Read Zarma 1 Chronicles 2 Bible Online

1 Chronicles 2 - Zarma bible

1 Chronicles 2

¹Israyla ize arey neeya: Ruben, Simeyon, Lawi, Yahuda, Isakar, Zabluna,

²Dan, Yusufu, Benyamin, Naftali, Gad, da Aser.

³Yahuda ize arey neeya: Er, Onan, da Sela. Kanaananca Suwa ize way no ka ihinza din hay a se. Yahuda izey hay-jina Er wo, boro laalo no Rabbi jine, hala Rabbi n'a wi.

⁴Yahuda izo wande Tamar mo na Farisa da Zera hay Yahuda se. A ize arey kulu igu no.

⁵Farisa ize arey neeya: Hezron da Hamul.

⁶Zera ize arey mo neeya: Zimri, Etan, Heman, Kalkol, Dara -- i boro gu no.

⁷Karmi ize aro mo neeya: Akar. Israyla taabandikwa nooya, nga kaŋ na Irikoy sanno daaru jinay kaŋ i ciya laalante din gaa.

⁸Etan ize aro mo, Azariya no.

⁹Hezron ize arey mo kaŋ i hay a se neeya: Yerameyel, Ram, da Selubay.

¹⁰Ram mo na Aminadab hay, Aminadab na Nason Yahuda kunda jine bora hay.

¹¹Nason na Salma hay, Salma na Buwaza hay,

¹²Buwaza na Obida hay, Obida na Yasse hay.

¹³Yasse na nga hay-jina Eliyab hay, da nga ize hinkanta Abinadab, ihinzanta Simeya,

¹⁴itaacanta Netanel, iguwanta Radday,

¹⁵iddanta Ozem, iyyanta Dawda.

¹⁶I waymey mo maa Zeruwiya da Abigayil. Zeruwiya ize arey mo neeya: Abisay, Yowab, da Asahel, i boro hinza.

¹⁷Abigayil mo na Amasa hay, Amasa din baabo ga ti Yeter, Isumeylance.

¹⁸Hezron ize Kaleb na izeyaŋ hay nga wando Azuba gaa, da Yeriyot gaa mo. A ize arey neeya: Yeser, Sobab, da Ardon.

¹⁹Waato kaŋ Azuba bu, Kaleb ye ka Efrata hiiji, nga kaŋ na Hur hay a se.

²⁰Hur mo na Uri hay, Uri mo na Bezaleyel hay.

²¹Woodin banda, waato kaŋ Hezron gonda jiiri waydu a na Macir Jileyad baaba ize way fo hiiji. Hezron margu nd'a, a na Segub mo hay a se.

²²Segub mo na Yayir hay, boro kaŋ gonda kwaara waranka cindi hinza Jileyad laabo ra.

²³Amma Gesur da Aram na Yayir kwaarey ta i gaa, ngey nda Kena kwaara nd'i kawyey mo, kwaara waydu nooya. Woodin yaŋ kulu Macir Jileyad baaba izey no.

²⁴Hezron mo bu Kaleb Efrata ra. A buuyaŋo banda mo a wando Abiya na Assur Tekowa baaba hay a se.

²⁵Hezron hay-jina Yerameyel izey mo neeya: a hay-jina Ram, Buna, Oran, Ozem, da Ahiya.

²⁶Yerameyel mo gonda wande fo kaŋ se i ga ne Atara, nga no ka Onam hay.

²⁷Yerameyel hay-jina Ram izey mo neeya: Maaz, Yamin, da Eker.

²⁸Onam izey mo neeya: Sammay da Yada. Sammay izey mo neeya: Nadab da Abisur.

²⁹Abisur wande maa ga ti Abihayel. A na Aban da Molid hay a se.

³⁰Nadab izey neeya: Seled da Appayim, amma Seled bu ize aru si.

³¹Appayim ize mo neeya: Isi. Isi ize: Sesan. Sesan ize mo: Alay.

³²Sammay nya-ize Yada izey mo neeya: Yeter da Yonata, amma Yeter bu ize aru si.

³³Yonata izey neeya: Pelet da Zaza. Woodin yaŋ Yerameyel banda nooya.

³⁴Sesan binde sinda ize aruyaŋ, kala ize wayyaŋ. Sesan gonda Misirance bannya fo kaŋ se i ga ne Yara.

³⁵A na nga ize way fo no nga bannya Yara se, kaŋ na Attay hay a se.

³⁶Attay wo na Natan hay, Natan na Zabad hay,

³⁷Zabad na Eflal hay, Eflal na Obed hay,

³⁸Obed na Yehu hay, Yehu na Azariya hay,

³⁹Azariya na Helez hay, Helez na Eleyasa hay,

⁴⁰Eleyasa na Sismay hay, Sismay na Sallum hay,

⁴¹Sallum na Yekamiya hay, Yekamiya na Elisama hay.

⁴²Yerameyel nya-ize Kaleb, a izey mo neeya: a hay-jina Mesa, Zif baaba. A ize mo Maresa no, Hebron baaba no.

⁴³Hebron izey mo neeya: Kora, Tappuwa, Rekam, da Sema.

⁴⁴Sema na Raham Yorkeyam baaba hay, Rekam mo na Sammay hay.

⁴⁵Sammay ize mo, Mawon. Mawon na Bayt-Zur hay.

⁴⁶Kaleb wahay Efa na Haran hay, da Moza da Gazez. Haran no ga ti Gazez baaba.

⁴⁷Yaday izey neeya: Regam, Yotam, Gesan, Pelet, Efa, da Saafa.

⁴⁸Kaleb wahay fo Maaka na Seber hay, da Tirhana.

⁴⁹A na Saafa Madmanna baaba mo hay, da Seba Makbena baaba, da Jibeya mo. Kaleb ize wayo maa ga ti Aksa.

⁵⁰Kaleb banda neeya: Efrata hay-jina Hur, a izey neeya: Zobal Ciriyat-Yeyarim baaba,

⁵¹da Salma Baytlahami baaba, da Haref Bayt-Gader baaba.

⁵²Zobal Ciriyat-Yeyarim baaba mo du izeyaŋ: Harowe, da Menahat jara,

⁵³da Ciriyat-Yeyarim almayaaley, sanda Itri gorokoy, da Put waney, da Sumat waney, da Misra waney nooya. Borey din gaa no Zorat gorokoy fun, da Estayol waney.

⁵⁴Salma banda neeya: Baytlahami borey, da Netofa waney, da Atrot-Bayt-Yowab waney, da Menahat jara waney, da Zor waney.

⁵⁵Tira hantumkoy almayaaley mo kaŋ yaŋ goro Yabez, danga Tira borey da Simeyat waney, da Suka waney, ngey mo Keni boroyaŋ no kaŋ yaŋ fun Hammat Rekab dumo baabo gaa.