Read Zarma Psalms 122 Bible Online

Psalms 122 - Zarma bible

Psalms 122

¹Zijiyaŋ dooni no. Dawda wane no. Ay farhã waato kaŋ cine i ne ay se: «Kaa, iri ma koy Rabbi windo do.»

²Ya Urusalima*, iri cey ga kay ni birni meyey ra.

³Urusalima, nin kaŋ i na ni cina, Gallu nooya kaŋ goono ga margu care gaa.

⁴Naŋ kaŋ kundey ga kaaru, Kaŋ ga ti Rabbi kundey, farilla no Israyla se, Ngey ma du ka saabu Rabbi maa se.

⁵Zama noodin no i na kargayaŋ sinji ciiti teeyaŋ se, Kaŋ ga ti Dawda dumo kargey.

⁶Wa te adduwa Urusalima laakal kana se ka ne: «Ni baakoy ma te arzaka.

⁷Laakal kanay ma goro ni birni cinarey ra, Albarka mo ma goro ni faadey ra.»

⁸Ay nya-izey d'ay baakoy sabbay se no ay ga ne: «Laakal kanay ma goro ni ra.»

⁹Rabbi iri Irikoyo windo sabbay se no ay goono ga ni albarka ceeci.