-llu,

¹⁹qanertut-llu Samuel-aamun, “Kitaki, piicakaa ATANERMUN Agayutevnun, tuqunritniartukut. Wani-wa taringarput, assiilngumta allat avatiitgun, assiilngillrucirput angayuqerkamten̄ek pisqellemteggun.”

²⁰“Alingevkenaci,” Samuel-aaq kiuguq. “Mat'umek assiitqapiarmek taqutellrung'e'rpeci, tuigcaqunaci ATANERMEK, tau͡gaam kevgiurciu ircaqurpeciuggun tamalkirrluci.

²¹Maligcaqunaciki piciunrilnguut agayutet; ikayurciigataaci anirturciiganaci-llu, piciunrilameng.

²²ATANEQ piciulriamek akqillruuq, elliin-llu taq'lerturluni unisngaitaaci, pillerkiullruami elliin nakmiin yuksagutnaluci.

²³Wiinga-llu wani-wa, ATANREM aarcirturaanga assiilngiisqevkenii ellminun piicautnermek elpeci taqlemkun. Tau͡gaam waten, nallunrirceciiqamci assilriamek ellualriamek-llu caarkavcen̄ek.

²⁴Niisngaciu ATANEQ kevgiurluku-llu ellii piciuluci ircaqurpeciuggun tamalkirrluci. Neq'akluki angtuat caliallri elpecen̄un.

²⁵Tau͡gaam taqeksaunaci assiilngirturquvci, elpeci angayuqerci-llu piunriumaciquci.”