Read Zarma Psalms 112 Bible Online

Psalms 112 - Zarma bible

Psalms 112

¹Alleluya! Albarkante no boro kaŋ ga humburu Rabbi, Kaŋ ga nga bine kaanandi gumo a lordey ra.

²Bora din banda ga ciya hinkoyaŋ ndunnya ra. Adilantey zamana borey ga ciya albarkanteyaŋ.

³Duure nda arzaka go a windo ra, A adilitara mo go no hal abada.

⁴Kaari ga fun kubay ra cimikoyey se, Rabbi ya gomni nda bakaraw da adilitaray koy no.

⁵Baani ga bara boro woone wo se: Nga kaŋ ga gomni goy te ka garaw daŋ. A ga nga muraadey te da cimi ciiti mo.

⁶Daahir a si zinji abada. Adilante ga ciya fonguyaŋ hari hal abada.

⁷A bina goono ga sinji no, A goono ga de Rabbi gaa, Baaru laalo s'a humburandi.

⁸A bina sinji, a si humburu hay kulu, Hal a ma di nga muraado feeri nga yanjekaarey boŋ.

⁹A zaban ka no alfukaarey se. A adilitara ga duumi hal abada, A hillo ga beeri mo ka tun beene.

¹⁰Boro laalo ga di woodin, a ma dukur, A ma nga hinje kaama, a ma komso mo. Boro laalo ibaayo ga halaci no.