Read Zarma Psalms 120 Bible Online

Psalms 120 - Zarma bible

Psalms 120

¹Zijiyaŋ dooni no. Ay kankamo ra ay hẽ Rabbi gaa, a tu ay se mo.

²Ya Rabbi, m'ay fundo faaba meyey kaŋ ga tangari te yaŋ gaa, Da deene kaŋ ga halli mo gaa.

³Ya nin, deene kaŋ ga halli, ifo no i ga ni no, Ifo mo no i ga tonton ni se?

⁴To, wongaari hangawey kaŋ gonda deene, Ngey da zam tuuri danj'izeyaŋ no.

⁵Kaari ay, za kaŋ ay goono ga yawtaray te Mesek ra, Za kaŋ ay goono ga goro Kedar bukka ra.

⁶Ay fundo gay gumo a goono ga goro borey kaŋ yaŋ konna laakal kanay banda.

⁷Ay wo, laakal kanay no ay ga ba, Amma d'ay salaŋ, wongu no i ga ba.