Read Zarma 1 Chronicles 24 Bible Online

1 Chronicles 24 - Zarma bible

1 Chronicles 24

¹Haruna izey sata-satey neeya: Haruna izey ga ti Nadab, da Abihu, da Eliyezar, da Itamar.

²Amma Nadab da Abihu jin ka bu ngey baabo se, i sinda ize mo. Gaa no Eliyezar da Itamar na alfagataray goy te.

³Dawda mo, da Zadok (Eliyezar banda boro no) da Ahimelek (Itamar kunda boro no), i na Haruna dumo fay-fay ka boro kulu no nga goy kaŋ a ga te.

⁴Za kaŋ i gar boro beeriyaŋ baa Eliyezar dumo ra ka bisa Itamar dumo ra, a se no i n'i fay-fay ya-cine: Kaayey almayaaley windikoy way cindi iddu go no Eliyezar dumo ra, Itamar dumo ra mo ahakku, i kaayey windey boŋ.

⁵Yaadin no i n'i fay-fay d'a kurne boŋ, woone yaŋ nda yongo waney, zama i ciya jine boroyaŋ Nangu Hananta nda Irikoy se, Eliyezar dumo nda Itamar dumo kulu ra.

⁶Semaya mo, hantumkwa Netanel izo, Lawi kunda boro n'i maayey hantum ka jisi bonkoono jine, da koy-izey, da Alfa Zadok da Ahimelek Abiyatar izo, da alfagey da Lawitey kaayey windikoyey mo. I ga baa fo suuban ka sambu Eliyezar se, waato din gaa no Itamar mo se afo.

⁷Kurne na baa sintina no Yehoyarib se, ihinkanta Yedaya se,

⁸ihinzanta Harim se, itaacanta Seyorim se,

⁹iguwanta Malciya se, iddanta Miyamin se,

¹⁰iyyanta Hakkoz se, ahakkanta Abiya se,

¹¹yagganta Yasuwa se, iwayanta Sekaniya se.

¹²iway cindi fa Eliyasib se, iway cindi hinkanta Yacim se.

¹³iway cindi hinzanta Huppa se, iway cindi taacanta Yesebeya se,

¹⁴iway cindi guwanta Bilga se, iway cindi iddanta Immer se,

¹⁵iway cindi iyyanta Hezir se, iway cindi ahakkanta Happizez se,

¹⁶iway cindi yagganta Petahiya se, warankanta Yehezkel se,

¹⁷waranka cindi fa Yacin se, waranka cindi hinkanta Gamul se,

¹⁸waranka cindi hinzanta Delaya se, waranka cindi taacanta Maaziya se.

¹⁹Yaadin cine no i n'i goyo daŋ i kambe ra d'a, waato kaŋ i ga furo Rabbi fuwo ra farilla kaŋ i du ngey kaayo Haruna do din boŋ, danga mate kaŋ cine Rabbi, Israyla Irikoyo n'a lordi nd'a.

²⁰Lawi ize cindey sanni mo: Amram izey ra Subayel, Subayel izey ra Yedaya.

²¹Rehabiya dumo ra, danga Rehabiya izey nooya, sintina ga ti Issaya.

²²Izhar izey ra, Selomot; Selomot izey ra mo Yahat.

²³Hebron izey ra mo Yeraya ga ti ijina, ihinkanta Amariya, ihinzanta Yahaziyel, itaacanta Yekameyam.

²⁴Uzziyel izey ra Mika; Mika izey ra Samir.

²⁵Mika kayne ga ti Issaya; Issaya izey ra Zakariya.

²⁶Merari izey ga ti Mali da Musi; Yaaziya ize Beno.

²⁷Merari dumi Yaaziya do haray ga ti Beno da Soham da Zakkur da Ibri.

²⁸Mali do haray: Eliyezar kaŋ sinda ize aru.

²⁹Cis do haray: Cis ize Yerameyel.

³⁰Musi izey mo neeya: Mali, Eder, Yeremot. Woodin yaŋ kulu ga ti Lawi kunda izey i kaayey almayaaley windey boŋ.

³¹Woodin yaŋ mo na kurne te danga mate kaŋ i nya-izey Haruna dumo te bonkoono Dawda jine, da Zadok, da Ahimelek, da alfagey da Lawitey kaayey almayaaley windikoyey, windikoy kulu nda nga kayne.