Read Zarma 1 Chronicles 6 Bible Online

1 Chronicles 6 - Zarma bible

1 Chronicles 6

¹Lawi izey neeya: Gerson, Kohat, da Merari.

²Kohat izey neeya: Amram, Izhar, Hebron, da Uzziyel.

³Amram izey mo neeya: Haruna, Musa, da Maryama. Haruna izey mo neeya: Nadab, Abihu, Eliyezar, da Itamar.

⁴Eliyezar na Fineyas hay, Fineyas na Abisuwa hay,

⁵Abisuwa na Bukki hay, Bukki na Uzzi hay,

⁶Uzzi na Zeraya hay, Zeraya na Merayot hay,

⁷Merayot na Amariya hay, Amariya na Ahitub hay,

⁸Ahitub na Zadok hay, Zadok na Ahimaz hay,

⁹Ahimaz na Azariya hay, Azariya na Yohanan hay,

¹⁰Yohanan na Azariya hay (nga no ka alfagataray goy te windo kaŋ Suleymanu cina Urusalima kwaara din ra.)

¹¹Azariya na Amariya hay, Amariya na Ahitub hay,

¹²Ahitub na Zadok hay, Zadok na Sallum hay,

¹³Sallum na Hilciya hay, Hilciya na Azariya hay,

¹⁴Azariya na Seraya hay, Seraya na Yehozadak hay.

¹⁵Yehozadak wo no ka koy i banda waato kaŋ Rabbi konda Yahuda laabo da Urusalima kwaara borey tamtaray Nebukadnezzar kamba ra.

¹⁶Lawi izey neeya: Gerson, Kohat, da Merari.

¹⁷Gerson izey maayey neeya: Libni da Simey.

¹⁸Kohat izey mo neeya: Amram, Izhar, Hebron, da Uzziyel.

¹⁹Merari izey mo neeya: Mali da Musi. Lawitey almayaaley mo, i kaayey windey boŋ neeya:

²⁰Gerson waney neeya: a ize Libni, Libni ize Yahat, Yahat ize Zimma,

²¹Zimma ize Yowa, Yowa ize Iddo, Iddo ize Zera, Zera ize Yeyateray.

²²Kohat waney neeya: a ize Aminadab, Aminadab ize Kora, Kora ize Assir,

²³Assir ize Elkana, Elkana ize Ebiyasaf, Ebiyasaf ize Assir,

²⁴Assir ize Tahat, Tahat ize Uriyel, Uriyel ize Uzziya, Uzziya ize Sawulu.

²⁵Elkana izey mo neeya: Amasay da Ahimot.

²⁶Elkana sanni binde, a ize ga ti Zofay da Nahat.

²⁷Nahat ize Eliyab, Eliyab ize Yeroham, Yeroham ize Elkana.

²⁸Samuwila izey mo neeya: a hay-jina Yowel, ihinkanta Abiya.

²⁹Merari izey neeya: Mahli, Mahli ize Libni, Libni ize Simey, Simey ize Uzza,

³⁰Uzza ize Simeya, Simeya ize Haggaya, Haggaya ize Asaya.

³¹Borey kaŋ yaŋ Dawda daŋ i ma baytu candi Rabbi windo ra binde, waato kaŋ i jin ka konda Rabbi sundurko k'a jisi noodin, ngey neeya:

³²I goyo ga ti i ma baytuyaŋ te Irikoy nangora kaŋ go kubayyaŋ hukumo ra jine. I na woodin te mo hala waato kaŋ Suleymanu na Rabbi windo cina Urusalima ra. I kay noodin mo ngey sasareyaŋey ra ka ngey goyo toonandi.

³³Borey kaŋ yaŋ furo goy woodin dumi ra, ngey nda ngey izey neeya: Kohat izey ra: doonko Heman, Yowel ize, Samuwila ize,

³⁴Elkana ize, Yeroham ize, Eliyel ize, Towa ize,

³⁵Zuf ize, Elkana ize, Mahat ize, Amasay ize,

³⁶Elkana ize, Yowel ize, Azariya ize, Zafaniya ize,

³⁷Tahat ize, Assir ize, Ebiyasaf ize, Kora ize,

³⁸Izhar ize, Kohat ize, Lawi ize, Israyla ize.

³⁹Heman nya-ize Asaf mo kay a kambe ŋwaari haray, sanda Asaf, Bereciya ize, Simeya ize,

⁴⁰Munkayla ize, Baasaya ize, Malciya ize,

⁴¹Etni ize, Zera ize, Adaya ize,

⁴²Etan ize, Zimma ize, Simey ize,

⁴³Yahat ize, Gerson ize, Lawi ize.

⁴⁴Heman kambe wow gaa haray mo i nya-ize Merari do haray wane no: Etan Cisi ize, Abdi ize, Malluk ize,

⁴⁵Hasabiya ize, Amaziya ize, Hilciya ize,

⁴⁶Amzi ize, Bani ize, Semer ize,

⁴⁷Mali ize, Musi ize, Merari ize, Lawi ize.

⁴⁸I nya-izey Lawitey mo, i n'i daŋ i ma goy kulu dumi te Irikoy nangora se, Irikoy windo ra.

