Read Yupik 1 Samuel 9 Bible Online

1 Samuel 9 - Yupik bible

1 Samuel 9

¹Angucetangqellruuq tukuulriamek maligcestelirluni-llu Kish-amek aterluni, ilakellriarinek Benjamin-aam; qetunraqluku Abiel-am tutgaqluku-llu Zeror-aam, Becorath-am ilain ilakluku, ilakutaqluku ilain Aphiah-m.

²Qetunrarluni at'legmek Saul-aamek, tangkegcinaqluni natlugnericaram nalliinlluni. Saul-aaq ilamini tamalkuitni Israel-aami sugtunruluni it'ganermek ataucimek, tangkegcinarqenruluni-llu.

³Ciulvautain ilait Kish-am ayagalliniata, Saul-aaq pia, “Pistet iliit malikluku yuaryarturki ciulviit.”

⁴Ayagtuk qemililriarakun Ephraim-aam nuniikun-llu Shalishah-m, tau͡gaam nalaqevkenaki; cali ayagtuk nuniikun Shaalim-aam, tau͡gaam ciulviit tamaantenritut. Tua-i-llu cali ayagtuk nunautiikun Benjamin-aam, tau͡gaam cali nalaqevkenaki.

⁵Tekicamek Zuph-am nuniinun, Saul-aam pisten̄i pia, “Uterrnaurtukuk kingunemegnun, atama umyuaqenrirluki ciulviit, wangkuk peng'gangyuaraakuk.”

⁶Pista kiuguq, “Uitaqaa! Wani nunarrarmi agayumalriamek angucetangqertuq cakneq qigcikumaluni qanellri tamalkurmeng piciurtelaata. Ullagnaupuk, qanrucuaraakuk nani nataqellerkaatnek ciulviit.”

⁷“Ullakumegnegu, camek cikirciqsen̄uk?” Saul-aaq aptuq. “Issratpuk neqtairutuq, camek-llu cikiutekaunanuk, atam-qaa?”

⁸Pista kiuguq, “Akicuarmek qerrirlimek pingqertua. Taumek cikiryugngaaqa, elliin qanrutniaraakuk nani nalaqellerkamegnek.”

⁹Saul-aaq kiuguq, “Assirtuq tuaten! Kitak ayagluk.” Tua-i ayagtuk nunarrarmun agayumalriim angutem uitavianun. Mayuinanermegni pengukun nunarrarnun, pairkenguk ayagyuanek arnanek mertalrianek. Aptakek ukut arnat, “Ciunerkamek-qaa apertuagituli uitauq nunarrarni?” (Tamatum nalliini prophet-aaq pilallruat ciunerkamek ap'ritulimek, taumek kia imum camek apcukuniu Agayun qanlallrulriit, “Ullagnaupuk ciunerkamek ap'rituli.”)

¹²“Aa-ang,” ayagyuat arnat kiugut. “Tangrriu, ava-i ciungarpetegni. Cukangnaqkuvtek, anguciqertek. Nunarrarnun tekiteqerlutek, anguciqertek. Tekitellruuq ernerpak yuut ekuavkariqataata elliitnek ekuavigmi qemim qaingani. Yuut kelgumalriit nerngaitut tekiskan tau͡gaam, elliin atawaqercetarkaungaku ekuavkaritekaq ciumek. Waniwa ayakuvtek, anguciqertek neryarturluni mayurpailgan qemikun.”

¹⁴Tua-i Saul-aaq pisten̄i-llu nunarraat tungiitnun ayagtuk, itqanermegnegun-llu nunanun tangrraak Samuel-aaq agiirtelluku tungmegnun agayuvikelallratnun ayagluni.

¹⁵Wani-wa akwauvauluku ATANREM qanrutellruluku Samuel-aaq,

¹⁶“Unuaqu mat'um nalliini taivkariciqua angutmek ilakellriarinek Benjamin-aam; mingukiu atanirturten͞gurrluku yumnun Israel-aanun, elliin-llu anirturciqai Philistine-anek. Tangrramku nangteqellrat yum'a niilluki-llu qayagatait ikayuusqelluteng.”

¹⁷Samuel-aam iigkenun ekngan Saul-aaq, ATANREM qanrutaa, “Wani-wa una angun qanrutkelqa elpenun. Elliin atanirturciqai yuunka.”

¹⁸Tua-i-llu Saul-aam ullagaa Samuel-aaq, ikirtuqam caniantellrani, aptaa-llu, “Qanrusnga nani uitalarta ciunerkarcurta?”

¹⁹Samuel-aaq kiuguq, “Wiinga ciunerkarcurten͞guunga. Mayurtek ciumni agayuvikelallratnun. Wani-wa unuamek nerellgucirarkaungavtegnga. Unuaqu unuakumi kiuciqanka apyutetek tamalkuita tua-i-llu utertellutek.

²⁰Imkut-llu ciulviit tamallret amatiini, peng'garcaqunaki; ak'a nalaqumallruut. Tau͡gaam kituuga Israel-aam yuin piyugpakaqengaat? Elpenguuq, elpet atavet-llu nakmiin ilai.”

²¹Saul-aaq kiuguq, “Benjamin-aam ilakellriarin ilakaatnga, yuullgutkellriit mikelqurrak'acagiit Israel-aami, wiinga-llu nakmiin ilanka cakegtaunrilqurrauluteng ilakellriani. Ciin, taumek wangnun waten qalarcit?”

²²Tua-i Samuel-aam agutak Saul-aankuk pistii-llu angtuamun enemun aqumevkarlukek-llu stuuluata iquanun kelgumalriit, yuinaq qulmek cipluku (30) aqumgaviatnun.

²³Samuel-aam kenirta qanrutaa, “Taisgu imna kemek tunelqa elpenun allakaasqelluku.”

²⁴Tua-i kenirtem taitaa assinkacagii irupacuum ciuqerranun-llu Saul-aam elliluku. Samuel-aaq-llu qanertuq, “Tangrriu wani-wa allakaumalleq elpet pitekluten. Neriu. Minaumaurallruamken neresqelluku ilagarluki yuut kelellrenka.” Tua-i Saul-aam nerellguciraa Samuel-aaq tuani ernermi.

²⁵Agayuvikelallratnek atraameng nunanun, ingliuraat Saul-aaq enem pakmani qaingani,[7]

²⁶tuani-llu qavartuq. Unuayaarmi Samuel-aam qayagauraa Saul-aaq enem qaingani, “Makluten, ayagcecaaqniamken.” Saul-aaq maktuq, tua-i-llu Samuel-aaq-llu an'uk maliklutek tumyaramun.

²⁷Nunat iquatnun tekicamek, Samuel-aam qanrutaa Saul-aaq, “Qanrusgu pista ayaasqelluku ciunemegnegun.” Pistem unitak, Samuel-aaq-llu qanenqigtuq, “Wantauraqaqaa, qanrutniamken Agayutem qanellrinek.”