Read Zarma Psalms 100 Bible Online

Psalms 100 - Zarma bible

Psalms 100

¹Saabuyaŋ baytu. Ya ndunnya kulu, wa farhã kuuwa te Rabbi se,

²Wa may Rabbi se da bine kaani, Wa kaa a jine da farhã baytuyaŋ.

³Wa bay kaŋ Rabbi no ga ti Irikoy, Nga no k'iri te, iri ya a wane yaŋ mo no. Iri ya a boroyaŋ no, a kuray nango feejiyaŋ mo.

⁴Wa furo a windi meyey ra da saabuyaŋ, A windi batamey ra mo da sifaw. Wa saabu a se, w'a maa sifa.

⁵Zama Rabbi ya booriyankoy no, A baakasinay suujo go no hal abada. A naanayo mo hala ka koy zamaney kulu me no.