Read Zarma Genesis 5 Bible Online

Genesis 5 - Zarma bible

Genesis 5

¹Adamu bandey tira neeya: Hano kaŋ hane Irikoy na boro taka, danga Irikoy alhaalo cine no a n'a te.

²Alboro nda wayboro a n'i taka. A n'i albarkandi, a n'i maa daŋ boro, zaaro kaŋ a n'i taka.

³Adamu te jiiri zangu nda waranza, gaa no a na ize fo hay nga bumbo alhaalo cine, danga nga himando boŋ. A n'a maa daŋ Sita.

⁴Sita hayyaŋo banda Adamu jirbey jiiri zangu ahakku no. A ye ka izeyaŋ hay, alboro nda wayboro.

⁵Jirbey kulu kaŋ yaŋ Adamu te, jiiri zangu yagga da waranza no, waato din gaa no a bu.

⁶Sita mo te jiiri zangu nda igu, gaa no a na Enosu hay.

⁷Enosu hayyaŋo banda Sita funa ka tonton jiiri zangu ahakku nda iyye. A na izeyaŋ hay, alboro nda wayboro.

⁸Sita jirbey kulu, jiiri zangu yagga da iway cindi hinka no, gaa no a bu.

⁹Enosu mo te jiiri wayga, gaa no a na Kenan hay.

¹⁰Kenan hayyaŋo banda Enosu funa ka tonton jiiri zangu ahakku nda iway cindi gu. A na izeyaŋ hay, alboro nda wayboro.

¹¹Enosu jirbey kulu, jiiri zangu yagga nda igu no, gaa no a bu.

¹²Kenan te jiiri wayye, gaa no a na Mahalalel hay.

¹³Mahalalel hayyaŋo banda Kenan funa ka tonton jiiri zangu ahakku nda waytaaci. A na izeyaŋ hay, alboro nda wayboro.

¹⁴Kenan jirbey kulu, jiiri zangu yagga nda iway no, gaa no a bu.

¹⁵Mahalalel te jiiri waydu cindi gu, gaa no a na Yaredu hay.

¹⁶Yaredu hayyaŋo banda Mahalalel funa ka tonton jiiri zangu ahakku nda waranza. A na izeyaŋ hay, alboro nda wayboro.

¹⁷Mahalalel jirbey kulu, jiiri zangu ahakku nda wayga cindi gu no, gaa no a bu.

¹⁸Yaredu te jiiri zangu nda waydu cindi hinka, gaa no a na Annuhu hay.

¹⁹Annuhu hayyaŋo banda Yaredu funa ka tonton jiiri zangu ahakku. A na izeyaŋ hay, alboro nda wayboro.

²⁰Yaredu jirbey kulu, jiiri zangu yagga nda waydu cindi hinka no, gaa no a bu.

²¹Annuhu te jiiri waydu cindi gu, gaa no a na Metusala hay.

²²Metusala hayyaŋo banda Annuhu dira Irikoy banda jiiri zangu hinza. A na izeyaŋ hay, alboro nda wayboro.

²³Annuhu jirbey kulu, jiiri zangu hinza nda waydu cindi gu no.

²⁴Annuhu soobay ka dira Irikoy banda kal a daray borey se, zama Irikoy n'a sambu.

²⁵Metusala te jiiri zangu nda wahakku cindi iyye, gaa no a na Lameku hay.

²⁶Lameku hayyaŋo banda Metusala funa ka tonton jiiri zangu iyye nda wahakku cindi hinka. A na izeyaŋ hay, alboro nda wayboro.

²⁷Metusala jirbey kulu, jiiri zangu yagga nda waydu cindi yagga no, gaa no a bu.

²⁸Lameku te jiiri zangu nda wahakku cindi hinka, gaa no a na ize alboro fo hay

²⁹k'a maa daŋ Nuhu. A ne: «Nga no g'iri kunfa iri goyo d'iri kambey taabo se, laabo kaŋ Rabbi laali din sabbay se.»

³⁰Nuhu hayyaŋo banda Lameku funa ka tonton jiiri zangu gu da wayga cindi gu. A na izeyaŋ hay, alboro nda wayboro.

³¹Lameku jirbey kulu, jiiri zangu iyye nda wayye cindi iyye no, gaa no a bu.

³²Nuhu te jiiri zangu gu, gaa no a na Sem da Ham da Zafetu hay.