Read Zarma Nehemiah 7 Bible Online

Nehemiah 7 - Zarma bible

Nehemiah 7

¹Waato kaŋ i na birni windanta cinaro ban, ay na meyey daabirjey daŋ ka me batukoy da Lawi borey, da doonkoy mo daŋ.

²Gaa no ay kayne Hanani, da Hananiya kaŋ ga wongu fuwo batandi mo, ay n'i no Urusalima gaayyaŋ. Zama Hananiya wo boro no kaŋ gonda amaana, a bisa boro boobo Irikoy humburkumay.

³Ay ne i se: «I ma si Urusalima meyey fiti kala nda wayna dungu gumo jina. Waato kaŋ i goono ga kay ka batu, waato din gaa i ma meyey daabu. Araŋ ma karangaleyaŋ daŋ k'i daabu. I ma batukoyaŋ mo daŋ Urusalima gorokoy ra, afo kulu nga saaya ra, boro fo kulu mo ma batu nga windo do haray.»

⁴Gallo mo itafo no, a ga hay mo, amma a borey ciraariyaŋ no, i mana windiyaŋ cina mo jina.

⁵Ay Irikoyo daŋ ay bina ra ay ma laabukoyey da mayraykoyey da jama margu zama i m'i lasaabu ngey asuley boŋ. Kal ay na borey kaŋ jin ka kaa asulo tira gar. Haŋ kaŋ ay gar a ra hantumante mo neeya:

⁶Woone yaŋ no ga ti laab'izey, ngey kaŋ yaŋ tun tamtaray izey kaŋ yaŋ i ku din ra, sanda borey kaŋ yaŋ Babila bonkoono Nebukadnezzar ku nooya. I ye ka kaa Urusalima nda Yahuda laabu koyne, i afo kulu koy nga kwaara do.

⁷Borey kaŋ yaŋ kaa Zerubabel banda neeya: Yesuwa, Nehemiya, Azariya, Raamiya, Nahamani, Mordekay, Bilsan, Misperet, Bigbay, Nehum, da Baana. Israyla borey timmante lasaabo neeya:

⁸Paros izey, zambar hinka nda zangu nda wayye cindi hinka.

⁹Sefatiya izey, zangu hinza nda wayye cindi hinka.

¹⁰Ara izey, zangu iddu nda waygu cindi hinka.

¹¹Pahat-Mowab izey, Yesuwa nda Yowab izey do haray, zambar hinka nda zangu ahakku nda iway cindi ahakku.

¹²Elam izey, zambar fo nda zangu hinka nda waygu cindi taaci.

¹³Zattu izey, zangu ahakku nda waytaaci cindi gu.

¹⁴Zakkay izey, zangu iyye nda waydu.

¹⁵Binnuwi izey, zangu iddu nda way taaci cindi ahakku.

¹⁶Bebay izey, zangu iddu nda waranka cindi ahakku.

¹⁷Azgad izey, zambar hinka, nda zangu hinza nda waranka cindi hinka.

¹⁸Adonikam izey, zangu iddu nda waydu cindi iyye.

¹⁹Bigbay izey, zambar hinka nda waydu cindi iyye.

²⁰Adin izey, zangu iddu nda waygu cindi gu.

²¹Ater izey, Hezeciya do haray waney, wayga cindi ahakku.

²²Hasum izey, zangu hinza nda waranka cindi ahakku.

²³Bezay izey, zangu hinza nda waranka cindi taaci.

²⁴Harif izey, zangu nda iway cindi hinka.

²⁵Jibeyon izey, wayga cindi gu.

²⁶Baytlahami nda Netofa alborey, zangu nda wahakku cindi ahakku.

²⁷Anatot alborey, zangu nda waranka cindi ahakku.

²⁸Bayt-Azmabet alborey, way taaci cindi hinka.

²⁹Ciriyat-Yeyarim da Kefira da Beyerot waney: zangu iyye nda waytaaci cindi hinza.

³⁰Rama nda Geba alborey, zangu iddu nda waranka cindi fo.

³¹Mikmas alborey, zangu nda waranka cindi hinka.

³²Betel nda Ayi alborey, zangu nda waranka cindi hinza.

³³Nebo fa alborey, waygu cindi hinka.

³⁴Elam fa izey, zambar fo da zangu hinka nda waygu cindi taaci.

³⁵Harim izey, zangu hinza nda waranka.

³⁶Yeriko izey, zangu hinza nda waytaaci cindi gu.

³⁷Lod da Hadid da Ono izey, zangu iyye nda waranka cindi fo.

³⁸Senaa izey, zambar hinza, nda zangu yagga nda waranza.

³⁹Alfagey neeya: Yedaya izey, Yesuwa windo do haray, zangu yagga nda wayye cindi hinza.

