Read Zarma Nehemiah 10 Bible Online

Nehemiah 10 - Zarma bible

Nehemiah 10

¹Borey kaŋ yaŋ na kawaatimo kar, ngey neeya: Dabarikwa Nehemiya, Hakaliya ize, da Zedeciya,

²Seraya, da Azariya, da Irimiya,

³Pasur, da Amariya, da Malciya,

⁴Hattus, da Sabaniya, da Malluk,

⁵Harim, da Meremot, da Obadiya,

⁶Daniyel, da Jinneton, da Baruk,

⁷Mesullam, da Abiya, da Miyamin,

⁸Maaziya, da Bilgay, da Semaya, alfagayaŋ nooya.

⁹Lawi borey mo neeya: Yesuwa, Azaniya ize, da Binnuwi Henadad wane do haray, da Kadmiyel,

¹⁰d'i nya-izey Sabaniya, da Hodiya, da Kelita, da Pelaya, da Hanan.

¹¹Mika, da Rehob, da Hasabiya,

¹²Zakkur, da Serebiya, da Sabaniya,

¹³Hodiya, da Bani, da Beninu.

¹⁴Jama jine borey neeya: Paros, da Pahat-Mowab, da Elam, da Zattu, da Baani,

¹⁵Bunni, da Azgad, da Bebay,

¹⁶Adoniya, da Bigbay, da Adin,

¹⁷Ater, da Hezeciya, da Azzur,

¹⁸Hodiya, da Hasum, da Bezay,

¹⁹Harif, da Anatot, da Nebay,

²⁰Magpiyas, da Mesullam, da Hezir,

²¹Mesezabel, da Zadok, da Yadduwa,

²²Pelatiya, da Hanan, da Anaya,

²³Hoseya, da Hananiya, da Hassub,

²⁴Hallohes, da Pilha, da Sobak,

²⁵Rehum, da Hasabna, da Maaseya,

²⁶Ahiya, da Hanan, da Anan,

²⁷Malluk, da Harim, da Baana.

²⁸Jama cindo mo, da alfagey, da Lawi borey, da windo me batukoy, da doonkoy, da Irikoy windo goy-izey, da borey kulu kaŋ na ngey boŋ fay waani laabey dumi cindey gaa ngey ma Irikoy asariya haggoy sabbay se, i wandey, d'i ize arey da ize wayey, borey kulu kaŋ yaŋ gonda bayray da fahamay,

²⁹i naagu ngey nya-izey da ngey laabukoyey gaa. I na laaliyaŋ gaara ngey boŋ gaa da zeyaŋ ka ne ngey ga Irikoy asariya gana kaŋ i no Irikoy tamo Musa kambe ra. I ne mo ngey ga Rabbi iri Irikoyo lordey d'a farilley, d'a hin sanney kulu gana, ka goy d'ey.

³⁰«Iri si ye k'iri ize wayey hiijandi laabo dumi woodin yaŋ ize arey se koyne. Iri si ye k'i ize wayey hiiji mo koyne, ka kande iri ize arey se.

³¹Woodin banda mo, da laabo dumey din kande jinay wala ŋwaari kulu kaŋ dumi no, i kande asibti hane zama ngey m'a neera se, iri s'a day i gaa asibti hane, wala zaari fo kaŋ ga hanan ra. Iri ga yadda nda jiiri iyyante alaada ka garaw kulu taŋ mo.

³²Iri na farilla te iri boŋ se koyne ka ne iri g'iri boŋ daŋ banandi kaŋ jiiri kulu iri ga nzarfu sekel* farsimi hinzante bana iri Irikoyo windo saajawo se,

³³zama i ma day jisiyaŋ buuru, da sarga* kaŋ si fappe, ŋwaari wane da tonyaŋ wane, da asibtey se waney, da handu kayyaŋey wane, da batey kaŋ i sinji wane, da hayey kaŋ yaŋ ga hanan wane, da zunubi se sargay kaŋ i ga sasabandiyaŋ te d'a Israyla se wane, d'iri Irikoyo windo goy kulu se.

³⁴Iri binde, alfagey da Lawi borey da jama borey na kurne te tuuri sargay boŋ, i ma kand'a iri Irikoyo windo ra, iri kaayey windey boŋ, alwaatey kaŋ i daŋ yaŋ ra, jiiri ka koy jiiri, zama i m'a ton Rabbi iri Irikoyo feema boŋ, danga mate kaŋ i hantum asariya tira ra.

³⁵Iri ne mo iri ga kande iri laabo dumari boŋ-jina, da tuuri kulu izey boŋ-jina, jiiri ka kaa jiiri, ka kond'a Rabbi windo ra.

³⁶Iri ize aru hay-jiney mo, d'iri almaney waney, sanda iri alman kurey ra haw da feeji hay-jiney, iri ga kand'ey zama i ma kond'ey iri Irikoyo windo ra, ka koy alfagey kaŋ yaŋ ga saajaw te iri Irikoy windo ra din do, sanda mate kaŋ i hantum asariya tira ra.

³⁷Iri ne iri ga kande iri dumari boŋ-jina hamni, d'iri sargay kaŋ i ga sambu beene, da tuuri kulu dumi izeyaŋ, da reyzin hari, da ji wane, ka kaa alfagey do, ka koy iri Irikoyo windo ra. Iri laabo zakka mo iri ga kand'a Lawi borey do, zama ngey, Lawi borey no ga zakka ta laabo birney kulu ra, nangey kaŋ iri ga far.

³⁸Haruna banda ra alfaga fo mo ga goro Lawi borey banda, waato kaŋ Lawi borey ga zakka ta. Lawi borey mo ga kande afo iway ra ka kond'a iri Irikoyo windo do, i ma furo fuwey ra, jisiri nangey ra.

³⁹Zama Israyla izey da Lawi izey, i ga kande beene sambuyaŋ sargay, ntaaso wane da reyzin hari wane da ji wane, ka kond'a fuwey ra, nango kaŋ nangu hananta jinayey bara, da alfagey kaŋ yaŋ ga saajawo te, da windi me batukoy, da doonkoy. Iri ne iri si iri Irikoyo windo muray mo.»