Read Zarma 1 Chronicles 7 Bible Online

1 Chronicles 7 - Zarma bible

1 Chronicles 7

¹Isakar du ize aru taaci, ngey neeya: Tola, Puwa, Ayuba nda Simron.

²Tola izey neeya: Uzzi, Refaya, Yeriyel, Yamay, Ibsam, da Samuwila, kaay almayaali koyey no. Tola izey mo sooje beeri yaŋ no ngey zamaney ra. Dawda jirbey ra i boro zambar waranka cindi hinka nda zangu iddu no.

³Uzzi izo mo maa Izrahaya. Izrahaya izey mo neeya: Munkayla, Obadiya, Yowel, da Issaya. I boro gu wo kulu jine boroyaŋ no.

⁴I do haray gonda sooje zambar waranza cindi iddu, sata-sata, kaŋ yaŋ soola wongu se, i zamaney ra d'i kaayey almayaaley boŋ, zama i te wande boobo ka du ize aru boobo.

⁵I dumey mo Isakar kunda almayaaley wo, soojeyaŋ no, kaŋ yaŋ i hantum asuli lasaabuyaŋ tira ra. I borey kulu margante, zambar wahakku cindi iyye no.

⁶Benyamin gonda ize aru hinza, ngey neeya: Bela, Beker, Yedayel.

⁷Bela gonda ize aru gu, ngey neeya: Ezbon, Uzzi, Uzziyel, Yeremot, Irii. I ciya kaayey windey jine boroyaŋ, soojeyaŋ kaŋ ga yaaru no. I boro zambar waranka cindi hinka nda waranza cindi taaci no kaŋ go hantumante asuli tira ra.

⁸Beker izey mo, ngey neeya: Zemira Yowas, Eliyezar, Eliyowenay, Omri, Yeremot, Abiya, Anatot, Alemet. Woodin yaŋ kulu Beker izeyaŋ no.

⁹I n'i hantum asuli tira ra mo i zamaney boŋ, i kaayey windey jine borey banda. I boro zambar waranka da zangu hinka, soojey kaŋ yaŋ ga yaaru no.

¹⁰Yedayel ize aro mo maa Bilhan. Nga mo izey neeya: Yeyus, Benyamin, Ehud, Kenaana, Zetan, Tarsis, da Ahisahar.

¹¹Woodin yaŋ kulu Yedayel dumey no i kaayey windey jine borey boŋ. I boro zambar way cindi iyye da zangu hinka no, i kulu soojeyaŋ no kaŋ ga yaaru, soolanteyaŋ no i ma koy wongu do se.

¹²Suppim da Huppim ga ti Iri izeyaŋ, Husim mo Aher ize no.

¹³Naftali kunda borey neeya: Bila izey: Yazeyel, Guni, Yezer, da Sallum.

¹⁴Manasse izey neeya: Asriyel kaŋ a Aramance wahayo hay a se. A na Macir Jileyad baaba mo hay.

¹⁵Macir na wande ceeci Huppim da Suppim do, i wayme maa ga ti Maaka. Ize hinkanta mo maa Zelofehad, nga mo gonda ize wayboroyaŋ.

¹⁶Macir wande Maaka na ize aru hay kaŋ se i ga ne Peres. A kayno mo maa Seres, kaŋ a ize arey ga ti Ulam da Rekam.

¹⁷Ulam mo, a ize ga ti Bedan. Woodin yaŋ no ga ti Jileyad dumey, Macir ize, Manasse ize.

¹⁸A wayme Hammoleket mo na Isihod hay, da Abiyezer da Maala.

¹⁹Semida ize arey mo, ngey ga ti Ahiyan da Sekem, da Likki da Aniyam.

²⁰Ifraymu banda mo neeya: Sutela, nga mo a ize Bered, Bered ize Tahat, Tahat ize Eliyada, Eliyada ize Tahat,

²¹Tahat ize Zabad, Zabad ize Sutela, da Ezer, da Eliyad. Woodin yaŋ Gat borey kaŋ ti laabo din izey, i n'i wi, zama i zumbu i do k'i almaney kom.

²²I baabo Ifraymu n'i hẽ jirbi boobo, hal a almayaaley kaa k'a yaamar.

²³Gaa no a margu nda nga wando. Nga mo te gunde ka ize aru hay a se kaŋ a n'a maa daŋ Beriya, zama hasaraw te a dumo se.

²⁴A ize wayo mo maa Seera, kaŋ na Bayt-Horon cina, kwaara beene nd'a ganda ce kulu. A na Uzzen-Seera mo cina.

²⁵A ize fo mo maa Refa, da Resef, da nga ize Tela, Tela ize Tahan,

²⁶Tahan ize Ladan, Ladan ize Amihud, Amihud ize Elisama,

²⁷Elisama ize Nun, Nun ize Yasuwa.

²⁸I mayray harey d'i goray do ga ti Betel da nga kawyey, da Naaran kaŋ go wayna funay haray, da Gezer da nga kawyey kaŋ go wayna kaŋay haray, da Sekem da nga kawyey ka to hala Ayya nda nga kawyey.

²⁹Manasse izey hirro gaa mo i du Bayt-Seyan da nga kawyey, da Taanak da nga kawyey, da Mejiddo da nga kawyey, da Dor da nga kawyey. Woodin yaŋ ra no Yusufu Israyla ize kunda go da goray.

³⁰Aser izey mo neeya: Imna, Isuwa, Isuwi, Beriya, d'i wayme Sera.

³¹Beriya izey mo maayey Heber da Malciyel, Birzayt baaba.

³²Heber mo na Yaflet hay, da Somer, da Hotam, da ngey wayme Suwa.

³³Yaflet izey mo maayey Pasak, Bimhal, da Asbat; Yaflet izey nooya.

³⁴Samer izey mo, ngey ga ti: Ahi, Roga, Yehubba, da Aram.

³⁵A kayne Helem izey mo, ngey ga ti: Zofa, Imni, Seles, da Amal.

³⁶Zofa izey mo, ngey ga ti: Suwa, Harnefer, Suwal, Beri, Imra,

³⁷Bezer, Hod, Samma, Silsa, Itran, da Beera.

³⁸Yeter izey mo, ngey neeya: Yefunna, Pispa, da Ara.

³⁹Ulla izey mo, ngey neeya: Ara, Hanniyel, da Riziya.

⁴⁰Woodin yaŋ kulu Aser kunda boroyaŋ no, kaayey almayaaley jine boroyaŋ, suubananteyaŋ da soojeyaŋ kaŋ ga yaaru; laabu koyey jine boroyaŋ no. I boro kulu kaŋ ga hin ka koy wongu mo, kaŋ yaŋ i hantum asuli tira ra, boro zambar waranka cindi iddu no.