⁴⁰Immer izey, zambar fo da waygu cindi hinka.

⁴¹Pasur izey, zambar fo da zangu hinka nda waytaaci cindi iyye.

⁴²Harim izey, zambar fo da way cindi iyye.

⁴³Lawi borey neeya: Yesuwa izey, Kadmiyel waney, Hodabiya izey do, wayye cindi taaci.

⁴⁴Doonkoy neeya: Asaf izey, zangu nda waytaaci cindi ahakku.

⁴⁵Me batukoy neeya: Sallum izey, da Ater izey, da Talmon izey da Akkub izey, da Hatita izey, da Sobay izey, zangu nda waranza cindi ahakku.

⁴⁶Irikoy windo goy-izey neeya: Ziha izey, da Hasufa izey, da Tabbayot izey,

⁴⁷da Keros izey, da Siyaha izey, da Padon izey,

⁴⁸da Lebana izey, da Hagaba izey, da Salmay izey,

⁴⁹da Hanan izey, da Jiddel izey, da Gahar izey,

⁵⁰da Reyaya izey, da Rezin izey, da Nekoda izey,

⁵¹da Gazzam izey, da Uzza izey, da Paseya izey,

⁵²da Besay izey, da Meyunim izey, da Nefusesim izey,

⁵³da Bakbuk izey, da Hakufa izey, da Harhur izey,

⁵⁴da Bazlit izey, da Mehida izey, da Harsa izey,

⁵⁵da Barkos izey, da Sisera izey, da Tema izey,

⁵⁶da Neziya izey, da Hatifa izey.

⁵⁷Suleymanu bannyey izey neeya: Sotay izey, da Soferet izey, da Peruda izey,

⁵⁸da Yaala izey, da Darkon izey, da Jiddel izey,

⁵⁹da Sefatiya izey, da Hattil izey, da Pokeret-Hazzebayim izey, da Amon izey,

⁶⁰sanda Irikoy windo goy-izey kulu nda Suleymanu bannyey izey, i to boro zangu hinza nda wayga cindi hinka.

⁶¹Wo kaŋ yaŋ fun Tel-Mela, da Tel-Harsa, da Kerub, da Addon, da Immer neeya: (day i si hin ka ngey kaayey windi cabe, wala ngey asuli, hala Israyla ra no ngey go.)

⁶²Delaya izey, da Tobiya izey, da Nekoda izey, zangu iddu nda waytaaci cindi hinka.

⁶³Alfagey bumbey do haray: Hobaya izey, da Hakkoz izey, da Barzillay izey (nga kaŋ na wande sambu Barzillay Jileyad bora izey ra, hala i n'a maa daŋ a gaa.)

⁶⁴Woodin yaŋ, i na ngey maa ceeci asuley hantum yaŋ tira ra, amma i man'i gar. Woodin se no i n'i lasaabu harram no, k'i kaa alfagataray goyo ra.

⁶⁵Dabarikwa mo ne i se i ma si hayey kaŋ ga hanan ka bisa i kulu ŋwa, kal a ma to waati kaŋ alfaga fo ga tun kaŋ gonda Urim* da Tummin.

⁶⁶Jama kulu marganta ga ti boro zambar waytaaci cindi hinka nda zangu hinza nda waydu,

⁶⁷kaŋ waana i bannyey d'i koŋŋey, kaŋ ga to boro zambar iyye nda zangu hinza nda waranza cindi iyye. Koyne, i gonda boro zangu hinka nda waytaaci cindi gu kaŋ yaŋ ga dooni te, alboro nda wayboro.

⁶⁸I bariyey, zangu iyye nda waranza cindi iddu no, i alambaaney mo, zangu hinka nda way taaci cindi gu no.

⁶⁹I yoy, zangu taaci nda waranza cindi gu no. I farkayey, zambar iddu nda zangu iyye nda waranka no.

⁷⁰Afooyaŋ mo kaayey windi arkusey ra na nooyaŋ te goyo se. Dabarikwa na wura kilo taaci no, da taasa waygu nda alfaga bankaaray zangu gu da waranza k'i daŋ jisiri nango se.

⁷¹Kaayey windi arkusey ra mo koyne, afooyaŋ na wura kilo wahakku da nzarfu wane kilo zambar fo no goyo jisiri nango ra.

⁷²Boro cindey mo, haŋ kaŋ i no neeya: wura kilo wahakku da nzarfu kilo zangu yagga nda waranka, da alfaga bankaaray waydu cindi iyye.

⁷³Yaadin no alfagey nda Lawi borey, da me batukoy, da doonkoy, da jama ra afooyaŋ, da windo goy-izey, da Israyla kulu, i goro ngey birney ra d'a. Waato kaŋ handu iyyanta to mo, Israyla izey go ngey birney ra,