Read Yupik 1 Samuel 26 Bible Online

1 Samuel 26 - Yupik bible

1 Samuel 26

¹Angutet qavcin taigut Ziph-amek Saul-aamun Gibeah-mi qanrulluku-llu David-aaq iirumaniluku Ingrimi Hachilah-mi iquani Judea-m yuilqurtaan.

²Egmian Saul-aaq ayagtuq maligluni pingayunek tiissitsaanek (3,000) assinqurraitnek anguyagtet Israel-aami yuilqurtaanun Ziph-am David-aaq yuaryarturluku,

³qavartartut-llu tumyaram mengliini Ingrim Hachilah-m. David-aaq cali yuilqumlluni, nallunriami-llu Saul-aamun tailuku yuaryarturniluni,

⁴ayagceciuq aassaqu'urluteng nallunringnaqerkanek, nallunrirtuq-llu ilumun Saul-aam tuantellinicianek.

⁵Egmian ayagtuq nallunairluku-llu naniqapiar uitacia Saul-aankuq Abner-aaq-llu qetunraan Ner-am, atanerruarata Saul-aam anguyagtain, qavartarviak. Saul-aaq qavartuq qavartarvimeggni, anguyagtai-wa avatiini.

⁶Tua-llu David-aam aptak Abimelech-aaq Hittite-aq, Abishai-aq-llu anelgutii Joab-am (aanalutek Zeruiah-mek), “Nalirpetek maligciiqanga Saul-aam qavartarvianun?” “Wii piciqua,” Abishai-aq kiuguq.

⁷Tua-i tuani unugmi David-aankuk Abishai-aq-llu itertuk Saul-aam qavartarvianun tangrraak-llu Saul-aaq qavarluni qavartarvimeng qukaani panani kapusngaluku nunamun qamiqumi canianun. Abner-aaq anguyagtet-llu qavarluteng avatiini.

⁸Abishai-aq qanertuq David-aamun, “Agayutem inglun pinirpenun ellia atakurpak. Kitaki narulkautnauqa elliin nakmiin panaa anpaciluku pekviirluku nunamun ataucirqumek narulkarluku—Aipirinqiggviirluku!”

⁹Tau͡gaam David-aaq qanertuq, “Akngirtarkaunritan! ATANREM pinritevkenani anucimirqecetaarciqaa kina imna akngircestii elliin nakmikellmi angayuqam.

¹⁰Unguvalriakun ATANERKUN,” David-aaq cali piuq, “Nallunritua ATANREM ellminek tuquciiqaa Saul-aaq, aipaagnegun elliin tuqullerkaa tekiskan unguvii iquklilluni wall'u tuquluni anguyagmi.

¹¹ATANREM inerqurlia akngirtengnaqlerkaanek tauna elliin ATANREM angayuqaurtellra! Teguluku panaa mervia-llu ayagnaurtukuk.”

¹²Tua-i David-aam tegua panaq mervik-llu canik'acagaanek Saul-aam qamiquan, tua-i-llu elkek Abishai-aq-llu ayaglutek. Kia tangenrritaa wall'u nallunrinritaa watnallrak wall'u kina tupagpek'nani—tamarmeng qavaryugluteng, tua-i-wa ATANREM tusvikellrulliniaki mamtulriamek qavamek.

¹³Tua-i-llu David-aaq qerarluni akilirneranun kuignayuum pengum kangranun, yaaqsiggarluni pingailkiitnun,

¹⁴qayagpagluni-llu Saul-aam anguyagtainun Abner-aamun-llu, “Abner-aaq! Niicugngaavnga-qaa!” “Kina imna qayagpagalria tuparqelluku angayuqaq?” Abner-aaq kangingnaurtuq.

¹⁵David-aaq kiuguq, “Abner-aaq, angenqurraunrituten-qaa yugni Israel-aami? Ciin-mi tua-i murilkenriciu camun pillerkaa angayuqerpet? Ava-i kina itellruuq qavartarvigpecen̄un tuqucarturluku angayuqan.

¹⁶Elluarrluku caliaqenritan caliarkan, Abner! Piciulua qanertua unguvalriakun ATANERKUN tamarpeci tuqucimanaqsaaquci, tua-i-wa elluarrluku aulukenrilavciu angayuqerci, ATANREM angayuqaurcetellra. Tangrru! Nauwa angayuqam panaa? Nauwa mervik qamiquan caniantelleq?”

¹⁷Saul-aam elitaqaa David-aam erinii aptuq-llu, “David-aaq, elpenguuten-qaa, qetunramaa?” “Aa-ang, Angayuqaaq,” David-aaq kiuguq.

¹⁸Cali-llu ilaluku, “Ciin, tua-i cali malirqeraurcia, wiinga kevgavni? Camek pillrusia? Camek picurlagmek taqutellrusia?

¹⁹Angayuqaaq, niicugniu qanerkaqa. ATANREM ingluksagucetellrukanga elpenun, elliitem elliinun umyugaa cimirceciiqaa; tau͡gaam yuut ilaita man'a taqelqekatgu, ATANREM aniqlaatii ellaitnun tuskili. Taukut kasmellruatnga ATANREM nuniinek nunamun agayutkumanrilngurnun agayulallerkamnun.

²⁰Tuqutauvkaryaqunii nunakumanrilngurmi, uitavikenrilkiini ATANREM. Ciin-kiq angayuqran Israel-aam tailuni tuqucarturniartau egtuuk wangtun? Ciin-kiq pissurtanga yuilqurmiutartun yaqulegtun?”

²¹Saul-aaq kiuguq, “Wiinga alarrlua piunga. Uterten, David-aaq, qetunramaa! Wiinga akngirtenqiggngaitamken, tua-i-wa unguvaka piunrinrilavgu mat'umi unugmi. Usviinii pillruunga. Angelriamek alartellruunga!”

²²David-aaq kiuguq, “Wani-wa panan, Angayuqaaq. Anguyagtevvet iliit taivkarluku aqvavkarru.

²³ATANREM nunulilarai yuut ukvertulriit ellualriit-llu. Ernerpak paivcaaqaten wangnun, tau͡gaam wiinga akngirtenritamken, elpet ATANREM angayuqrurtellrani.

²⁴Ernerpak unguvan piunrillrunrilucimtun, tuaten-llu ATANREM wiinga pimikilia aviullua-llu tamalkuitnek arenqiallugutemnek!”

²⁵Saul-aaq qanertuq David-aamun, “Agayutem atawaqertelliten, qetunramaa! Piluaqerciquten callerpeni tamaitni!” Tua-i David-aaq ayagtuq, Saul-aaq-llu uterrluni kinguneminun.