Read Zarma Genesis 36 Bible Online

Genesis 36 - Zarma bible

Genesis 36

¹Isuwa bandey neeya, nga kaŋ se i ga ne Edom.

²Isuwa na wandeyaŋ hiiji Kanaana ize wayey ra. Afo maa ga ti Ada, Elon Hittanca ize way no, afo mo maa Aholibama, Ana ize way no kaŋ ga ti Zibeyon Hibanca ize way.

³Afo mo maa Basematu, Isumeyla ize way no, Nebayot waymo.

⁴Ada na Elifaz hay Isuwa se. Basematu mo na Reyul hay.

⁵Aholibama na Yeyus da Yalam da Kora hay. Woodin yaŋ no ga ti Isuwa izey kaŋ yaŋ i hay a se Kanaana laabo ra.

⁶Isuwa na nga wandey sambu, da nga ize alborey da wayborey, da nga windo borey kulu da nga alman kayney da alman beerey kulu, da nga arzaka kulu kaŋ a margu Kanaana laabo ra. A koy laabu fo ra ka fay da nga kayne Yakuba.

⁷Zama i mayray harey baa, hal i si hin ka goro care banda. I yawtaray laabo si hin k'i almaney sambu, baayaŋ se.

⁸Isuwa goro Seyir tondo ra. Isuwa maa fo ga ti Edom.

⁹Koyne, borey wo ga ti Isuwa Edomanca bandey Seyir tondey ra. Isuwa izey maayey neeya:

¹⁰Elifaz, Isuwa wande Ada ize, da Reyul, Isuwa wande Basematu ize.

¹¹Elifaz izey neeya: Teman da Omar da Zefo da Gatam da Kenaz.

¹²Timna, kaŋ ti Elifaz Isuwa ize wahayo, nga no ka Amalek hay Elifaz se. Borey din no ga ti Isuwa wande Ada izey.

¹³Reyul izey mo neeya: Nahat da Zera da Samma da Miza. Borey din no ga ti Isuwa wande Basematu izey.

¹⁴Aholibama (Ana izo, Zibeyon ize, Isuwa wande) izey neeya: nga ka Yeyus da Yalam da Kora hay Isuwa se.

¹⁵Borey wo ga ti Isuwa banda amirey, Isuwa hay-jina Elifaz izey mo neeya: amiru Teman, da amiru Omar, da amiru Zefo, da amiru Kenaz,

¹⁶da amiru Kora, da amiru Gatam, da amiru Amalek. Borey din no ga ti Elifaz do haray amirey Edom laabo ra. Ngey no ka fun Ada gaa.

¹⁷Borey wo ga ti Isuwa izo Reyul izey: amiru Nahat, da amiru Zera, da amiru Samma, da amiru Miza. Borey din no ga ti Reyul do haray amirey, Edom laabo ra. Ngey no ka fun Isuwa wande Basematu gaa.

¹⁸Borey wo ga ti Isuwa wande Aholibama izey: amiru Yeyus, da amiru Yalam, da amiru Kora. Borey din no ga ti Isuwa wande, Ana izo Aholibama do haray amirey.

¹⁹Borey din no ga ti Isuwa izey. Ngey mo no ga ti Edom amirey.

²⁰Sohõ borey wo ga ti Seyir Horiyanca izey kaŋ yaŋ goro laabo ra doŋ. I maayey mo neeya: Lotan, da Zobal, da Zibeyon, da Ana,

²¹da Dison, da Ezer, da Disan. Borey din no ga ti Seyir izey, Horiyancey bonkooney Edom laabo ra.

²²Lotan izey ga ti: Hori da Hemam. Lotan wayme ga ti Timna.

²³Zobal izey mo neeya: Alban, da Manahat, da Ebal, da Sefo, da Onam.

²⁴Borey wo ga ti Zibeyon izey: Aya, da Ana (Ana din ga ti boro kaŋ du hari zuru dunga waato kaŋ a go ga nga baabo Zibeyon farkayey kuru.)

²⁵Ana izey mo ga ti Dison da Aholibama, Ana ize way no.

²⁶Borey wo mo ga ti Dison izey: Hemdan, da Esban, da Itran, da Keran.

²⁷Borey wo mo ga ti Ezer izey: Bilhan, da Zaaban, da Akan.

²⁸Borey wo ga ti Disan izey: Uz da Aran.

²⁹Horiyancey amirey neeya: amiru Lotan da amiru Zobal, da amiru Zibeyon, da amiru Ana,

³⁰da amiru Dison, da amiru Ezer, da amiru Disan. Borey din ga ti Horiyancey amirey, i hinkoyey nooya Seyir laabo ra.

³¹Borey wo ga ti bonkooney kaŋ yaŋ na mayray te Edom laabo ra za bonkooni kulu mana Israyla izey may:

³²Bela, Beyor ize may Edom ra. A kwaara maa ga ti Dinaba.

³³Bela bu. Kala Yobab, Zera izo kaŋ Bozra hay te bonkooni a banda.

³⁴Yobab mo bu. Husam Temanancey laabu bora mo te bonkooni a nango ra.

³⁵Husam mo bu. Bedad izo Hadad, kaŋ na Midiyan kar Mowab windanta, a te bonkooni a nango ra; a kwaara maa Abita.

³⁶Hadad mo bu. Samla Masreka bora may a nango ra.

³⁷Samla bu. Sawul Rehobot bora kaŋ go gooro do haray n'a nango sambu.

³⁸Sawul bu. Akbor izo Baal-Hanan furo a nango ra.

³⁹Akbor izo Baal-Hanan bu. Hadad te bonkooni a nango ra, A kwaara maa ga ti Paw. A wando maa ga ti Mehetabel, Matared izo, Mezahab ize.

⁴⁰Borey wo ga ti Isuwa do haray hinkoyey. I maayey neeya i kundey boŋ, i nangorayey boŋ, d'i maayey mo: amiru Timna, da amiru Alba, da amiru Yetet,

⁴¹da amiru Aholibama, da amiru Ela, da amiru Pinon,

⁴²da amiru Kenaz, da amiru Teman, da amiru Mibazar,

⁴³da amiru Magadeyel, da amiru Iram. Borey din ga ti Edom ra koyey, i goray nangey boŋ, i mayray laabey ra. Isuwa nooya, Edomancey baaba.