Read Zarma Psalms 113 Bible Online

Psalms 113 - Zarma bible

Psalms 113

¹Alleluya! Ya araŋ Rabbi tamey, wa sifa, Wa Rabbi maa sifa!

²Wa Rabbi maa sifa, za sohõ ka koy hal abada.

³Za wayna funyaŋo ka koy hal a kaŋyaŋo, Rabbi maa ya sifayaŋ hari no.

⁴Rabbi ya beeraykoy no dumey kulu boŋ, A darza mo ku da beeney.

⁵May no ga hima Rabbi iri Irikoyo, Nga kaŋ gonda nga karga hala beene?

⁶Nga kaŋ ga nga boŋ kaynandi zama nga ma harey kaŋ go beena ra, Da wo kaŋ yaŋ go no ndunnya ra mo guna!

⁷A ga talka tunandi ka kaa kusa ra. A ga moori ra borey mo beerandi k'i kaa begunu ra,

⁸Zama nga m'i gorandi mayraykoyey banda, Kaŋ ga ti nga jama mayraykoyey.

⁹A ga naŋ waygunu ma ciya fu-nya, A ma goro mo ka ciya izeyaŋ nya kaŋ bine ga kaan. Alleluya!