Read Zarma Psalms 114 Bible Online

Psalms 114 - Zarma bible

Psalms 114

¹Waato kaŋ Israyla fun Misira laabo ra, Yakuba dumo fun mebarawey ra,

²Yahuda ciya Rabbi se nangoray hanante, Israyla ciya a mayray hari.

³Teeko n'a guna ka zuru, Urdun* mo bare ka ye banda,

⁴Tondi kuukey soobay ka sar sanda feeji gaaruyaŋ cine, Tudu izey mo sanda feeji izeyaŋ cine.

⁵Ya teeko, ifo ka du nin kaŋ se ni zuru? Da ni mo, ya Urdun, kaŋ ni ye da banda?

⁶Araŋ mo, ya tondi kuukey, Kaŋ araŋ go ga sar sanda feeji gaaruyaŋ cine? Araŋ mo, ya tudu izey, sanda feeji izeyaŋ cine?

⁷Ya nin ndunnya, ma jijiri Irikoy jine, Ma jijiri Yakuba Irikoyo jine,

⁸Nga kaŋ na tondi daari bare ka ciya bangu hari, Captu tondi mo ciya hari zuru.