Read Zarma Psalms 124 Bible Online

Psalms 124 - Zarma bible

Psalms 124

¹Zijiyaŋ dooni no. Dawda wane no. Israyla ma ne: «Da manti kaŋ Rabbi go iri do haray,

²Da manti kaŋ Rabbi go iri do haray waato kaŋ cine borey tun iri gaa,

³Doŋ i n'iri gon da fundi, Waato kaŋ cine i futa koroŋ iri gaa.

⁴Doŋ haro n'iri yoole, Gooru ma gana iri fundey boŋ mo.

⁵Doŋ harey kaŋ ga futu ga gana iri fundey boŋ.»

⁶Iri ma Rabbi sifa, Nga kaŋ mana iri nooyandi i hinjey se i m'iri ŋwa.

⁷Iri fundey koma sanda curo kaŋ du ka fun kol'izeyaŋ hirrimi ra. Hirrimo pati, iri mo du ka koma.

⁸Iri gaakasinay go Rabbi maa do haray, Nga kaŋ na beene nda ganda te.