⁴⁹Amma Haruna nda nga izey, ngey no ga sargay* goy te feema kaŋ boŋ i ga sargay ton se, da dugu tonyaŋ feema mo se. Goy kulu kaŋ i ga te Nangoray Hanna ra mo, ngey no g'a te, zama i ma sasabandiyaŋ te Israyla se, sanni kulu kaŋ Irikoy tamo Musa n'i lordi nd'a.

⁵⁰Haruna asulo neeya: A ize Eliyezar, Eliyezar ize Fineyas, Fineyas ize Abisuwa,

⁵¹Abisuwa ize Bukki, Bukki ize Uzzi, Uzzi ize Zeraya,

⁵²Zeraya ize Merayot, Merayot ize Amariya, Amariya ize Ahitub,

⁵³Ahitub ize Zadok, Zadok ize Ahimaz.

⁵⁴I kwaarey neeya i zumbuyaŋey boŋ Israyla laabo ra: i na baa sintina no Haruna banda kaŋ yaŋ go Kohat sata almayaaley do haray se.

⁵⁵I du Hebron kwaara Yahuda laabo ra, d'a kuray batamey, kwaara windanta.

⁵⁶Amma birno farey d'a kawyey, i n'i no Kaleb Yefunna ize se.

⁵⁷Haruna banda se mo i na kwaarayaŋ no kaŋ ga te tuguyaŋ birni yaŋ. Ngey neeya: Hebron da Libna nda nga kuray nangey, da Yattir da Estemowa nda nga kuray nangey,

⁵⁸da Hilen da nga kuray nangey, da Debir da nga kuray nangey,

⁵⁹da Ayin da nga kuray nangey, da Bayt-Semes da nga kuray nangey.

⁶⁰Benyamin kunda ra mo i du: Geba nda nga kuray nangey, da Alemet da nga kuray nangey, da Anatot da nga kuray nangey. Kwaarey kaŋ i du i almayaaley kulu se, i to kwaara way cindi hinza.

⁶¹Kohat ize cindey mo, i n'i no ngey baa kurne boŋ. I n'a kaa kunda jara ra, Manasse almayaaley wano ra nooya, k'i no kwaara way.

⁶²Gerson banda borey se mo, i almayaaley boŋ, i n'i no kwaara way cindi hinza, k'i kaa Isakar da Aser da Naftali da Manasse kundey ra. Basan haray no i go.

⁶³Merari banda borey se mo i almayaaley boŋ, i n'i no kwaara way cindi hinka kurne boŋ, k'i kaa Ruben da Gad da Zabluna kundey ra.

⁶⁴Yaadin no Israyla na kwaarey da ngey kuray nangey no Lawitey se d'a.

⁶⁵Kwaarey din binde kaŋ yaŋ i n'i maayey ci, i n'i kaa Yahuda izey kunda ra, da Simeyon izey kunda ra, da Benyamin izey kunda ra, k'i no kurne boŋ.

⁶⁶Kohat izey almayaali fooyaŋ mo du ngey goray kwaarey Ifraymu kunda ra.

⁶⁷I n'i no kwaarey wo tuguyaŋ se: Sekem kaŋ go Ifraymu tondey laabo ra, da nga kuray nangey, da Gezer mo da nga kuray nangey.

⁶⁸I du Yokmeyam da nga kuray nangey da Bayt-Horon da nga kuray nangey,

⁶⁹da Ayyalon da nga kuray nangey, da Gat-Rimmon da nga kuray nangey.

⁷⁰Manasse kunda jare fa ra mo i du Aner da nga kuray nangey, da Bileyam da nga kuray nangey Kohat ize cindey da ngey almayaaley se.

⁷¹Gerson izey du ngey baa Manasse jare fa ra: Golan kaŋ go Basan laabo ra nda nga kuray nangey, da Astarot da nga kuray nangey.

⁷²Isakar kunda ra i du: Kedes da nga kuray nangey, da Daberat da nga kuray nangey,

⁷³da Yarmut da nga kuray nangey, da En-Ganem da nga kuray nangey.

⁷⁴Aser kunda ra mo i du: Misal da nga kuray nangey, da Abdon da nga kuray nangey,

⁷⁵da Hukkok da nga kuray nangey, da Rehob da nga kuray nangey.

⁷⁶Naftali kunda ra mo i du: Kedes Galili laabo ra da nga kuray nangey, da Hammon da nga kuray nangey, da Kartom da nga kuray nangey.

⁷⁷Lawiti cindey se, danga Merari izey se, i du Zabluna kunda ra Rimmon da nga kuray nangey, da Tabor da nga kuray nangey.

⁷⁸Urdun* isa se ya-haray, naŋ kaŋ go Yeriko jine, danga Urdun wayna funay jabo gaa, i du Ruben kunda ra: Bezer da nga kuray nangey, kaŋ go hala saaji fimbo ra, da Yahaz da nga kuray nangey,

⁷⁹da Kedemot da nga kuray nangey da Mefaat da nga kuray nangey.

⁸⁰Gad kunda ra mo i du: Ramot da nga kuray nangey kaŋ go Jileyad, da Mahanayim da nga kuray nangey,

⁸¹da Hesbon da nga kuray nangey, da Yazer da nga kuray nangey.